யாழ்ப்பாண மாவட்டத்தில் அமுல்படுத்தப்படவுள்ள நகர அபிவிருத்தி திட்ட மீளாய்வு கூட்டம் கடற்றொழில் அமைச்சரும் யாழ் மாவட்ட அபிவிருத்தி குழுத் தலைவருமான கௌரவ டக்ளஸ் தேவானந்தா அவர்கள் தலைமையில்  16.04.2024 காலை ஒன்பது மணிக்கு யாழ் மாவட்ட செயலக கேட்போர் கூடத்தில் நடைபெற்றது.

இதன்போது வலிகாமம் வடக்கு பிரதேசத்தில் தகவல் தொழில்நுட்ப அடிப்படையிலான தொழில்துறை நடவடிக்கைகள், கடற்கரை பூங்கா அமைத்தல், ஊர்காவற்றுறை பிரதேசத்தில் இயற்கை சார்ந்த சுற்றுலா மற்றும்  சுற்றுலா வசதி மையம், அமைத்தல், வேலணை பிரதேசத்தில் முதியவர்களின் ஓய்வுக் கிராமம் அமைத்தல் ஆகியன தொடர்பாக கலந்துரையாடப்பட்டது.

பாராளுமன்ற உறுப்பினர் கௌரவ சித்தார்த்தன்,  வடக்கு மாகாண பிரதம செயலாளர் எல். இளங்கோவன், யாழ் மாவட்ட பதில் அரசாங்க அதிபர் ம. பிரதீபன்,கௌரவ  முன்னாள் மாநகர மேயர் வி.மணிவண்ணன் மற்றும் மேலதிக  அரசாங்க அதிபர் (காணி),  யாழ் மாவட்ட பிரதேச செயலாளர்கள், பிரதேச சபையின் செயலாளர்கள், திட்டமிடல் பணிப்பாளர், நகர அபிவிருத்தி சபையின் பிரதிப் பணிப்பாளர் மற்றும் உத்தியோகத்தர்கள் மற்றும் மாவட்ட செயலக உத்தியோகத்தர்கள் உள்ளிட்ட பலர் கலந்து கொண்டனர்.