රාජ්‍ය ආයතනවල අභ්‍යන්තර කටයුතු අංශයේ මූලිකත්වයෙන්
2025-2029 දූෂණ විරෝධී ජාතික ක්‍රියාකාරී සැලැස්ම,
ගරු ජනාධිපති අනුර කුමාර දිසානායක මහතාගේ ප්‍රධානත්වයෙන්
2025.04.09 වන දින කොළඹ බණ්ඩාරනායක ජාත්‍යන්තර
සම්මන්ත්‍රණ ශාලාවේදී ආරම්භ කරන ලදී.
යාපනය දිස්ත්‍රික් ලේකම් කාර්යාලයේ අභ්‍යන්තර කටයුතු
අංශය 2025.04.28 වන දින පිහිටුවන ලදී.
යාපනය දිස්ත්‍රික් ලේකම් කාර්යාලයේ අතිරේක දිස්ත්‍රික්
ලේකම් කේ. සිවකරන් මහතා මෙම අංශයේ ප්‍රධානියා ලෙස
පත් කර ඇත. අල්ලස් හා දූෂණ කොමිසම සහ ජනාධිපති
කාර්යාලය එක්ව පිහිටුවන ලද එම අංශය, අල්ලස් හා
දූෂණ සම්බන්ධයෙන් පැමිණිලි සහ නොවිසඳුනු ගැටළු
ඉදිරිපත් කිරීම සඳහා භාවිතා කළ හැකිය.
අභ්‍යන්තර කටයුතු ඒකකයේ ප්‍රධාන අරමුණු
සෑම ආයතනයකම අභ්‍යන්තර කටයුතු ඒකකය විසින් පහත සඳහන්
අරමුණු සාක්ෂාත් කර ගැනීම අපේක්ෂා කෙරේ:
i
ආයතනය තුළ දූෂණය වැළැක්වීම සහ සුපිළිපන්න
සංස්කෘතියක් වර්ධනය කිරීම.
ii
ආයතනයේ සියලුම ක්‍රියාකාරකම්වල විනිවිදභාවය
සහ වගවීම සහතික කිරීම සහ ආයතනික ක්‍රියාකාරකම්
සහ තීරණ සම්බන්ධ තොරතුරු වෙත මහජන ප්‍රවේශය
සහතික කිරීම.
iii
ආයතනය තුළ සදාචාරත්මක පාලනය ප්‍රවර්ධනය කිරීම.
iv
විෂමාචාර වාර්තා කිරීම දිරිගැන්වීම, තොරතුරු හෙළි
කරන්නන් ආරක්ෂා කිරීම සහ රහස්‍යභාවය පවත්වා
ගැනීම සඳහා ආරක්ෂිත සහ ප්‍රවේශ විය හැකි
ක්‍රමවේදයක් සකස් කිරීම.
v
නීතිය ක්‍රියාත්මක කරන ආයතන සහ අල්ලස් හෝ දූෂණ
චෝදනා විමර්ශන කොමිෂන් සභාව සමඟ සහයෝගයෙන්
නීති බලාත්මක කිරීමට සහාය වීම.
අභ්‍යන්තර කටයුතු ඒකකයෙහි වගකීම් සහ කාර්යයන්
ආයතනික සුපිළිපන්නභාවයේ ප්‍රධාන අංශ ඉලක්ක කර ගනිමින්
ක්‍රියාශීලී, පැහැදිලි සහ කේන්ද්‍රගත දූෂණ විරෝධී
ප්‍රයත්නයන් තහවුරු කිරීම සඳහා පහත සඳහන් නිශ්චිත
වගකීම් සහ කාර්යයන් අභ්‍යන්තර කටයුතු ඒකකය වෙත
පැවරී ඇත.
i
ආයතනය තුළ පවතින පද්ධතිමය බාධාවන්
(systemic bottlenecks) හඳුනා ගැනීම සඳහා වත්මන්
ක්‍රියා පරිපාටි සහ වක්‍යුලේඛ පරීක්ෂා කිරීම සහ
මෙහෙයුම් කාර්යක්ෂමතාව ඉහළ නැංවීම සඳහා
ඒවා සරල කිරීම.
ii
දූෂණ අවදානම් ඇගයීම් (Corruption Risk Assessment)
සිදු කිරීම මඟින් ආයතනය තුළ දූෂණයට හා සදාචාර
විරෝධී හැසිරීම්වලට ගොදුරු විය හැකි ක්ෂේත්‍ර
හඳුනා ගැනීම සහ ඉලක්කගත වැළැක්වීමේ පියවර ගැනීම.
iii
ආයතනයේ අවශ්‍යතාවලට ගැළපෙන පරිදි සකස් කරන ලද
නිශ්චිත දූෂණ විරෝධී අරමුණු සහ උපායමාර්ග ඇතුළත්
ආයතනික සුපිළිපන්න ක්‍රියාකාරී සැලැස්මක්
සකස් කර ක්‍රියාත්මක කිරීම.
iv
ජාතික දූෂණ විරෝධී ක්‍රියාකාරී සැලැස්ම සමඟ
ආයතනික ප්‍රතිපත්ති සහ භාවිතයන් පෙළගස්වමින්
ජාතික දූෂණ විරෝධී උපාය මාර්ගවලට
අනුකූල වීම.
v
2023 අංක 9 දරන දූෂණ විරෝධී පනත ඇතුළු ජාතික හා
ජාත්‍යන්තර දූෂණ විරෝධී නීති සමඟ ආයතනයේ
අනුකූලතාව ඇගයීම සඳහා අනුකූලතා සමාලෝචන
(Compliance Assessments) සිදු කිරීම සහ වැඩි
දියුණු කළ යුතු ක්ෂේත්‍ර හඳුනාගැනීම.
vi
සියලුම රාජ්‍ය නිලධාරීන් සහ සේවා නියුක්තිකයන්
සඳහා වත්කම් ප්‍රකාශන අවශ්‍යතාවට අනුකූල වීම
සහතික කිරීම සහ අල්ලස් හෝ දූෂණ චෝදනා විමර්ශන
කොමිෂන් සභා නියෝග සහ 2023 අංක 9 දරන දූෂණ
විරෝධී පනතට අනුකූලව බැඳියාවන් අතර ගැටුම්
කළමනාකරණය කිරීම.
vii
ආයතනය තුළ දූෂණ සහ සදාචාර විරෝධී හැසිරීම්
සම්බන්ධ පැමිණිලි භාර ගැනීම සහ කළමනාකරණය
කිරීම සඳහා ආරක්ෂිත පද්ධතියක් ස්ථාපිත කිරීම,
එවැනි සියලුම පැමිණිලි සම්බන්ධයෙන් අදාළ
නිලධාරීන් හෝ ඒකකය විසින් කඩිනමින් කටයුතු
කරන බවට සහතික වීම සහ විනිවිදභාවය සහ වගවීම
සහතික කරමින් විමසීම් සිදු කරන අදාළ
පාර්ශ්වකරුවන් වෙත නිරන්තර යාවත්කාලීන කිරීම
ලබා දීම. අවශ්‍ය පරිදි, දූෂණ විරෝධී පනත යටතේ
විමර්ශනය සඳහා අදාළ කරුණු, සොයාගැනීම් හෝ
තොරතුරු අල්ලස් හෝ දූෂණ චෝදනා විමර්ශන
කොමිෂන් සභාව වෙත යොමු කිරීම.
viii
ආයතනය විසින් සපයනු ලබන සේවාවන් විස්තර කෙරෙන
පුරවැසි ප්‍රඥප්තියක් සංවර්ධනය කර
ප්‍රකාශයට පත් කිරීම.
ix
රාජ්‍ය නිලධාරීන් විසින් පිළිපැදිය යුතු
ප්‍රමිතිගත ආචාර ධර්ම සංග්‍රහයක් ඇතුළුව,
සදාචාරත්මක පාලනය ප්‍රවර්ධනය කරන ප්‍රතිපත්ති
ස්ථාපිත කිරීම සහ බලාත්මක කිරීම.
x
දූෂණ විරෝධී මූලධර්මවලට කැපවී සිටීමට
අභිප්‍රේරණයක් ලෙස කාර්ය මණ්ඩලය පුහුණු කිරීම
සහ දැනුවත් කිරීම ඇතුළත් අනෙකුත්
ක්‍රියාමාර්ග ගැනීම.
xi
අල්ලස් හෝ දූෂණ චෝදනා විමර්ශන කොමිෂන් සභාව
සහ ජාතික දූෂණ විරෝධී රාමුව මඟින් මෙහෙයවනු
ලබන සුපිළිපන්න ඇගයීම් ක්‍රියාවලීන් සඳහා
ආයතනය සහභාගී වන බව සහ ඒ සමඟ පෙළගැසෙන බව
සහතික කරමින්, ජාතික දූෂණ විරෝධී සුපිළිපන්න
ඇගයීම (National Anti-Corruption Integrity
Assessment) සඳහා ආයතනික කේන්ද්‍රස්ථානය
ලෙස ක්‍රියා කිරීම.
xii
ඒකකයේ රාජකාරී ක්‍රියාත්මක කිරීමේදී අභ්‍යන්තර
මගපෙන්වීම සහ සහාය ලබා ගැනීම සඳහා අල්ලස් හෝ
දූෂණ චෝදනා විමර්ශන කොමිෂන් සභාව සමඟ
සම්බන්ධතා පවත්වා ගැනීම.
xiii
අභ්‍යන්තර කටයුතු ඒකකයෙහි ක්‍රියාකාරකම්,
දූෂණ විරෝධී මූලධර්මවල ප්‍රගතිය, මුහුණ දෙන
අභියෝග සහ ඉදිරි ක්‍රියාමාර්ග සඳහා නිර්දේශ
සාරාංශගත කරමින් කාලානුරූපී සහ වාර්ෂික
වාර්තා සකස් කිරීම.
xiv
පුද්ගලික අංශයේ පාර්ශ්වකරුවන්ගේ සහභාගීත්වයෙන්
සුපිළිපන්නභාවය වර්ධනය කිරීම සඳහා වන සැලසුම්
සකස් කිරීම සහ ක්‍රියාත්මක කිරීම.
අභ්‍යන්තර කටයුතු ඒකකයේ ප්‍රධානී
මහතා කේ. සිවකරන්
නිලධාරීන්
01
අඛණ්ඩතා නිලධාරී
මහත්මිය යූ. තර්ෂිනී
02
විෂය භාර නිලධාරී
එල්. මෙහලා
03
විෂය භාර නිලධාරී
ආර්. දිනෝෂමලින්
