மாவட்டத்தில் சிறுவர்கள் மற்றும் பெண்கள் எதிர்கொள்ளும் பிரச்சினைகள் தொடர்பாகப் பிரதேச மட்டத்தில் மேற்கொள்ளப்படும் நடவடிக்கைகளை மீளாய்வு செய்வதுடன், அவற்றுக்கான தீர்வுகளை ஒருங்கிணைந்த முறையில் முன்னெடுப்பதே இக்கூட்டத்தின் முக்கிய நோக்கமாகும் என குறிப்பிட்டார். சிறுவர்கள் மற்றும் பெண்களுக்கு எதிரான வன்முறைகள் தொடர்பில் கிடைக்கப்பெறும் முறைப்பாடுகளின் அடிப்படையிலேயே உத்தியோகபூர்வ புள்ளிவிபரங்கள் தயாரிக்கப்படுவதால், அறிக்கையிடப்படாத சம்பவங்கள் முழுமையாகப் புள்ளிவிபரங்களில் பிரதிபலிப்பதில்லை எனச் சுட்டிக்காட்டிய அவர், முறைப்பாடுகள் கிடைக்கப்பெற்ற பின்னர் அவற்றுக்கான தீர்வுகள் உரிய முறையில் வழங்கப்படுவதையும், சம்பந்தப்பட்ட குடும்பங்கள் தேவையான உதவிகளைப் பெற்றுக்கொள்வதையும் உறுதிப்படுத்த வேண்டியதன் அவசியத்தையும் வலியுறுத்தினார். மேலும், சம்பவ மாநாடுகளை நடத்தித் தீர்மானங்களை எடுப்பதுடன் மட்டும் நின்றுவிடாமல், பாதிக்கப்பட்ட குடும்பங்களின் அடிப்படைப் பிரச்சினைகளையும் கண்டறிந்து தீர்வுகளை வழங்க வேண்டும் எனத் தெரிவித்தார். குறிப்பாக, குடும்பங்களின் பொருளாதார நெருக்கடிகள், வாழ்வாதாரப் பிரச்சினைகள் மற்றும் கல்வி சார்ந்த சவால்கள் சிறுவர் மற்றும் பெண்கள் தொடர்பான பிரச்சினைகளுக்குக் காரணமாக அமையக்கூடும் என்பதால், பிரதேச செயலாளர்கள் ஏனைய துறைசார் உத்தியோகத்தர்களுடன் இணைந்து தேவையான நடவடிக்கைகளை முன்னெடுக்க வேண்டும் எனக் கேட்டுக்கொண்டார். வாழ்வாதார உதவிகள் தேவைப்படும் குடும்பங்களுக்கு மாவட்ட மட்டத்தில் உரிய ஒருங்கிணைப்பின் ஊடாக உதவிகளை வழங்குவதுடன், கல்வி சார்ந்த பிரச்சினைகளுக்குத் தீர்வுகாண வலயக் கல்விப் பணிப்பாளர்களின் ஒத்துழைப்பையும், உளவளத்துணை தேவைப்படுவோருக்கு உரிய நிபுணத்துவ உதவிகளையும் பெற்றுக்கொடுக்க வேண்டும் என வலியுறுத்தினார்.

மேலும், மாவட்டத்தில் தற்கொலைச் சம்பவங்கள் அதிகரித்துவருவது கவலைக்குரிய விடயமாக உள்ளதாகக் குறிப்பிட்ட அரசாங்க அதிபர் அவர்கள், இவ்வாறான சம்பவங்களைத் தடுப்பதற்கும், ஆபத்தான நிலைமைகளில் உள்ளவர்களை முன்கூட்டியே அடையாளம் கண்டு உரிய உளவளத்துணை மற்றும் மருத்துவ உதவிகளை வழங்குவதற்கும் துறைசார் நிபுணர்களின் ஆலோசனைகள் அவசியம் எனத் தெரிவித்தார். சிறுவர் மற்றும் பெண்களுக்கு எதிரான வன்முறைகளை முழுமையாக ஒழிப்பது சவாலானதாக இருந்தாலும், அனைத்துத் துறைசார் உத்தியோகத்தர்களும் ஒருங்கிணைந்து செயற்படுவதன் மூலம் இத்தகைய சம்பவங்களைக் குறைக்க முடியும் எனவும் அவர் நம்பிக்கை வெளியிட்டார். எனவே, சிறுவர்கள் மற்றும் பெண்களின் பாதுகாப்பை உறுதிப்படுத்தவும், அவர்களின் நலனை மேம்படுத்தவும், தற்கொலைகளைத் தடுப்பதற்கான முன்னெச்சரிக்கை நடவடிக்கைகளை வலுப்படுத்தவும் அனைத்து அதிகாரிகளும் தத்தமது பொறுப்புகளை உணர்ந்து அர்ப்பணிப்புடன் செயற்பட வேண்டும் எனக் கேட்டுக்கொண்டார்.இதன்போது, மாவட்ட மட்டத்திலான சிறுவர் அபிவிருத்தி, பெண்கள் அபிவிருத்தி, உளவளத்துணை வேலைத்திட்டங்கள் மற்றும் ஏனைய தொடர்புடைய விடயங்கள் குறித்து விரிவாகக் கலந்துரையாடப்பட்டன.

சிறுவர் இல்லங்களிலிருந்து சமூகத்துடன் மீள இணைக்கப்பட்டவர்களுக்காக நடைமுறைப்படுத்தப்படும் வலிமையான வாழ்க்கை - “திவியட்ட சவியக்” வீட்டுத்திட்டத்தின் கீழ் இரண்டு மில்லியன் ரூபா பெறுமதியான வீடுகள் வழங்கப்பட்டு வருவதாகக் குறிப்பிட்டார். இத்திட்டம் மத்திய மற்றும் மாகாண அமைச்சுக்கள் ஊடாகத் தொடர்ச்சியாக நடைமுறைப்படுத்தப்படவுள்ளதால், பிரதேச செயலாளர்கள் தகுதியான பயனாளிகளின் துல்லியமான பட்டியலைத் தயாரித்து வைத்திருக்க வேண்டும் என வலியுறுத்தினார். மேலும், நெடுந்தீவு பிரதேச செயலகத்தில் சிறுவர் விவகாரங்களைக் கையாள்வதற்கான உத்தியோகத்தர்கள் இல்லாத நிலையை நிவர்த்தி செய்யும் வகையில், 2027 ஆம் ஆண்டு ஜனவரி மாதம் முதல் சிறுவர் உரிமை மேம்பாட்டு உத்தியோகத்தர் உள்ளிட்ட உரிய உத்தியோகத்தர்களை நியமிப்பதற்கோ அல்லது சுழற்சி முறையில் பணியமர்த்துவதற்கோ நடவடிக்கை எடுக்குமாறு சம்பந்தப்பட்ட மகளிர் மற்றும் சிறுவர் அலுவல்கள் அமைச்சுக்கு கடிதம் அனுப்பி வைக்குமாறு அறிவுறுத்தினார். அனைத்துப் பிரதேச செயலாளர் பிரிவுகளிலும் சிறுவர், பெண்கள் மற்றும் உளவளத்துணை தொடர்பாகக் கிடைக்கப்பெறும் முறைப்பாடுகள் குறித்து ஆராய்வதற்காக ஒவ்வொரு மாதமும் இரண்டாவது புதன்கிழமை பிற்பகல் 2.30 மணிக்கு வழக்குக் கலந்துரையாடல்களை (Case Discussions) நடத்தி, பிரச்சினைகளுக்குத் தீர்வு காணுமாறும் தெரிவிக்கப்பட்டது. மாகாண சிறுவர் நன்னடத்தை ஆணையாளரின் கோரிக்கைக்கு அமைவாக, நல்லூர் பிரதேச செயலாளர் பிரிவிலுள்ள ஐந்து சிறுவர் பாதுகாப்பு இல்லங்களில் வசிக்கும் சிறுவர்களுக்கு உளஆற்றுப்படுத்தல் மற்றும் வழிகாட்டல் சேவைகளை வழங்குவது தொடர்பிலும் கலந்துரையாடப்பட்டது. இதற்கமைய, சிறுவர் அபிவிருத்தி நிலையங்களில் உள்ள சிறுவர்களின் ஆளுமை மற்றும் திறன்களை மேம்படுத்தும் நோக்கில், உளவளத்துணை உத்தியோகத்தர், மாவட்ட திறன் விருத்தி உத்தியோகத்தர் மற்றும் மனிதவள மேம்பாட்டு உத்தியோகத்தர் ஆகியோர் இணைந்து மாதத்திற்கு இருமுறை செயலமர்வுகளை நடத்துவதற்கான ஏற்பாடுகளை மேற்கொள்ளலாம் என மாவட்ட அரசாங்க அதிபர் தெரிவித்தார். பெண்களுக்கு எதிரான முறைப்பாடுகள் தொடர்பில், 2025 ஆம் ஆண்டுடன் ஒப்பிடுகையில் 2026 ஆம் ஆண்டில் முறைப்பாடுகளின் எண்ணிக்கை சிறிதளவு அதிகரித்துள்ளதாகவும் கூட்டத்தில் சுட்டிக்காட்டப்பட்டது. இதற்கான நடவடிக்கைகளை உடனுக்குடன் எடுக்குமாறு அறிவுறுத்தப்பட்டது. அத்துடன், வலயக் கல்வி அலுவலகங்களின் கல்விசாரா உத்தியோகத்தர்களுக்கு கல்விச் சட்டங்கள் மற்றும் நடைமுறைகள் தொடர்பில் நன்னடத்தை உத்தியோகத்தரின் ஊடாகச் செயலமர்வொன்றை ஏற்பாடு செய்து நடத்துமாறும் அறிவுறுத்தப்பட்டது.

அதிகரித்து வரும் தற்கொலைச் சம்பவங்கள், அவற்றுக்கான முக்கிய காரணிகள் மற்றும் அவற்றைத் தடுப்பதற்கான வழிமுறைகள் தொடர்பில் யாழ்ப்பாணம் போதனா வைத்தியசாலையின் வைத்திய கலாநிதி எஸ். சிவதாஸ் அவர்கள் சிறப்பு விழிப்புணர்வு கருத்துரை வழங்கப்பட்டது.

இக்கூட்டத்தில் மேலதிக அரசாங்க அதிபர் க. சிவகரன், மேலதிக அரசாங்க அதிபர் (காணி) பா. ஜெயகரன், மாகாண சிறுவர் நன்னடத்தை ஆணையாளர் திருமதி எஸ்.சி.என். கமலராஜன், உதவி மாவட்டச் செயலாளர் உ. தர்சினி, பிரதேச செயலாளர்கள், உதவிப் பிரதேச செயலாளர்கள், வலயக் கல்விப் பணிப்பாளர்கள், பொலிஸ் உத்தியோகத்தர்கள் மற்றும் மாவட்டச் செயலக, பிரதேச செயலக மட்டங்களில் பணியாற்றும் சிறுவர் உரிமை மேம்பாட்டு உத்தியோகத்தர்கள், சிறுவர் பாதுகாப்பு உத்தியோகத்தர்கள், பெண்கள் அபிவிருத்தி உத்தியோகத்தர்கள், நன்னடத்தை உத்தியோகத்தர்கள், உளவளத்துணை உத்தியோகத்தர்கள் உள்ளிட்ட துறைசார் அதிகாரிகள் கலந்துகொண்டனர்.

 

குறிப்பாக, நீர்ப்பாசன வசதிகள் குறைவாகக் காணப்படும் பகுதிகளிலும் விவசாயிகள் பல்வேறு சவால்களுக்கு மத்தியில் தமது உற்பத்திச் செயற்பாடுகளை முன்னெடுத்து வருகின்றனர். இந்நிலையில், விவசாயத்துறை சார்ந்த உத்தியோகத்தர்கள், பிரதேச செயலாளர்கள் மற்றும் வடக்கு மாகாண விவசாய அமைச்சுடன் தொடர்புடைய அதிகாரிகள் இணைந்து செயற்படுவதன் மூலம் இத்தகைய சவால்களுக்குத் தீர்வுகளைப் பெற்றுக்கொடுக்க முடியும் எனத் தெரிவித்தார். மேலும், விவசாயக் கூட்டங்களில் அடையாளம் காணப்படும் பிரச்சினைகள், குறிப்பாகப் பயிர்களைத் தாக்கும் கால்நடை கட்டுப்படுத்துதல் தொடர்பான சவால்கள், உரிய முறையில் ஆராயப்பட்டுத் தீர்வுகள் எட்டப்பட வேண்டும். மாவட்டத்தின் விவசாயத்துறை அபிவிருத்தியை நிலையான முறையில் முன்னெடுப்பதற்கு அனைத்துத் தரப்பினரதும் ஒத்துழைப்பும் பங்களிப்பும் இன்றியமையாதவை எனவும் தெரிவித்தார். கடந்த காலங்களில், குறிப்பாக இவ்வாண்டில், விவசாய உற்பத்தி நடவடிக்கைகளுக்கு ஒத்துழைப்பு வழங்கிய அனைத்து உத்தியோகத்தர்களுக்கும் நன்றியைத் தெரிவித்த அரசாங்க அதிபர், எதிர்காலத்திலும் அனைவரினதும் அர்ப்பணிப்பான பங்களிப்புடன் யாழ்ப்பாண மாவட்டத்தின் விவசாயத்துறையை மேலும் முன்னேற்ற முடியும் எனத் தெரிவித்தார்.

யாழ்ப்பாண மாவட்டத்தின் விவசாய துறைசார்ந்த பல்வேறு விடயங்கள் இக் கூட்டத்தில் முன்கொண்டுவரப்பட்டு விரிவாக ஆராயப்பட்டன. குறிப்பாக மாவட்ட விவசாயிகள் எதிர்நோக்கி வரும் பல்வேறுபட்ட பிரச்சினைகள் தொடர்பில் விவசாயிகளால் முன்வைக்கப்பட்ட பிரச்சினைகள் தொடர்பில் விரிவாக கலந்துரையாடப்பட்டன. தொடர்ந்து விவசாய அபிவிருத்திகளை மேற்கொள்வதற்காக வங்கிகளினால் மேற்கொள்ளப்படவுள்ள ஊக்குவிப்பு நடைமுறைகள் தொடர்பில் கலந்து கொண்டிருந்த வங்கி முகாமையாளர்களினால் விளக்கமளிக்கப்பட்டன. மேலும், இலங்கை வங்கியினால் விவசாயம் மற்றும் கால்நடை வளர்ப்பில் ஈடுபடுவோருக்காக விசேட கடன் திட்டங்கள் நடைமுறையில் உள்ளன. விவசாயக் கடனுக்கு வருடாந்தம் 10% வட்டியிலும், கால்நடை வளர்ப்புக் கடனுக்கு 9% வட்டியிலும் அதிகபட்சமாக 25 மில்லியன் ரூபா வரை கடன் பெற்றுக்கொள்ள முடியும் எனத் தெரிவிக்கப்பட்டது. கடன் பெறுவதற்கான தகைமைகள், பிணை நிபந்தனைகள் மற்றும் ஏனைய விபரங்களைச் சம்பந்தப்பட்ட வங்கி அதிகாரிகளுடன் தொடர்புகொண்டு அறிந்துகொள்ள முடியும் எனவும் தெரிவிக்கப்பட்டது.

இளம் விவசாயத் தொழில் முயற்சியாளர்களை ஊக்குவிக்கும் நோக்கில் கமத்தொழில் அமைச்சினால் புதிய கடன் திட்டம் அறிமுகப்படுத்தப்பட்டுள்ளது. இதற்காக யாழ்ப்பாண மாவட்டத்திற்கு 30 மில்லியன் ரூபாய் நிதி ஒதுக்கீடு செய்யப்பட்டுள்ளது. இக்கடன் திட்டத்தின் வட்டி 4% சதவீதமாகும்.

இக்கடனைப் பெற்றுக்கொள்ள விரும்பும் இளம் விவசாயத் தொழில் முயற்சியாளர்கள் தமது பிரதேச செயலாளர் ஊடாக மாவட்டச் செயலாளருக்கு விண்ணப்பங்களைச் சமர்ப்பிக்க முடியும் எனக் கூட்டத்தில் தெரிவிக்கப்பட்டது.

மஹா நெற்பயிர் செய்கைப் பருவத்திற்கான பயிர்க் காப்புறுதிக் காலம் 2026.10.15 முதல் 2027.02.28 வரை நிர்ணயிக்கப்பட்டுள்ளது. இக் கலந்துரையாடலில் மேலதிக அரசாங்க அதிபர், மேலதிக அரசாங்க அதிபர்(காணி), திட்டமிடல் பணிப்பாளர், பிரதேச செயலாளர்கள், கமநல அபிவிருத்தி திணைக்கள அதிகாரிகள், மாகாண விவசாயத் திணைக்களம், கால்நடை உற்பத்தி சுகாதாரத் திணைக்களம், நீர்ப்பாசனத் திணைக்கள அதிகாரிகள், நீர்ப்பாசன பொறியியலாளர்கள், வங்கிகளின் முகாமையாளர்கள், துறைசார் திணைக்களங்களின் உத்தியோகத்தர்கள் மற்றும் கமக்கார அமைப்புக்களின் பிரதிநிதிகள் உள்ளிட்ட பல்வேறு தரப்பினரும் கலந்து கொண்டனர்.

 

குறிப்பாக, நீர்ப்பாசன வசதிகள் குறைவாகக் காணப்படும் பகுதிகளிலும் விவசாயிகள் பல்வேறு சவால்களுக்கு மத்தியில் தமது உற்பத்திச் செயற்பாடுகளை முன்னெடுத்து வருகின்றனர். இந்நிலையில், விவசாயத்துறை சார்ந்த உத்தியோகத்தர்கள், பிரதேச செயலாளர்கள் மற்றும் வடக்கு மாகாண விவசாய அமைச்சுடன் தொடர்புடைய அதிகாரிகள் இணைந்து செயற்படுவதன் மூலம் இத்தகைய சவால்களுக்குத் தீர்வுகளைப் பெற்றுக்கொடுக்க முடியும் எனத் தெரிவித்தார். மேலும், விவசாயக் கூட்டங்களில் அடையாளம் காணப்படும் பிரச்சினைகள், குறிப்பாகப் பயிர்களைத் தாக்கும் கால்நடை கட்டுப்படுத்துதல் தொடர்பான சவால்கள், உரிய முறையில் ஆராயப்பட்டுத் தீர்வுகள் எட்டப்பட வேண்டும். மாவட்டத்தின் விவசாயத்துறை அபிவிருத்தியை நிலையான முறையில் முன்னெடுப்பதற்கு அனைத்துத் தரப்பினரதும் ஒத்துழைப்பும் பங்களிப்பும் இன்றியமையாதவை எனவும் தெரிவித்தார். கடந்த காலங்களில், குறிப்பாக இவ்வாண்டில், விவசாய உற்பத்தி நடவடிக்கைகளுக்கு ஒத்துழைப்பு வழங்கிய அனைத்து உத்தியோகத்தர்களுக்கும் நன்றியைத் தெரிவித்த அரசாங்க அதிபர், எதிர்காலத்திலும் அனைவரினதும் அர்ப்பணிப்பான பங்களிப்புடன் யாழ்ப்பாண மாவட்டத்தின் விவசாயத்துறையை மேலும் முன்னேற்ற முடியும் எனத் தெரிவித்தார்.

யாழ்ப்பாண மாவட்டத்தின் விவசாய துறைசார்ந்த பல்வேறு விடயங்கள் இக் கூட்டத்தில் முன்கொண்டுவரப்பட்டு விரிவாக ஆராயப்பட்டன. குறிப்பாக மாவட்ட விவசாயிகள் எதிர்நோக்கி வரும் பல்வேறுபட்ட பிரச்சினைகள் தொடர்பில் விவசாயிகளால் முன்வைக்கப்பட்ட பிரச்சினைகள் தொடர்பில் விரிவாக கலந்துரையாடப்பட்டன. தொடர்ந்து விவசாய அபிவிருத்திகளை மேற்கொள்வதற்காக வங்கிகளினால் மேற்கொள்ளப்படவுள்ள ஊக்குவிப்பு நடைமுறைகள் தொடர்பில் கலந்து கொண்டிருந்த வங்கி முகாமையாளர்களினால் விளக்கமளிக்கப்பட்டன. மேலும், இலங்கை வங்கியினால் விவசாயம் மற்றும் கால்நடை வளர்ப்பில் ஈடுபடுவோருக்காக விசேட கடன் திட்டங்கள் நடைமுறையில் உள்ளன. விவசாயக் கடனுக்கு வருடாந்தம் 10% வட்டியிலும், கால்நடை வளர்ப்புக் கடனுக்கு 9% வட்டியிலும் அதிகபட்சமாக 25 மில்லியன் ரூபா வரை கடன் பெற்றுக்கொள்ள முடியும் எனத் தெரிவிக்கப்பட்டது. கடன் பெறுவதற்கான தகைமைகள், பிணை நிபந்தனைகள் மற்றும் ஏனைய விபரங்களைச் சம்பந்தப்பட்ட வங்கி அதிகாரிகளுடன் தொடர்புகொண்டு அறிந்துகொள்ள முடியும் எனவும் தெரிவிக்கப்பட்டது.

இளம் விவசாயத் தொழில் முயற்சியாளர்களை ஊக்குவிக்கும் நோக்கில் கமத்தொழில் அமைச்சினால் புதிய கடன் திட்டம் அறிமுகப்படுத்தப்பட்டுள்ளது. இதற்காக யாழ்ப்பாண மாவட்டத்திற்கு 30 மில்லியன் ரூபாய் நிதி ஒதுக்கீடு செய்யப்பட்டுள்ளது. இக்கடன் திட்டத்தின் வட்டி 4% சதவீதமாகும்.

இக்கடனைப் பெற்றுக்கொள்ள விரும்பும் இளம் விவசாயத் தொழில் முயற்சியாளர்கள் தமது பிரதேச செயலாளர் ஊடாக மாவட்டச் செயலாளருக்கு விண்ணப்பங்களைச் சமர்ப்பிக்க முடியும் எனக் கூட்டத்தில் தெரிவிக்கப்பட்டது.

மஹா நெற்பயிர் செய்கைப் பருவத்திற்கான பயிர்க் காப்புறுதிக் காலம் 2026.10.15 முதல் 2027.02.28 வரை நிர்ணயிக்கப்பட்டுள்ளது. இக் கலந்துரையாடலில் மேலதிக அரசாங்க அதிபர், மேலதிக அரசாங்க அதிபர்(காணி), திட்டமிடல் பணிப்பாளர், பிரதேச செயலாளர்கள், கமநல அபிவிருத்தி திணைக்கள அதிகாரிகள், மாகாண விவசாயத் திணைக்களம், கால்நடை உற்பத்தி சுகாதாரத் திணைக்களம், நீர்ப்பாசனத் திணைக்கள அதிகாரிகள், நீர்ப்பாசன பொறியியலாளர்கள், வங்கிகளின் முகாமையாளர்கள், துறைசார் திணைக்களங்களின் உத்தியோகத்தர்கள் மற்றும் கமக்கார அமைப்புக்களின் பிரதிநிதிகள் உள்ளிட்ட பல்வேறு தரப்பினரும் கலந்து கொண்டனர்.

 

சுனாமி உள்ளிட்ட அனர்த்தங்களை எதிர்கொள்ள முன்னாயத்தமும் ஒருங்கிணைந்த செயற்பாடுகளும் அவசியம் – அரசாங்க அதிபர் 2004 ஆம் ஆண்டு சுனாமிப் பேரனர்த்தத்தின் அனுபவங்களிலிருந்து பாடங்களைக் கற்றுக்கொண்டு, எதிர்காலத்தில் சுனாமி உள்ளிட்ட இயற்கை அனர்த்தங்களை எதிர்கொள்வதற்கான முன்னாயத்த நடவடிக்கைகளை வலுப்படுத்த வேண்டும் என யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்கள் வலியுறுத்தினார். 2004 டிசம்பர் 26 ஆம் திகதி இடம்பெற்ற சுனாமிப் பேரனர்த்தம் பல உயிர்களையும் உடைமைகளையும் காவுகொண்டதுடன், பல குடும்பங்களின் வாழ்க்கையையும் புரட்டிப்போட்டது. யாழ்ப்பாண மாவட்டத்திலும் வடமராட்சி, தெல்லிப்பழை உள்ளிட்ட பகுதிகள் பாதிக்கப்பட்டதுடன், பல துயரச் சம்பவங்கள் இடம்பெற்றதாக அவர் நினைவுகூர்ந்தார். அனர்த்தங்களுக்கு முன்னர் மக்களைத் தயார்படுத்துதல், பொதுமக்களுக்கு விழிப்புணர்வை ஏற்படுத்துதல், நம்பகமான முன்னெச்சரிக்கைத் தகவல்களை உரிய நேரத்தில் வழங்குதல் மற்றும் பாதுகாப்பான வெளியேற்றத் திட்டங்களை நடைமுறைப்படுத்துதல் ஆகியவற்றின் அவசியத்தையும் வலியுறுத்தினார். யாழ்ப்பாண மாவட்டத்தில் காணப்படும் ஐந்து சுனாமி எச்சரிக்கை நிலையங்களின் செயற்பாட்டுத் தயார்நிலையை உறுதிப்படுத்துவதுடன், அதிக மழை, வெள்ளம் உள்ளிட்ட அனர்த்தங்களை எதிர்கொள்ள மாவட்டச் செயலகம், பிரதேச செயலகங்கள், முப்படையினர், பொலிஸார், அனர்த்த முகாமைத்துவப் பிரிவு மற்றும் சமூகமட்ட அமைப்புகள் இணைந்து செயற்பட வேண்டும் என்றும் தெரிவித்தார். அனைத்துத் தரப்பினரினதும் ஒருங்கிணைந்த பங்களிப்பின் மூலம் உயிரிழப்புகளையும் சொத்து இழப்புகளையும் குறைத்து, அனர்த்தங்களால் பாதிக்கப்படும் மக்களின் பாதுகாப்பையும் வாழ்வாதார மீட்சியையும் உறுதிப்படுத்த நடவடிக்கை எடுக்க வேண்டும் எனக் குறிப்பிட்ட அவர், இக்கலந்துரையாடலை ஏற்பாடு செய்த அனர்த்த முகாமைத்துவப் பிரிவு உள்ளிட்ட தொடர்புடைய தரப்பினருக்கும் நன்றிகளைத் தெரிவித்தார்.

இக் கலந்துரையாடலில், நெறிப்படுத்தல் அதிகாரிகளாக அனர்த்த முகாமைத்துவ நிலையத்தின் (யுனெஸ்கோ) திட்ட முகாமையாளர் திரு. சுனில் ஜெயவீர மற்றும் உதவிப் பணிப்பாளர் திரு. சமில ஆகியோர் கலந்துகொண்டு, கலந்துரையாடலை நெறிப்படுத்தினர். கடலோர சமூகங்களின் பாதுகாப்பு மற்றும் அவசரகால தயார்நிலையை மேம்படுத்தும் நோக்கில் இக்கூட்டம் நடைபெற்றது. இதில் பின்வரும் முக்கிய விடயங்கள் ஆராயப்பட்டன : திட்ட அறிமுகம்: யுனெஸ்கோ அமைப்பின் சுனாமி தயார்நிலை அங்கீகார திட்டத்தை (Tsunami Ready Recognition Programme) மாவட்ட மட்டத்தில் அறிமுகப்படுத்துதல்.

திட்டத்தை கடலோரப் பகுதிகளில் நடைமுறைப்படுத்துவதற்கான முதற்கட்ட ஏற்பாடுகள் மற்றும் நிறுவனங்களின் பொறுப்புகளைப் பகிர்ந்தளித்தல். கள நிலவரம்: தற்போதைய அவசரகால எச்சரிக்கை வழிமுறைகள், மக்களுக்கான விழிப்புணர்வு மற்றும் அனர்த்த மேலாண்மையில் உள்ள பலங்கள் மற்றும் குறைபாடுகளைக் கண்டறிதல். கூட்டு நடவடிக்கை: யாழ்ப்பாண மாவட்டத்தின் கடலோரக் கிராமங்கள் இந்த சர்வதேச அங்கீகாரத்தைப் பெற்றுக்கொள்வதற்கான கூட்டுச் செயல்முறைகளை முன்னெடுத்தல். இக்கூட்டத்தில் அரச அதிகாரிகள், அனர்த்த முகாமைத்துவ பிரிவின் பிரதிநிதிகள் மற்றும் துறைசார் பங்குதாரர்கள் எனப் பலரும் கலந்துகொண்டு தமது ஆலோசனைகளை வழங்கினர். இக் கலந்துரையாடலில் , பிரதேச செயலாளர்கள், முப்படையினர், பொலிஸ் உத்தியோகத்தர்கள், வர்த்தக மற்றும் கைத்தொழில் சங்கத்தின் பொது அமைப்புக்களின் பிரதிநிதிகள், மாவட்ட பிரதேச செயலக அனர்த்த முகாமைத்துவ நிலையத்தின் உத்தியோகத்தர்கள் கலந்து கொண்டனர்.