மாவட்ட திட்டமிடல் உபகுழுக்கூட்டம் கடற்றொழில், நீரியல் மற்றும் கடல் வளங்கள் அமைச்சரும், ஒருங்கிணைப்புக் குழுவின் தலைவரும், பாராளுமன்ற உறுப்பினருமான கௌரவ இராமலிங்கம் சந்திரசேகர் அவர்கள் தலைமையில் இன்றைய தினம் (27.03.2026) பி. ப 02.30 மணிக்கு யாழ்ப்பாண மாவட்டச் செயலக கேட்போர் கூடத்தில் நடைபெற்றது.இக் கூட்டத்தில் மாவட்ட மட்டத்தில் சகல நிதி மூலங்களையும் உள்ளடக்கி நடைமுறைப்படுத்தப்படும், நடைமுறைப்படுத்த உத்தேசிக்கப்பட்டுள்ள அபிவிருத்தி வேலைத் திட்டங்கள் தொடர்பாகவும் விரிவாக கலந்துரையாடப்பட்டதுடன், யாழ்ப்பாணம் மாவட்டத்தில் நடைமுறைபடுத்தப்படும் நடைமுறைப்படுத்த உத்தேசிக்கப்பட்டுள்ள திட்டங்கள் தொடர்பாகவும் கலந்துரையாடப்பட்டன. இக் கூட்டத்தில் தலைமையுரையாற்றிய கடற்றொழில், நீரியல் மற்றும் கடல் வளங்கள் அமைச்சரும், ஒருங்கிணைப்புக் குழுவின் தலைவரும், பாராளுமன்ற உறுப்பினருமான கௌரவ இராமலிங்கம் சந்திரசேகர் அவர்கள், யாழ்ப்பாண மாவட்டத்தில் முன்னெடுக்கப்படும் திட்டங்களின் விபரங்கள், வேலைத் திட்டங்கள் தொடர்பாக எழும் பல குற்றச்சாட்டுகள் காணப்படுவதாகும் தெரிவித்தார். மேலும், திட்டங்களை நடைமுறைப்படுத்தும் போது ஏற்படும் சவால்களைநிவர்த்தி செய்வதற்காக அதனை ஆழமாகவும், விரிவாகவும் கலந்துரையாட வேண்டிய தேவை காணப்படுவதாகவும், அதனை நோக்காக கொண்டு இக் கூட்டம் விசேடமாக ஆரம்பிக்கப்பட்டுள்ளதாகவும் தெரிவித்து, இக் கூட்டம் ஆரோக்கியமாக நடைபெறவும் ஆலோசனைகளையும் ஒத்துழைப்புக்களையும் நல்குமாறும் கெளரவ அமைச்சர் கேட்டுக் கொண்டார்.