நெல்லியடி சமுர்த்தி சமுதாய அடிப்படைவங்கிக் கட்டடம் திறப்பு விழா பிரதேச செயலாளர் திருமதி உமாமகள் மணிவண்ணன் அவர்களின் தலைமையில் இன்றைய தினம் (06.02.2026 ) பி.ப 03.00 மணிக்கு நடைபெற்றது. இந் நிகழ்வில் பிரதம விருந்தினர்களாக பாராளுமன்ற உறுப்பினரும், கரவெட்டி பிரதேச செயலக ஒருங்கிணைப்புக் குழு தலைவருமான கௌரவ ஜெயச்சந்திரமூர்த்தி ரஜீவன் அவர்களும், யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்களும், சிறப்பு விருந்தினர்களாக ,சமுர்த்தி திணைக்களத்தின் பிரதிப் பணிப்பாளர் (குறுநிதி) திரு. மகேஷ் பெர்ணாண்டோ அவர்களும், யாழ்ப்பாண மாவட்ட சமுர்த்திப் பணிப்பாளர் திரு. பொ. ஸ்ரீவர்ணன் அவர்களும் கலந்து சிறப்பித்தனர் என்பதுடன் விருந்தினர்களால் வங்கி நடவடிக்கைகள் ஆரம்பித்து வைக்கப்பட்டது. இந் நிகழ்வில் சாவகச்சேரி பிரதேச செயலாளர் திரு.F.C. சத்தியசோதி அவர்களும் ,சமுர்த்தி முகாமையாளர்கள், சமுர்த்தி அபிவிருத்தி உத்தியோகத்தர்கள் மற்றும் பயனாளிகளும் கலந்து கொண்டனர்.