யாழ்ப்பாண மாவட்டத்தில் புதிதாக இணைக்கப்பட்ட கிராம உத்தியோகத்தர்களுக்கான ‘ஜனரிதம்’ தொடர்பான அறிமுக செயலமர்வு, மாவட்ட அரசாங்க அதிபர் மருதலிங்கம் பிரதீபன் அவர்களின் தலைமையில், பொது நிர்வாக, மாகாண சபைகள் மற்றும் உள்ளூராட்சி அமைச்சின் நிர்வாக மறுசீரமைப்புப் பிரிவின் சிரேஷ்ட உதவிச் செயலாளர் டபிள்யூ. எம். ஏ. எஸ். விக்கிரமசிங்க அவர்களின் பங்குபற்றுதலுடன் இன்றைய தினம் (15.10.2026) மாவட்டச் செயலக செயலமர்வு மண்டபத்தில் நடைபெற்றது. பிரதேச செயலகங்கள் மற்றும் மாவட்டச் செயலகங்கள் ஊடாகப் பொதுமக்கள் பெற்றுக்கொண்ட சேவைகளை அடிப்படையாகக் கொண்டு கருத்துக்கணிப்புகளை மேற்கொள்வதற்கும், அதன் மூலம் கிடைக்கும் தகவல்களின் அடிப்படையில் கொள்கைத் திட்டமொன்றைத் தயாரிப்பதற்குமான நோக்கில் இச்செயலமர்வு நடைபெற்றது. இச் செயலமர்வின் ஆரம்ப நிகழ்வில் உதவி மாவட்டச் செயலாளர் செல்வி உ. தர்ஷினி, பொது நிர்வாக, உள்நாட்டலுவல்கள் அமைச்சின் அபிவிருத்தி இணைப்பாளர் திருமதி ந. யாழினி உள்ளிட்டோர் கலந்துகொண்டனர்.