யாழ்ப்பாணம் மாவட்ட மோட்டார் வாகனப் போக்குவரத்துத் திணைக்கள அலுவலகத்திற்கு 2026.09.29 ஆம் திகதி கிடைக்கப்பெற்றுள்ள வாகன இலக்கத் தகடுகளின் விபரங்கள் இத்துடன் இணைக்கப்பட்டுள்ளதாக யாழ்ப்பாணம் மாவட்ட அரசாங்க அதிபர் தெரிவித்துள்ளார். குறித்த இலக்கத் தகடுகளைப் பெற்றுக்கொள்ள வேண்டிய வாகன உரிமையாளர்கள், https://dmtappointments.dmt.gov.lk என்ற இணையத்தளத்தின் ஊடாக அல்லது 021 211 7116 என்ற தன்னியக்க தொலைபேசி இலக்கத்தை அழைப்பதன் மூலம் தமக்கான திகதி மற்றும் நேரத்தை முற்பதிவு செய்துகொள்ள வேண்டும். முற்பதிவு செய்த பின்னர், மோட்டார் வாகனப் போக்குவரத்துத் திணைக்களத்தினால் தங்களது கைத்தொலைபேசிக்கு அனுப்பப்படும் குறுந்தகவலுடன், புதிதாக வாகனங்களைப் பதிவு செய்த உரிமையாளர்கள், வாகனப் பதிவுச் சான்றிதழ் / பதிவுப் புத்தகம் தேசிய அடையாள அட்டை ஆகியவற்றைச் சமர்ப்பித்து, தங்களது வாகனத்திற்குரிய இலக்கத் தகட்டை குறித்த நேரத்தில் அலுவலகத்திற்கு வருகைதந்து பெற்றுக்கொள்ள முடியும். வாடகை அல்லது குத்தகை அடிப்படையில் கொள்வனவு செய்யப்பட்ட வாகனங்கள் வாகனம் வாடகை அல்லது குத்தகை உடன்படிக்கையின் அடிப்படையில் கொள்வனவு செய்யப்பட்டிருந்தால், உரிமையாளர் தனது தேசிய அடையாள அட்டையுடன், குறித்த நிறுவனத்தினால் வழங்கப்படும் பின்வரும் ஆவணங்களைச் சமர்ப்பித்து இலக்கத் தகட்டைப் பெற்றுக்கொள்ள முடியும். வாகனப் பதிவுச் சான்றிதழின் உறுதிப்படுத்தப்பட்ட பிரதி. உரிமையாளருக்கு இலக்கத் தகடு வழங்குவதற்கு ஆட்சேபனை இல்லை என்பதைத் தெரிவிக்கும் வகையில், குறித்த நிறுவனத்தின் உத்தியோகபூர்வ கடிதத் தலைப்பில் வழங்கப்பட்ட கடிதம். எனவே, உரிய ஆவணங்களுடன் முற்பதிவு செய்யப்பட்ட திகதி மற்றும் நேரத்திற்கு வருகைதந்து, தங்களுக்குரிய வாகன இலக்கத் தகடுகளைப் பெற்றுக்கொள்ளுமாறு வாகன உரிமையாளர்கள் கேட்டுக்கொள்ளப்படுகின்றனர்.