மாவட்டச் செயலகத்தின் ஏற்பாட்டில் ஒழுங்குபடுத்தப்பட்ட உணவுத் திருவிழாவும் விற்பனைக் கண்காட்சியும் இன்று (05.08.2024) பி.ப 03.00 மணிக்கு யாழ்ப்பாணம் முற்றவெளிப் பகுதியில் பிரதம விருந்தினரான யாழ்ப்பாண மாவட்ட பதில் அரசாங்க அதிபர் திரு.மருதலிங்கம் பிரதீபன் அவர்களால் சிறப்பாக ஆரம்பித்து வைக்கப்பட்டது.

85 ற்கும் மேற்பட்ட முயற்சியாளர்களை உள்ளடக்கிய வகையில் பாரம்பரிய உணவுகள், பனை சார் மற்றும் கைவினைப் பொருட்கள், தைத்த ஆடைகள், தோல் உற்பத்திப் பொருட்கள் மற்றும் வங்கிச் சேவைகளையும் கொண்ட 85 ற்கு மேற்பட்ட கண்காட்சி விற்பனைக் கூடங்கள் அமைக்கப்பட்டுள்ளன.

இன்றிலிருந்து மூன்று தினங்கள் நடைபெறவுள்ளது. (ஆவணி மாதம் 5 ஆம் திகதி பி.ப 3.00 மணி தொடக்கம் இரவு 9.00 வரையும், 6 மற்றும் 7 ஆம் திகதிகளில் காலை 10.00 மணி தொடக்கம் இரவு 9.00 மணி)

மேலும் இசை நிகழ்வு, நாடகம் நிகழ்வு , வீரதீர விளையாட்டு மற்றும் பொம்மலாட்டம் போன்ற பொழுதுபோக்கு நிகழ்வுகளும் நடைபெறவுள்ளன.

இன்றைய ஆரம்ப நிகழ்வில் மேலதிக அரசாங்க அதிபர் (காணி), பிரதம கணக்காளர், உதவி மாவட்டச் செயலாளர், யாழ்ப்பாணம் மற்றும் நல்லூர் பிரதேச செயலாளர்கள் உள்ளடக்கிய பதவிநிலை உத்தியோகத்தர்கள், வர்த்தக வங்கியின் பிராந்திய முகாமையாளர், வர்த்தக சங்கத்தின் தலைவர் மற்றும் பிரதிநிதிகள், பெண்கள் அமைப்பின் பிரதிநிதிகள், உத்தியோகத்தர்கள், பொது மக்கள் மற்றும் ஊடகவியலாளர்கள் உள்ளிட்ட பலர் கலந்து கொண்டனர்.