மாணவ தூதுவர் செயற்திட்டத்தில் சங்கானை பிரதேச செயலகத்திற்கு தேசிய விருதுகள். தேசிய சிறுவர் பாதுகாப்பு அதிகாரசபையினால் நடைமுறைப்படுத்தப்பட்ட மாணவ தூதுவர் செயற்திட்டத்தின் கீழ், இன்று (29.09.2026) கொழும்பு பல்கலைக்கழக மருத்துவ பீட கேட்போர் கூடத்தில் நடைபெற்ற மாணவ தூதுவர் – தேசிய மாநாட்டில், சங்கானை பிரதேச செயலகம் தேசிய மட்டத்தில் முக்கியமான சாதனைகளைப் பெற்றுள்ளது. இதன்போது, மாணவ தூதுவர் செயற்திட்டத்திற்கான சிறந்த வளவாளர் விருதும், குறித்த செயற்திட்டத்தை சிறப்பாக நடைமுறைப்படுத்தியமைக்கான தேசிய சிறுவர் பாதுகாப்பு அதிகாரசபையின் சிறந்த அலுவலருக்கான விருதும் சங்கானை பிரதேச செயலகத்தின் சிறுவர் பாதுகாப்பு உத்தியோகத்தர் திரு. ர. ரவிராஜ் அவர்களுக்கு வழங்கப்பட்டது. மேலும், மாணவ தூதுவர் செயற்திட்டத்தை சிறப்பாக நடைமுறைப்படுத்திய சிறந்த பிரதேச செயலகத்திற்கான தேசிய விருதையும் சங்கானை பிரதேச செயலகம் பெற்றுக்கொண்டுள்ளது. மேலும், இச் செயற்திட்டத்தில், சங்கானை பிரதேச செயலகம் தேசிய மட்டத்தில் சிறப்பான பங்களிப்பை வழங்கியுள்ளமைக்காக யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்கள், சங்கானை பிரதேச செயலாளர் மற்றும் சிறுவர் பாதுகாப்பு உத்தியோகத்தர் ஆகியோருக்கு தமது பாராட்டுக்களையும் வாழ்த்துக்களையும் தெரிவித்துக் கொண்டுள்ளார்.