2026 ஆம் ஆண்டுக்கான வீட்டுத்திட்ட பயனாளிகளுக்கு காசோலை வழங்கும் நிகழ்வும் 2025 ஆம் ஆண்டு வீடமைப்பு வழங்கப்பட்டவர்களுக்கான ஆவணம் வழங்கும் நிகழ்வும் யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்களின் தலைமையில் இன்றைய தினம் (16.06.2026) பி. ப. 03.30 மணிக்கு மாவட்டச் செயலக கேட்போர் கூடத்தில் நடைபெற்றது. இவ் நிகழ்வில் பிரதம விருந்தினராக வீடமைப்பு நிர்மாணிப்பு மற்றும் நீர் வழங்கல் பிரதி அமைச்சர் கௌரவ டீ.பி சரத் அவர்களும், சிறப்பு விருந்தினர்களாக பாராளுமன்ற உறுப்பினர்களான கெளரவ கருணநாதன் இளங்குமரன், கெளரவ ஜெயசந்திரமூர்த்தி றஜீவன், கெளரவ சண்முகநாதன் சிறிபவானந்தராஜா அவர்களும் பங்குபற்றினார்கள். இந் நிகழ்வில் அரசாங்க அதிபரின் தலையுரையினைத் தொடர்ந்து, பாராளுமன்ற உறுப்பினர் கெளரவ கருணநாதன் இளங்குமரன் அவர்களினால் கருத்துரை வழங்கப்பட்டது. அதனைத் தொடர்ந்து வீடமைப்பு நிர்மாணிப்பு மற்றும் நீர் வழங்கல் பிரதி அமைச்சர் கௌரவ டீ.பி சரத் அவர்களினால் சிறப்புரையாற்றப்பட்டது.
அதனைத் தொடர்ந்து யாழ்ப்பாண மாவட்டத்தில் தலா ரூபா 02.00 மில்லியனில் நடைமுறைப்படுத்தப்படும் 827 வீடுகளில் இன்றைய தினம் 125 பயனாளிகளுக்கு முதற்கட்டமாக ரூபா 400,000.00 வீதம் காசோலை வழங்கப்பட்டதுடன், 2025 ஆம் ஆண்டு பூர்த்தி செய்யப்பட்ட வீடுகளில் முதற்கட்டமாக 180 பயனாளிகளுக்கு வீடமைப்புத் திட்டத்திற்கான ஆவணங்கள் கையளிக்கப்பட்டன. இந் நிகழ்வில் யாழ்ப்பாண மாவட்ட ஒருங்கிணைப்புக் குழுவின் இணைப்பாளரும் யாழ் மாநகர சபையின் உறுப்பினருமான கெளரவ எஸ். கபிலன், மேலதிக அரசாங்க அதிபர் திரு. கே. சிவகரன், மேலதிக அரசாங்க அதிபர் (காணி) திரு பா. ஜெயகரன் உள்ளிட்ட பதவிநிலை உத்தியோகத்தர்கள், பிரதேச செயலாளர்கள், அமைச்சின் அதிகாரிகள் மற்றும் ஊடகவியலாளர்கள் உள்ளிட்டவர்கள் கலந்து கொண்டனர்.
 
 
1 2 3 4 5 6 7 8 9 10 11 12 13
யாழ்ப்பாண மாவட்டத்தில் நடைமுறைப்படுத்தப்படுகின்ற வீட்டுத்திட்டம் தொடர்பிலான முன்னேற்ற மீளாய்வுக் கலந்துரையாடல் வீடமைப்பு நிர்மாணிப்பு மற்றும் நீர் வழங்கல் பிரதி அமைச்சர் கௌரவ டீ.பி சரத் அவர்களின் தலைமையில் இன்றைய தினம் (16.06.2026) பி. ப. 02.30 மணிக்கு அரசாங்க அதிபர் அலுவலகத்தில் நடைபெற்றது. இக் கூட்டத்தில் பாராளுமன்ற உறுப்பினர்களான கெளரவ சண்முகநாதன் சிறிபவானந்தராஜா, கெளரவ கருணநாதன் இளங்குமரன், கெளரவ ஜெயசந்திரமூர்த்தி றஜீவன், அரசாங்க அதிபர் திரு.மருதலிங்கம் பிரதீபன் மற்றும் யாழ்ப்பாண மாவட்ட ஒருங்கிணைப்புக் குழுவின் இணைப்பாளர் திரு. எஸ். கபிலன் ஆகியோர் பங்குபற்றினார்கள். இக் கூட்டத்தில் வரவேற்புரையாற்றிய அரசாங்க அதிபர் அவர்கள், யாழ்ப்பாண மாவட்டத்திற்கு விஜயம் மேற்கொண்டுள்ள கெளரவ பிரதி அமைச்சர், கெளரவ பாராளுமன்ற உறுப்பினர்கள் உள்ளிட்ட உயர் அதிகாரிகளை வரவேற்று, யாழ்ப்பாண மாவட்டத்தில் இவ் அமைச்சின் ஊடாக நடைமுறைப்படுத்தப்படுகின்ற திட்டங்களின் முன்னேற்ற மீளாய்வு தொடர்பில் கலந்துரையாடுவதற்காக இங்கு கூடியுள்ளதக்கவும், இவ் வருடம் யாழ்ப்பாண மாவட்டத்திற்கு அமைச்சினால் 827 வீடுகளும், தேசிய வீடமைப்பு அதிகார சபை ஊடாக 281 வீடுகளும் நிர்மாணிக்கப்பட்டு வருவதாகவும் தெரிவித்தார்j.
மேலும், அமைச்சினால் நடைமுறைப்படுத்தப்படும் வீடுகளுக்கு - அமைச்சரவை மூலம் ஒரு வீட்டிற்கு 1.50 மில்லியன் ரூபாவிலிருந்து அதிகரித்து 2.00 மில்லியன் ரூபாவாக ஒதுக்கீடு செய்யப்பட்டுள்ளதாகவும், அதற்கு அதிமேதகு சனாதிபதி அவர்களுக்கும், வீடமைப்பு நிர்மாணிப்பு மற்றும் நீர் வழங்கல் பிரதி அமைச்சர் கௌரவ டீ.பி சரத் அவர்களுக்கும், கடற்றொழில் நீரியல் மற்றும் கடல் வளங்கள் அமைச்சரும் யாழ்ப்பாண மாவட்ட ஒருங்கிணைப்புக் குழுவின் தலைவருமான கௌரவ இராமலிங்கம் சந்திரசேகர் அவர்களுக்கும், கெளரவ பாராளுமன்ற உறுப்பினர்களுக்கும் தமது நன்றியினையும் தெரிவித்துக்கொண்டதுடன், கடல் கடந்த தீவுகளான நெடுந்தீவு, அனலைதீவு மற்றும் நயினாதீவு ஆகியவற்றில் நடைமுறைப்படுத்திவரும் வீடுகளுக்கான பொருட்களை கொண்டு செல்வதற்கான போக்குவரத்து செலவுகளை மேலதிகமாக வழங்குவதற்கான கோரிக்கையையும், தேசிய வீடமைப்பு அபிவிருத்தி அதிகார சபையினால் 2018 மற்றும் 2019 இடைநடுவில் கைவிடப்பட்ட வீடுகளுக்கான மிகுதி நிதி வழங்குதல் தொடர்பான கோரிக்கையையும் முன்வைத்தார்.
கெளரவ அமைச்சர் தலைமையில் நடைபெற்ற குறித்த கலந்துரையாடலில் - காணி இல்லாதவர்களுக்கான அடுக்குமாடி வீடுகளை நிர்மாணித்தல் தொடர்பாகவும், வீட்டுத்திட்டம் இல்லாதோர் விபரங்கள், வழங்கப்பட்ட வீட்டுத்திட்டங்களின் தற்போதைய முன்னேற்ற நிலைமைகள், எதிர்காலத்தில் தேவையான வீடுகள் என பல்வேறு விடயங்கள் தொடர்பில் கலந்துரையாடப்பட்டு, முன்வைக்கப்பட்ட கோரிக்கைகளை சாதகமாக பரிசீலித்து நடவடிக்கை எடுப்பதாகவும் கெளரவ பிரதி அமைச்சரால் தெரிவிக்கப்பட்டது. இக் கலந்துரையாடலில் மேலதிக அரசாங்க அதிபர், மேலதிக அரசாங்க அதிபர் (காணி), மாவட்ட செயலக பதவி நிலை உத்தியோகத்தர்கள், பிரதேச செயலாளர்கள் மற்றும் விடய உத்தியோகத்தர்கள் என பலரும் கலந்து கொண்டனர்.
 
1 2 3 4 5 6 7 8 9 10 11 12 13
 
இழப்பீடுகளுக்கான அலுவலகத்தின் ஏற்பாட்டில், சூரிய சக்தி மற்றும் மின்சக்தி இணைப்பு தொடர்பான இரு நாள் பயிற்சி நெறி இன்றைய தினம் (15.06.2026) மேலதிக அரசாங்க திரு. க. சிவகரன் அவர்களின் தலைமையில் மாவட்டச் செயலக மாநாட்டு மண்டபத்தில் ஆரம்பமானது. இந் நிகழ்வில் தலைமையுரையாற்றிய மேலதிக அரசாங்க அதிபர் அவர்கள், சூரிய சக்தி செயற்றிட்ட பயன்பாடு தற்போது அதிகரித்துவருவதாகவும், இப் பயிற்சி நெறி மூலம் தொழில் வாய்ப்புகளை பெற்றுக்கொள்ள வாய்ப்பாகவுள்ளது எனத் தெரிவித்தார். மேலும், உயர் தொழில் நுட்பம், இலகுவாக கையாளும் முறைமை, பொருத்து வேலைகள் போன்றவற்றை உள்ளடக்கிய வகையில் இப் பயிற்சி நெறி அமைகின்றது எனவும், இன்றைய காலகட்டத்தில் தேவைப்பாடுகள் அதிகரித்துள்ள நிலையில் இப் பயிற்சி நெறியினை சரியாக பயன்படுத்தி தொழிலில் முன்னேற்றம் அடைய தமது வாழ்த்துக்களையும் தெரிவித்தார்.
மேலும், பயிற்சி நெறியின் நோக்கம் மற்றும் அதன் முக்கியத்துவம் தொடர்பாக இழப்பீட்டு அலுவலகத்தினைச் சேர்ந்த உதவிப்பணிப்பாளர் திரு. அருண் பிரதீபன் விளக்கவுரையாற்றிய போது, இழப்பீட்டு அலுவலகத்தினால் இது வரை வேலணை குறிகட்டுவானில் ஆரோக்கிய உணவகம் ஆரம்பிக்கப்பட்டதாகவும், சண்டிலிப்பாய் பிரதேச பிரிவில் 40 பயனாளிகளுக்கு ஆரிவேர்க் (Aari Work) தையல் பயிற்சி வழங்கப்பட்டு 06 தையல் இயந்திரங்கள் வழங்கப்பட்டுள்ளதாகவும், ஊர்காவற்றுறை பிரதேச பிரிவில் 25 பயனாளிகளுக்கு ஆரிவேர்க் (Aari Work) தையல் பயிற்சி வழங்கப்பட்டு 06 தையல் இயந்திரங்கள் வழங்கப்பட்டுள்ளதாகவும், சாவகச்சேரி சந்திரபுர கிராமத்தில் 40 பேருக்கு பனைசார் உற்பத்தி பயிற்சி வழங்கப்பட்டு உபகரணங்களும் வழங்கப்பட்டுள்ளதாகவும், கோப்பாய் பிரதேசத்தில் மெழுகுவர்த்தி பயிற்சி 25 பேருக்கு வழங்கப்பட்டு 06 பேருக்கு உபகரணங்கள் வழங்கப்பட்டுள்ளதாகவும் தெரிவித்தார். மேலும், அதன் தொடர்ச்சியாக இன்றைய தினம் 25 பேருக்கு சூரிய சக்தி மற்றும் மின்சக்தி இணைப்பு பயிற்சி வழங்கப்படுவதாகவும், இதன் மூலம் NVQ Level Ill தரத்திலான சான்றிதழ் வழங்கப்படுவதுடன், சூரியகலன் இணைப்பினை வழங்கும் நிறுவனங்களில் தொழில் வாய்ப்பு பெறவும் வழிஏற்படுத்திக்கொடுக்கப்படும் எனவும், தெரிவித்தார்.
இதன்போது வளவாளர்களாகக் கலந்துகொண்ட பொதுமக்கள் பயன்பாட்டு ஆணைக்குழுவின் பொறியியலாளர் திரு. கிரிசாந்தன் மற்றும் இலங்கை நிலைபெறுதகு சக்தி அதிகாரசபையின் எந்திரி ரவீந்திர குருசிங்க, தொழில்நுட்ப உதவியாளர் திரு. B. W. A. R பிரியங்கர ஆகியோர் சூரிய சக்தி பயன்பாடு, மின்சக்தி இணைப்பு நடைமுறைகள் மற்றும் அதனுடன் தொடர்புடைய தொழில்நுட்ப அம்சங்கள் குறித்து விரிவாக விளக்கமளித்தனர். இரு நாட்கள் நடைபெறவுள்ள இப் பயிற்சி நெறி, சூரிய சக்தி தொழில்நுட்பம் தொடர்பான அறிவையும் திறன்களையும் மேம்படுத்துவதன் மூலம் பயனாளர்களின் வாழ்வாதார முன்னேற்றத்திற்கு பங்களிப்பை வழங்கும் என எதிர்பார்க்கப்படுகிறது. இப் பயிற்சி நெறியின் ஆரம்ப நிகழ்வில் மாவட்ட திட்டமிடல் பணிப்பாளர் திரு.இ சுரேந்திரநாதன், I Fix Green Solutions நிறுவனத்தினைச் சேர்ந்த திரு. வேனிட்டன், திரு. யே.தனு உள்ளிட்டோர் பங்குபற்றினார்கள்.
 
 
1 2 3 4 5 6 7
யாழ்ப்பாண மாவட்ட காணிப் பயன்பாட்டுக் குழுக் கூட்டம் யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம் (16.06.2026) மு. ப. 11.00 மணிக்கு மாவட்ட செயலக கேட்போர் கூடத்தில் நடைபெற்றது.இக் கூட்டத்தில் அரச காணிச் சட்டத்தின் கீழ் நீண்டகால குத்தகையில் காணி வழங்குவதற்கான அனுமதி வழங்குவது தொடர்பாக சமர்ப்பிக்கப்பட்ட விண்ணப்பங்கள் விரிவாக ஆராயப்பட்டு, சில காணிகளுக்கான அனுமதி வழங்கப்பட்டதுடன், ஏனைய காணிகளுக்கான சாத்தியப்பாட்டு அறிக்கைகள் சமர்ப்பிக்குமாறு அரசாங்க அதிபரால் அறிவுறுத்தப்பட்டதுடன், காணிப்பயன்பாட்டுத் திட்டம் தயாரிப்பது தொடர்பாகவும் ஆராயப்பட்டது.
இக் கலந்துரையாடலில் மேலதிக அரசாங்க அதிபர் (காணி), மாவட்ட காணி பயன்பாட்டு திட்டமிடல் உதவிப்பணிப்பாளர், உதவி மாவட்டச் செயலாளர், பிரதேச செயலாளர்கள், கடற்றொழில் திணைக்கள அதிகாரி, கமநல சேவைகள் அபிவிருத்தி திணைக்கள அதிகாரிகள், நீர்ப்பாசன பொறியியலாளர், தேசிய நீர் வழங்கல் மற்றும் வடிகாலமைப்பு சபை பொறியியலாளர், மாகாண காணி ஆணையாளர் திணைக்கள அதிகாரிகள், நகர அபிவிருத்தி அதிகார சபை உத்தியோகத்தர்கள், மத்திய சுற்றாடல் அபிவிருத்தி திணைக்கள அதிகாரிகள், தொல்லியல் திணைக்கள அதிகாரிகள், விவசாயத்ததிணைக்கள அதிகாரிகள், நில அளவைகள் திணைக்கள அதிகாரிகள், கால்நடை அபிவிருத்தி சுகாதார திணைக்கள அதிகாரிகள், பிரதேச செயலகங்களில் கடமையாற்றும் காணிப் பயன்பாட்டு உத்தியோகத்தர்கள் உள்ளிட்ட பலர் கலந்து கொண்டனர்.
 
1 2 3 4 5 6 7
தற்காலிக இடங்களில் இயங்கி வந்த கோப்பாய் பொலிஸ் நிலையத்திற்கான புதிய நிரந்தரக் கட்டடம் பொதுமக்கள் பாதுகாப்பு மற்றும் பாராளுமன்ற விவகார அமைச்சர் கௌரவ ஆனந்த விஜயபால அவர்களினால் இன்றைய தினம்(14.06.2026) காலை 08.30 மணிக்கு உத்தியோகபூர்வமாகத் திறந்து வைக்கப்பட்டது. இந் நிகழ்வின் ஆரம்பத்தில் வருகை தந்த அதிதிகள் வரவேற்கப்பட்டதைத் தொடர்ந்து, பொலிஸாரின் அணிவகுப்பு மரியாதை இடம்பெற்றது. பின்னர் புதிய பொலிஸ் நிலையக் கட்டடம் உத்தியோகபூர்வமாகத் திறந்து வைக்கப்பட்டதுடன், அதிதிகள் கட்டடத்தின் பல்வேறு பகுதிகளையும் பார்வையிட்டனர். மேலும், நினைவாக பொலிஸ் நிலைய வளாகத்தில் மரநடுகை நிகழ்வும் முன்னெடுக்கப்பட்டது. மேலும் இதற்கு முன் கோப்பாய் இராசவீதியில் தனியார் வீடுகளில் இயங்கிய பொலீஸ் நிலையம் நிரந்தர இடத்திற்கு மாற்றப்பட்டதைத் தொடர்ந்து வீட்டு உரிமையாளர்களுக்கு நன்றி தெரிவிக்கப்பட்டு அவர்களது வீடுகளின் சாவிகள் அவர்களிடம் உத்தியோகபூர்வமாக கையளிக்கப்பட்டன.
இந் நிகழ்வில் வட மாகாண ஆளுநர் கெளரவ நாகலிங்கம் வேதநாயகன், பாராளுமன்ற உறுப்பினர்களான கௌரவ கருணநாதன் இளங்குமரன், கௌரவ வைத்தியர் சண்முகநாதன் ஸ்ரீ பவானந்தராஜா, கௌரவ ஜெயசந்திரமூர்த்தி றஜீவன், யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன், பொலிஸ்மா அதிபர் திரு. பிரியந்த வீரசூர்யா, வடக்கு மாகாண சிரேஷ்ட பிரதிப் பொலிஸ்மா அதிபர் புத்திக்க சிறிவர்த்தன, யாழ்ப்பாண மாவட்ட பாதுகாப்பு படைகளின் கட்டளைத் தளபதி மேஜர் ஜெனரல் கே.ஜே.என்.எம்.பி.கே. நவரத்ன, வடக்கு பிரதிப் பொலிஸ்மா அதிபர் திரு. சி.என்.மாரப்பன, யாழ்ப்பாண சிரேஷ்ட பொலிஸ் அத்தியட்சகர் திரு. ஜெ. பி. எஸ். ஜயமக, காங்கேசன்துறை சிரேஷ்ட பொலிஸ் அத்தியட்சகர் திரு.பி.எம். ஆர். அம்பிட்டிய, யாழ்ப்பாண மாவட்ட ஒருங்கிணைப்புக் குழுவின் இணைப்பாளர் திரு. எஸ்.கபிலன், பொலிஸ் அதிகாரிகள் மற்றும் பொதுமக்கள் உட்பட பலர் கலந்து கொண்டனர். புதிய நிரந்தரக் கட்டடத்தின் திறப்பின் மூலம், கோப்பாய் பொலிஸ் நிலையத்தின் நீண்டகால கட்டமைப்பு தேவைக்கு தீர்வு கிடைத்துள்ளதுடன், பிரதேச மக்களுக்கு மேலும் திறனுள்ள மற்றும் மேம்பட்ட பொலிஸ் சேவைகளை வழங்குவதற்கான புதிய அத்தியாயம் உருவாகியுள்ளது.
 
 
1 2 3 4 5 6 7 8 9 10 11 12 12 13 14 15 16
  1. ஸ்கேற்றிங் போட்டிக்கு செல்லும் மாணவிக்கு அரசாங்க அதிபர் வாழ்த்து!
  2. யாழ். மாவட்ட தொடர்பாடலும் ஊடகக் கற்கைகள் பாட ஆசிரியர்களுக்கான விசேட செயலமர்வு!
  3. யாழ். மாவட்ட தொடர்பாடலும் ஊடகக் கற்கைகள் பாட ஆசிரியர்களுக்கான விசேட செயலமர்வு!
  4. மாவட்ட இரண்டாம் அரையாண்டுக்கான விலை நிர்ணயக் குழுக் கூட்டம் - 2026