குறித்த கலந்துரையாடலில் கலந்து கொண்டு கருத்துத் தெரிவித்த மாவட்ட அரசாங்க அதிபர் " துறைசார் அனைத்து தரப்பினரும் ஒருங்கிணைந்து செயற்படல் அவசியமென வலியுறுத்தியதுடன், சமூகத்தின் அவசரதேவைகளை முன்னிறுத்தி தீவகத்தின் முன்னேற்றத்திற்காக செயற்படுத்த வேண்டிய விடயங்களை முன்கொண்டு செல்ல வலியுறுத்தினார். இதற்காக பொது அமைப்புக்கள் மற்றும் சிவில் அமைப்புக்களின் ஆலோசனைகளை பெற்று செயற்பட வேண்டியுள்ளதாகவும் தெரிவிக்கப்பட்டது. மேலும் கல்வித் துறையில் ஆளணி வளப் பற்றாக்குறை , ஏனைய வளங்களின் குறைபாடுகளை அறிக்கை சமர்ப்பிக்க உரிய கல்வித்துறை சார் அதிகாரிகளுக்கு அறிவுறுத்தப்பட்டதுடன், படகுச் சேவை மற்றும் பயணிகள் பேருந்துச் சேவையினை மக்களின் தேவைக்கமைய ஒருங்கிணைந்த வகையில் செயற்படுத்த ஆலோசிக்கப்பட்டது.