பிரதேச செயலாளர் திரு. பிரான்சிஸ் சந்திரா சத்தியசோதிஅவர்களது தலைமையில் இடம்பெற்ற இந் நிகழ்வில் பிரதம விருந்தினராக யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்களும், சிறப்பு விருந்தினராக சாவகச்சேரி ஆதார வைத்தியசாலை பணிப்பாளர் திரு. தங்கராசா காண்டீபன் அவர்களும் , கெளரவ விருந்தினர்களாக மாவட்ட சிரேஷ்ட கலாசார உத்தியோகத்தர் திருமதி. சுகுணலினி விஜயரத்தினம் அவர்களும் கலாபூசணம் சின்னக்குட்டி காசிப்பிள்ளை மற்றும் தென்மராட்சி கலை கலாசார மண்டப தலைவர் திரு. அருள்நிதி அருள்தாஸ் அவர்களும் கலந்து சிறப்பித்திருந்தார்கள்.
பிரபல நாதஸ்வர வித்துவான் கலாபூஷணம் கே.எம்.பஞ்சாபிகேசன் அரங்கில் இடம்பெற்ற இவ்வாண்டிற்கான பண்பாட்டு விழாவானது பல்வேறுபட்ட கலை இலக்கிய விழுமியங்களையும் உள்ளடக்கியிருந்தமை குறிப்பிடத்தக்கது.
ஆலய முன்றலில் இருந்து பண்பாட்டு ஊர்வலத்துடன் ஆரம்பமான இந் நிகழ்வில் தமிழ்தாய் வாழ்த்து ,வரவேற்பு நடனம், குறத்தி நடனம் , முருகன் நடனம் , இசைச்சங்கமம் , பொம்மலாட்டம் , கதாப்பிரசங்கம் , கோலாட்டம், நாட்டிய நாடகம் என்பன சிறப்பாக நடைபெற்றது.
கலைஞர்களுக்கான " கலைச்சாகரம் விருது", "இளம்கலைஞர் விருது " அரசாங்க அதிபர் அவர்களால் வழங்கப்பட்டது.
இந்நிகழ்வில் கலைஞர்கள், கலை ஆர்வலர்கள், பொது அமைப்புக்களின் பிரதிநிதிகள் மற்றும் உத்தியோகத்தர்கள் என ஏராளமானவர்கள் கலந்து சிறப்பித்தார்கள்.
