இந் நிகழ்வுக்கு யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்கள் தலைமை தாங்கினார்.

திரு. கே. கே. நாகதீபன் குழுவினர், திரு. பஞ்சமூர்த்தி குமரன் குழுவினர் மற்றும் திரு. தட்சணாமூர்த்தி உதயசங்கர் குழுவினர் மங்கள இசை நிகழ்வுகளை வழங்கினர்.

‘உதயன்’ பத்திரிகையின் நிர்வாக இயக்குநரான திரு. ஈ. சரவணபவன் அவர்களும் அவரது துணைவியாரும் மங்கள விளக்கேற்றி நிகழ்வை ஆரம்பித்து வைத்தனர்.

திரு. ஜெ. மதுஷிகன் அவர்களின் கடவுள் வாழ்த்து இடம்பெற்றது.

யாழ்ப்பாணத்திலுள்ள இந்தியத் துணைத்தூதரகத்தின் கௌரவ துணைத்தூதுவர் ஸ்ரீமான் சாய் முரளி அவர்கள் தொடக்கவுரையாற்றினார்.

கம்பவாரிதி ’ இ. ஜெயராஜ் அவர்கள் நீதியரசராகத் தலைமையேற்று “இடித்துரைக்கத் தவறி அழிவுப்பட்டவர்கள் குற்றவாளிகள்!” என்ற தலைப்பிலான வழக்காடு மன்றமும், வாழ்நாள் பேராசிரியர் எஸ். சிவலிங்கராஜா இணைப்பாளராகப் பங்கேற்ற ‘நீயா? நானா?’ என்ற பொருளில் நாடக அரங்கும் சிறப்பாக இடம்பெற்றன.