- You are here:
-
Home
- News
ஆசிரியத்துவத்தின் செயற்பாடுகள் பிள்ளைகளின் முழுமையான நன்மை நோக்கியதாக ஆரோக்கியமான முறையில் அமையப்பெற்றால் பள்ளிப் பருவப் பிள்ளைகள் ஆசிரியர்களை தம் மனதிலே நிலையான இடத்தில் வைத்திருப்பார்கள் - அரசாங்க அதிபர் தெரிவிப்புசிறுவர் பாதுகாப்பு தொடர்பாக தேசிய கல்வியற் கல்லூரியின் ஆசிரிய மாணவர்களை விழிப்புணர்வூட்டும் தேசிய நிகழ்ச்சித் திட்டம் தேசிய கல்வியற் கல்லூரி பீடாதிபதி திரு. ஆர். லோகேஸ்வரன் அவர்களின் தலைமையில் இன்றைய தினம் (30.10.2025) காலை 8.30 மணிக்கு கோப்பாய் தேசிய கல்வியற் கல்லூரி கேட்போர் கூடத்தில் நடைபெற்றது. இவ் விழிப்புணர்வின் தொடக்க நிகழ்வில் பிரதம விருந்தினராக யாழ்ப்பாண மாவட்ட அரசாஙக அதிபர் திரு.மருதலிங்கம் பிரதீபன் அவர்கள் கலந்து கொண்டு கருத்து தெரிவிக்கும்போது தேசிய கல்வியியல் கல்லூரி மிகச் சிறப்பான வகையில் தொடர்ச்சியாக செயற்பட்டு பல ஆயிரக்கணக்கான ஆசிரியர்களை உருவாக்கி சமூகத்திற்கு வழங்கிக் கொண்டிருப்பதாகவும், அந்த வகையில் பீடாதிபதி மற்றும் சிரேஷ்ட விரிவுரையாளர்களின் அர்ப்பணிப்பான காத்திரமான பங்களிப்பினாலேயே நல்ல தலைவர்களை சமூகத்துக்கு உருவாகிக் கொண்டிருப்பதாகவும், பாராட்டியதுடன், இவ் ஒருங்கிணைந்த செயற்பாட்டின் மூலமாக முன்னாள் ஸ்தாபகர் திருவாளர் கமலநாதன் ஆசிரியர் அவர்களை தான் கற்ற ஆசியராக நினைவு கூறுவதற்காக சந்தர்ப்பத்தை இந் நிகழ்வு அமைத்திருப்பதாகவும் தெரிவித்தார்.
மேலும், ஒரு பிள்ளையினுடைய சமூக மாயமாக்கல் செயற்பாடானது குறிப்பாக முன் பள்ளியிலேயே ஆரம்பிப்பதாகவும் குடும்ப சூழலில் இருந்து வெளிவந்து முதலில் ஆரம்பமாவது முன்பள்ளியிலும் ஆரம்பிப்பதாகவும் பின்னர் பாடசாலையில் மீளுருவாகி சமூகமாக்கல் செயற்பாடு தொடர்சியாக நடைபெற்று சமூகத்தில் ஆசியர்களாக உருவாகி காணப்படுவதாகவும் அத்தகைய சிறப்பான பணியினை ஆற்றுபவர்காளாக ஆசிரியர்கள் உள்ளனர் எனவும் தெரிவித்தார். மேலும், யாழ்ப்பாண மாவட்டத்திலேயே பயிற்சி பெற்றிருந்தாலும் அனைத்து மாவட்டங்களிலும் கல்வி கற்பிக்க தயாராக இருக்க வேண்டும் எனவும் ஆசிரியத்துவத்தின் செயற்பாடு பிள்ளையின் நன்மை நோக்கியதாக அமைய வேண்டும் எனவும் அத்தகைய செயல்பாடுகளை ஆரோக்கியமான முறையில் மேற்கொள்வதன் ஊடாக பள்ளிப் பருவப் பிள்ளைகள் ஆசிரியர்களை தம் மனதிலே இருத்திக்கொள்ள வாய்ப்பு ஏற்படுவதாகவும் அரசாங்க அதிபர் தெரிவித்து, இவ் விழிப்புணர்வு பயிற்சியின் பயனை முழுமையாக பெற்று பயன் பெறுமாறும் கேட்டுக் கொண்டார். இந் நிகழ்வில் யாழ்ப்பாண மாவட்ட அரசாங்க அதிபர் அவர்களால் பெற்றோர் மற்றும் ஆசிரியர்களை அடிப்படையாகக் கொண்ட ஆக்க முறையான "சிக் ஷா "ஒழுக்க பயிற்சி கைந்நூல் " வெளியிட்டு வைக்கப்பட்டது.
இந் நிகழ்வில் பாட சாலை மாணவர்களின் நலன்களை அடையாளம் காணுதலும் கையாளுதலும் தொடர்பாக அம்பன் வைத்தியசாலை வைத்தியர் எஸ்.சிவசுதன் மற்றும் சிறுவர் பாதுகாப்பு மற்றும் கட்டுக்காவல் சட்டங்களை தெளிவுத்துதல்" யாழ்ப்பாண மனித உரிமைகள் ஆணைக்குழுவின் பிராந்திய இணைப்பாளர் திரு. ஐ. கனகராஜ் அவர்களும் கலந்து கொண்டு தெளிவூட்டல்களை வழங்கினார்கள். இந் நிகழ்வில் உப பீடாதிபதி திரு. த.தனபாலன், தேசிய கல்வியற் கல்லூரி சிரேஷ்ட விரிவுரையாளர்கள், தேசிய சிறுவர் பாதுகாப்பு அதிகார சபையின் மாவட்ட இணைப்பாளர், தேசிய கல்வியற் கல்லூரியின் ஆசிரிய மாணவர்கள் ஆகியோர் கலந்து கொண்டனர்.
வடக்கு மாகாண முதலீட்டாளர் மாநாட்டை தொடர்புடைய அரச திணைக்களங்களின் ஆதரவுடன் அடுத்த ஆண்டு ஜனவரியில் நடத்துவதற்கான அங்குரார்ப்பண நிகழ்வு கொழும்பு தனியார் ஹொட்டலில் 29.10.2025 ஆம் திகதி நடைபெற்றது. அடுத்த ஆண்டு யாழ்ப்பாணம் திருவள்ளுவர் கலாசார மண்டபத்தில்ஜனவரி மாதம் 21 மற்றும் 22 ஆம் திகதிகளில் இலங்கை முதலீட்டு சபை, ஏற்றுமதி அபிவிருத்திச் சபை, தேசிய ஏற்றுமதியாளர்கள் சபை, இலங்கை சுற்றுலா ஊக்குவிப்பு பணியகம், தொழில்துறை அமைச்சகங்கள் மற்றும் வெளிவிவகார அமைச்சு ஆதரவுடன்
மனேஜ்மன்ட் க்ளப் - இலங்கை (The Management Club of Sri Lanka) நடத்துவதற்கான அங்குரார்ப்பண நிகழ்வு நடைபெற்று முன்னாயத்த கலந்துரையாடலும் நடைபெற்றது. இந் நிகழ்வில் யாழ்ப்பாண மாவட்டத்தின் சார்பில் அரசாங்க அதிபர் திரு மருதலிங்கம் பிரதீபன் கலந்து கொண்டார். மேலும் மன்னார் மற்றும் முல்லைத்தீவு மாவட்ட அரசாங்க அதிபர்கள், தொடர்புடைய திணைக்களத் தலைவர்கள், அனுசரணையாளர்கள் ஆகியோர் கலந்து கொண்டனர்.
சுற்றுச் சூழல் பாதுகாப்பிற்கு சிறந்த பங்களிப்பு வழங்கிய கைத்தொழில்கள், அரச மற்றும் தனியார் நிறுவனங்கள், அரச சார்பற்ற நிறுவனங்கள், ஊடக நிறுவனங்கள், சுற்றுச் சூழல் பாதுகாப்பிற்காக அர்ப்பணிப்புடன் செயற்படும் பாடசாலைகள் மற்றும் சமூகப் பங்களிப்பை வரவேற்கும் வகையில் நாட்டில் சுற்றுச்சூழலுக்கு உகந்த கைத்தொழில்கள், வர்த்தகங்கள் மற்றும் சேவைக் கலாசாரத்தை கட்டியெழுப்புதல் மற்றும் சுற்றுச்சூழலுக்கு உகந்த முறையில் செயல்படுவதற்காக சமூகத்தை ஊக்குவித்தல் மற்றும் நிலைபேறான அபிவிருத்திக்கு பொதுமக்களின் ஒத்துழைப்பை மேம்படுத்துதல் ஆகிய நோக்கத்தில் மத்திய சுற்றாடல் அதிகார சபையால் ஜனாதிபதி சுற்றாடல் விருது வழங்கல் நிகழ்வு ஆண்டுதோறும் ஏற்பாடு செய்யப்படுகிறது.
இந்த ஆண்டு ஜனாதிபதி சுற்றாடல் விருது வழங்கல் நிகழ்வானது "அழகான நாடு - புன்னகைக்கும் மக்கள் "என்ற நோக்குடன் செயல்படுத்தப்படும் கிளீன் ஸ்ரீலங்கா திட்டத்துடன் இணைந்ததாக ஏற்பாடு செய்யப்பட்டிருப்பதோடு சுற்றுச்சூழலுக்கு உகந்த கைத்தொழில் பிரிவு,சுற்றுச்சூழலுக்கு உகந்த அரச நிறுவன பிரிவு, சுற்றுச்சூழலுக்கு உகந்த தனியார் துறை பிரிவு , சுற்றுச்சூழலுக்கு உகந்த பாடசாலைகள்,புதுப்பிக்கத்தக்க எரிசக்தி உற்பத்தி திட்ட பிரிவு, சுற்றுச்சூழலுக்கு உகந்த புத்தாக்கப் பிரிவு, சுற்றுச்சூழல் பாதுகாப்புக்காக செயல்படும் அரச சார்பற்ற நிறுவன பிரிவு, ஊடக பிரிவு மற்றும் சமூக ஊடக பிரிவு ,ஆகிய 9 பிரிவுகளின் கீழ் மொத்தம் 132 விருதுகள் வழங்கப்பட்டன.
இதில் யாழ்ப்பாண மாவட்டத்தில் நல்லூா் பிரதேச செயலகம் சிறந்த அரச அலுவலகத்திற்காக Merit Award மற்றும் அகில இலங்கை ரீதியாக சிறந்த சமூக வலைத்தளத்திற்கான (Facebook ) Special Jury Award ஆகிய இவ் இரண்டு விருதுகளையும் பெற்றுக் கொண்டது.
யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்கள் நல்லூர் பிரதேச செயலாளர் திருமதி.யசோதா உதயகுமார் மற்றும் பிரதேச செயலக உத்தியோகத்தர்களுக்கு தனது வாழ்த்துக்களையும் பாராட்டுக்களையும் தெரிவித்துக் கொண்டார்.
சமூர்த்தி அபிவிருத்தி திணைக்களம்,
கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சு ஏற்பாட்டில்
"இது உங்களுக்காக மட்டுமே செய்யப்பட்ட நலன்புரித் திட்டம் "சமூர்த்தி திட்டத்தின் மூலம் சுய ஆற்றலுடன் வலுவூட்டப்பட்டவர்களை கீழ் மட்டத்திலிருந்து தேசிய மட்டம் வரை எடுத்துச் செல்லும் முயற்சியின் பொருட்டு மக்கள் தலைவர்கள் மற்றும் உத்தியோகத்தர்களை பாராட்டும் தேசிய பாராட்டு விழாவானது
கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் கௌரவ அமைச்சர்
கலாநிதி உபாலி பன்னிலஹே அவர்களின்
தலைமையில் கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் கௌரவ பிரதி அமைச்சர் வசந்த பியதிஸ்ஸ அவர்கள் மற்றும் கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சின் செயலாளர் சம்பத் மந்திரிநாயக்க அவர்கள் சமூர்த்தி அபிவிருத்தி திணைக்களத்தின் பணிப்பாளர் நாயகம் திரு.சி.டி. களுவாராச்சி ஆகியோரது
பங்கேற்புடன் இன்றைய தினம்(28.10.2025) மு.ப. 9.00 மணிக்கு அலரி மாளிகையில் நடைபெற்றது.
சமுதாய மட்ட மற்றும் பிரதேச மட்ட அமைப்புக்களையும் அதன் தலைவர்களையும் பாராட்டும் நிகழ்வு,
தொழில்முனைவோர் ஊக்குவிப்பு,
போதைப்பொருள் மற்றும்
புகையிலை எதிர்ப்பு சமுர்த்தி கொடி தினம்.
வங்கி ஹரசர ஆகிய
நான்கு கருப்பொருள்களின் கீழ்
சமூகத் தலைவர்கள் மற்றும் அதிகாரிகள் பலர் இங்கு கௌரவிக்கப்பட்டனர்.
தேசிய ரீதியாக வங்கிச் சேவையில் இரண்டாம் இடத்தினைப் பண்டத்தரிப்பு சமுர்த்தி வங்கி பெற்றுக்கொண்டதற்கான பாராட்டு விருதும், சர்வதேச புகைத்தல் மற்றும் போதை எதிர்ப்பு சமுர்த்தி கொடி வேலைத்திட்டத்தில் அதிகூடிய வருமானம் பெற்றமைக்காக வெள்ளிப் பதக்கமும் அரசாங்க அதிபர் திரு மருதலிங்கம் பிரதீபன் அவர்களுக்கு வழங்கி கௌரவிக்கப்பட்டது.
மேலும் சமூக வலுவூட்டல் தொடர்பான ஒரு தொகுதி வெளியீடும், சமுர்த்தி அபிவிருத்தித் திணைக்களத்தின் புதிதாக உருவாக்கப்பட்ட அதிகாரப்பூர்வ வலைத்தளத்தின் வெளியீடும் மற்றும் வெற்றிகரமான தொழில்முனைவோர் பற்றிய தகவல்களைக் உள்ளடக்கிய நிகழ்நிலை புத்தக வெளியீடு போன்ற சிறப்பு அம்சங்கள் இங்கு செயல்படுத்தப்பட்டன.
சமுதாய அடிப்படை வங்கிகளின் தரப்படுத்தலில் யாழ்ப்பாண மாவட்டத்தின் சார்பில் சண்டிலிப்பாய் பிரதேச செயலகத்தின் பண்டத்தரிப்பு வங்கி தேசிய ரீதியில் முதலிடத்தை பெற்றுக் கொண்டதுடன், நல்லூர் பிரதேச செயலகத்தின் கல்வியங்காடு வங்கியும் வேலணை பிரதேச செயலகத்தின் வேலனை வங்கியும் தரப்படுத்தலில் உள்ளடங்குகின்றன.
2024 ஆம் ஆண்டுக்கான அதிக லாபம் ஈட்டிய வங்கிகளில் மருதங்கேணி அம்பன் வங்கியும் தேர்வு செய்யப்பட்டுள்ளது குறிப்பிடத்தக்கது.
போதைப்பொருள் மற்றும்
புகையிலை எதிர்ப்பு சமுர்த்தி
கொடி தினத்துக்குரிய நிதி சேகரிப்பில் கோப்பாய் பிரதேசத்தின் கோப்பாய் வங்கி விருதினைப் பெற்றுக் கொண்டது.
சமுர்த்தி வங்கி தரப்படுத்தலில் நல்லூர், கரவெட்டி வங்கிகள் முதலாம், இரண்டாம் இடத்தை பெற்றுக் கொண்டதுடன் வங்கிகளின் நல்லூர், கரவெட்டி , காரைநகர் , சண்டிலிப்பாய், யாழ்ப்பாணம், சங்கானை, பருத்தித்துறை ஆகிய பிரதேச செயலங்களின் வங்கிகள் A தரத்துக்குரிய வங்கிச் சங்கங்களாக தெரிவு செய்யப்பட்டன.
இந் நிகழ்வில் யாழ்ப்பாண மாவட்டத்தின் சார்பில் யாழப்பாண மாவட்ட அரசாங்க அதிபர் திரு மருதலிங்கம் பிரதீபன், யாழ்ப்பாண மாவட்ட முன்னாள் சமுர்த்திப் பணிப்பாளர் திரு. F. C. சத்தியசோதி, சண்டிலிப்பாய் முன்னாள் பிரதேச செயலாளர் திருமதி சுபாசினி மதியழகன், மாவட்ட சமுர்த்தி சமூக அபிவிருத்தி முகாமையாளர், மாவட்ட சமூக அடிப்படை அமைப்பு முகாமையாளர்,மாவட்ட சமூக அபிவிருத்தி உத்தியோகத்தர் மற்றும் சமுர்த்தி முகாமையாளர்கள், அபிவிருத்தி உத்தியோகத்தர்கள், சமுர்த்தி அபிவிருத்தி உத்தியோகத்தர்கள், மக்கள் தலைவர்கள், தொழில் முயற்சியாளர்கள் கலந்து கொண்டனர்.
கிராமிய வீதி அபிவிருத்தி நிகழ்ச்சித்திட்டத்தில் தீவுப்பகுதியில் வீதி அபிவிருத்தியை நடைமுறைப்படுத்துவதில் எதிர்நோக்கும் இடர்பாடுகள் குறித்த கலந்துரையாடல் கடற்றொழில், நீரியல் மற்றும் கடல் வளங்கள் அமைச்சரும், ஒருங்கிணைப்புக் குழுவின் தலைவருமான கௌரவ இராமலிங்கம் சந்திரசேகர் தலைமையிலும் யாழ்ப்பாண மாவட்ட போக்குவரத்து தொடர்பான செயற்குழுவின் தலைவரும் கௌரவ பாராளுமன்ற உறுப்பினருமான க.இளங்குமரன் மற்றும் யாழ்ப்பாண மாவட்ட அரசாங்க அதிபரும் ஒருங்கிணைப்புக் குழுவின் செயலாளருமான திரு.ம. பிரதீபன் ஆகியோரது பங்குபற்றுதலுடன் இன்றைய தினம் (25.10.2025) காலை 10.30 மணிக்கு அரச அதிபர் அலுவலகத்தில் நடைபெற்றது.
யாழ்ப்பாண மாவட்டத்தில் போக்குவரத்து, பெருந்தெருக்கள் துறைமுகம் மற்றும் சிவில் விமான சேவைகள் அமைச்சின் நிதி ஒதுக்கீட்டின் கீழ் மாவட்டத்தில் நடைமுறைப்படுத்தப்பட்டு வரும் வீதி அபிவிருத்தி வேலைகளின் உடைய முன்னேற்றம் தொடர்பாக கலந்துரையாடப்பட்டது.
வேலணை,ஊர்காவற்துறை , காரைநகர் மற்றும் நெடுந்தீவு பிரதேச செயலாளர் பிரிவுக்குட்பட்ட பகுதிகளில் போக்குவரத்து, பெருந்தெருக்கள் துறைமுகம் மற்றும் சிவில் விமான சேவைகள் அமைச்சின் விசேட நிதி ஒதுக்கீட்டின் கீழ் 250 மில்லியன் ரூபா செலவில் மேற்கொள்ளப்படவுள்ள வீதி அபிவிருத்தி வேலைத்திட்டங்களை விரைவாக முன்னெடுப்பது தொடர்பாக கலந்துரையாடப்பட்டதோடு கிடைக்கப்பெற்ற விசேட நிதியானது தற்போது கிடைக்கப்பெற்றுள்ளமையினாலும், கடல் கடந்த போக்குவரத்து மற்றும் இனிவரப்போகும் பருவகால மழை காரணமாக வேலைத்திட்டங்களை விரைவாக செயற்படுத்துவதில் உள்ள இடர்பாடுகள் குறித்து கலந்துரையாடப்பட்டு வேலணை,ஊர்காவற்துறை மற்றும் காரைநகர் பிரதேச செயலாளர் பிரிவுக்குட்பட்ட பகுதிகளில் மேற்கொள்ளப்படவுள்ள வீதி அபிவிருத்தி வேலைத்திட்டங்களை விரைவாக முன்னெடுக்க முடியுமெனவும் ஆனால் நெடுந்தீவு பிரதேச செயலாளர் பிரிவுக்குட்பட்ட பகுதிகளில் வேலைத்திட்டங்களை மேற்க்கொள்வதில் இடர்பாடுகள் உள்ளதாகவும் அதனடிப்படையில் நெடுந்தீவில் முழுமையாக 3 வீதிகளின் வேலைத்திட்டங்களை முன்னெடுக்க முடியும்மென தெரிவிக்கப்பட்டதோடு நெடுந்தீவில் உள்ளே வேறு வீதிகளை புனரைமைப்பது தொடர்பில் ஆராய்ந்து முடிவு எட்டப்படும் என தெரிவிக்கப்பட்டது.
இக்கலந்துரையாடலில் கௌரவ பிரதேச சபை தவிசாளர்கள் , உள்ளூராட்சி அமைச்சின் செயலாளர் ,வடக்கு மாகாண உள்ளூராட்சி ஆணையாளர்,மேலதிக அரசாங்க அதிபர், திட்டமிடல் பணிப்பாளர், பிரதம கணக்காளர், வேலணை ,காரைநகர் ,ஊர்காவற்றுறை மற்றும் நெடுந்தீவு பிரதேச செயலாளர்கள், வீதி அபிவிருத்தி அதிகார சபையில் பிரதம பொறியியலாளர், வீதி அபிவிருத்தி திணைக்களத்தின் நிறைவேற்றுப் பொறியியலாளர், பெருந்தெருக்கள் துறைமுகம் மற்றும் சிவில் விமான சேவைகள் அமைச்சர் கௌரவ பிமல் நிரோசன் ரட்ணாயக்க அவர்களது பிரத்தியோக இணைப்பாளர், மாவட்ட ஒருங்கிணைப்புகுழு அலுவலக இணைப்பாளர் மற்றும் துறை சார்ந்த அதிகாரிகள் உள்ளிட்ட பலர் கலந்து கொண்டனர்.
