அரசாங்க அதிபர் கூட்டத்திற்கு கலந்துகொண்ட அனைவரையும் வரவேற்று தனது வரவேற்புரையினை தொடர்ந்து

இந்த விடயம் தொடர்பாக போக்குவரத்து, பெருந்தெருக்கள் துறைமுகம் மற்றும் சிவில் விமான சேவைகள் அமைச்சர் கௌரவ பிமல் நிரோசன் ரட்ணாயக்க அவர்கள் கடந்த இரண்டு வாரங்களுக்கு முன்னர் இங்கே வருகை தந்து நெடுந்தூர பேருந்து போக்குவரத்து தொடர்பாக விசேட கலந்துரையாடல் ஒன்றினை நடாத்தியிருந்தார்.அந்த கலந்துரையாடலில் மாவட்ட மட்டத்தில் அதற்கான முடிவினை எடுக்குமாறும் தெரிவித்திருந்தமையினை அடுத்து இந்த கலந்துரையாடல் ஒழுங்குபடுத்தப்பட்டிருப்பதாகவும் இந்த நெடுந்தூர பேருந்து போக்குவரத்து தொடர்பாக இவ் வருடம் கௌரவ ஆளுநர் தலைமையில் இரண்டு கூட்டங்கள் நடாத்தப்பட்டிருந்ததாகவும் அதற்கு முதலும் பல தடவைகள் இக் கூட்டம் நடைபெற்றதெனவும் இருந்தாலும் உடனடியான சாதகமான முடிவுகளை எட்ட முடியவில்லை எனவும் இப்போது ஏற்பாடு செய்யப்பட்டிருக்கும் இந்த கலந்துரையாடல் மூலம் சாதகமான தீர்மானங்களை எடுப்பதற்கு அனைவரினதும் ஒத்துழைப்பையும் ஆதரவினையும் வேண்டிக் கொண்டார் .

வடக்கு மாகாண கௌரவ ஆளுநர் கருத்து தெரிவிக்கையில் யாழ்ப்பாண நகரம் நெரிசல் மற்றும் நெருக்கடி கொண்டதாம மாறியுள்ளது. அவற்றை ஒழுங்கமைக்க சீரமைக்க வேண்டியதேவை, பொறுப்பு அனைவருக்கும் உள்ளது. அதற்கு அமைவாக நெடுந்தூர, குறுந்தூர பேருந்துச் சேவைகள் புதிய மற்றும் பழைய பேருந்து நிலையங்களிலிருந்து இயக்கப்படவேண்டியுள்ளது என தெரிவித்தார்.

தொடர்ந்து கருத்துத் தெரிவித்த பாராளுமன்ற உறுப்பினரும், போக்குவரத்து தொடர்பான செயற்குழுவின் தலைவருமான க.இளங்குமரன், பொதுப்போக்குவரத்தினை மக்களின் தேவைக்காக மாற்றுவதே அரசாங்கத்தின் நோக்கமென்றும் தனியார் மற்றும் இலங்கை போக்குவரத்துச் சபை என்பன இணைந்து செயற்பட வேண்டும் என தெரிவித்தார்.

யாழ்ப்பாணம் பஸ் தரிப்பு நிலையம் தொடர்பில் தற்போது எதிர்கொள்ளப்படும் இடர்பாடுகள் தொடர்பாகவும் இதனை புகையிரத நிலையத்திற்கு அருகில் இடமாற்றம் செய்வதில் உள்ள சவால்கள் தொடர்பாக பல்வேறு துறைசார்ந்த அதிகாரிகளின் கருத்துக்கள் தொடர்பாக விரிவாக கலந்துரையாடப்பட்டதுடன் எதிர்வரும் 29 ஆம் திகதி (புதன்கிழமை) காலை 10.30 மணிக்கு இது தொடர்பான நேரடி கள விஜயம் மேற்கொண்டு மேலதிக தீர்மானங்கள் எட்டப்படும் என்றும் கலந்துரையாடப்பட்டது.மேலும் கலந்துரையாடலில் பல்வேறு விடயங்கள் ஆராயப்பட்டன. நகர அபிவிருத்தி அதிகார சபை தமது முன்மொழிவுகளையும் தெரியப்படுத்தினர்.

இந் நிகழ்வில், பாராளுமன்ற உறுப்பினர்களான கௌரவ சிவஞானம் சிறீதரன், கௌரவ கஜேந்திரகுமார் பொன்னம்பலம், யாழ்ப்பாணம் பிரதேச செயலாளர், தனியார் போக்குவரத்து அதிகார சபை பணிப்பாளர், நகர அபிவிருத்தி அதிகார சபை பொறியியலாளர், மாநகர சபை பொறியியலாளர் மற்றும் தொழில்நுட்ப உத்தியோகத்தர், தனியார் பஸ் உரிமையாளர் சங்கம், வர்த்தக சங்கம், பொலிஸ் உத்தியோகத்தர்கள் மற்றும் துறை சார்ந்த அதிகாரிகள் உள்ளிட்ட பலர் கலந்து கொண்டனர்.

 

கிராமிய வீதிகள் அபிவிருத்தி தொடர்பான கலந்துரையாடல் அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம் (13.10.2025) பிற்பகல் 3மணிக்கு அரசாங்க அதிபர் அலுவலகத்தில் நடைபெற்றது.

18.09.2025 அன்று நடைபெற்ற கடற்றொழில், நீரியல் மற்றும் கடல் வளங்கள் அமைச்சரும், ஒருங்கிணைப்புக் குழுவின் தலைவருமாகிய கௌரவ இராமலிங்கம் சந்திரசேகர் அவர்களினது பங்கேற்புடனும் போக்குவரத்து, பெருந்தெருக்கள் துறைமுகம் மற்றும் சிவில் விமான சேவைகள் அமைச்சர் கௌரவ பிமல் நிரோசன் ரட்ணாயக்க அவர்களது தலைமையில் நடைபெற்ற போக்குவரத்து தொடர்பான யாழ்ப்பாண மாவட்ட ஒருங்கிணைப்பு குழுக் கூட்டத்தில் போக்குவரத்து, பெருந்தெருக்கள் துறைமுகம் மற்றும் சிவில் விமான சேவைகள் அமைச்சர் தீவக பகுதிகளுக்கு 250 மில்லியன் ரூபாய் ஒதுக்கீடு செய்யப்படும் என தெரிவித்திருந்தார். அதற்கிணங்க பிரதேச செயலாளர்களிடமிருந்து திருத்தப்பட வேண்டிய வீதிகளின் பட்டியல்கள் திரட்டப்பட்டு அரசாங்க அதிபரினால் அமைச்சிற்கு அனுப்பப்பட்டு அமைச்சினால் அதற்குரிய அனுமதி வழங்கப்பட்டுள்ளமை குறிப்பிடத்தக்க அமசமாகும்.

இக்கலந்துரையாடலில் வேலணை,ஊர்காவற்துறை , காரைநகர் மற்றும் நெடுந்தீவு பிரதேச செயலாளர் பிரிவுக்குட்பட்ட பகுதிகளில் இவ் வருடத்திற்கான கிராமிய வீதிகளின் அபிவிருத்திக்காக விசேட நிதி ஒதுக்கீட்டின் கீழ் மேற்கொள்ளப்படவுள்ள வீதி அபிவிருத்தி வேலைத்திட்டங்களை விரைவாக முன்னெடுப்பது தொடர்பாக கலந்துரையாடப்பட்டதோடு குறிப்பாக வீதி அபிவிருத்திகள் உரிய காலத்தில் வினைத்திறனாக நிறைவேற்றி முடிக்க அரசாங்க அதிபரால் உரிய அறிவுறுத்தல்கள் வழங்கப்பட்டது.

இக்கலந்துரையாடலில் கௌரவ பிரதேச சபை தவிசாளர்கள் ,மேலதிக அரசாங்க அதிபர், திட்டமிடல் பணிப்பாளர், பிரதம கணக்காளர், வேலணை காரைநகர் மற்றும் நெடுந்தீவு பிரதேச செயலாளர்கள், மாவட்ட செயலக கணக்காளர் உள்ளிட்டவர்கள் கலந்து கொண்டனர்.

 

 

யாழ்ப்பாண மாவட்டத்தில் போக்குவரத்து, பெருந்தெருக்கள் துறைமுகம் மற்றும் சிவில் விமான சேவைகள் அமைச்சின் நிதி ஒதுக்கீட்டின் கீழ் மாவட்டத்தில் நடைமுறைப்படுத்தப்பட்டு வரும் வீதி அபிவிருத்தி வேலைகளின் உடைய முன்னேற்றம் தொடர்பாக கலந்துரையாடப்பட்டது.

யாழ்ப்பாண மாவட்டத்திற்கு நிதி ஒதுக்கீடு செய்யப்பட்ட 1000 மில்லியன் ரூபா நிதியில் 24 வீதிகளுக்கு 26.5 கிலோமீட்டர் அளவில் புனரமைக்கப்படவுள்ளது.இவ் வீதிகளினுடைய முன்னேற்றம் தொடர்பாக ஆராயப்பட்ட போது வீதிகளுக்குரிய மதிப்பீடுகள் தயாரிக்கின்ற பணிகளும் அதற்கான கேள்விப்பத்திரங்களும் திரட்டப்பட்டு வருவதாக தெரிவிக்கப்பட்டதுடன் இம்மாதத்தினுடைய இறுதி வாரத்தில் வீதியின் அபிவிருத்திப் பணிகள் மேற்கொள்ளப்படுமென வீதி அபிவிருத்தி அதிகார சபையின் வடக்கு மாகாணப் பணிப்பாளர் திரு.யொ.குறுஸ் அவர்களால் தெரிவிக்கப்பட்டது.

இதேவேளை வேலணை,ஊர்காவற்துறை , காரைநகர் மற்றும் நெடுந்தீவு பிரதேச செயலாளர் பிரிவுக்குட்பட்ட பகுதிகளில் போக்குவரத்து, பெருந்தெருக்கள் துறைமுகம் மற்றும் சிவில் விமான சேவைகள் அமைச்சின் விசேட நிதி ஒதுக்கீட்டின் கீழ் 250 மில்லியன் ரூபா செலவில் மேற்கொள்ளப்படவுள்ள வீதி அபிவிருத்தி வேலைத்திட்டங்களை விரைவாக முன்னெடுப்பது தொடர்பாக கலந்துரையாடப்பட்டது. அத்தோடு. நகர அபிவிருத்தி அமைச்சின் நிதி ஒதுக்கீட்டின் கீழ் மேற்க்கொள்ளப்படுகின்ற 184 மில்லியன் ரூபா வேலைத்திட்டங்கள் தொடர்பாகவும் கலந்துரையாடப்பட்டது.

இக்கலந்துரையாடலில் கௌரவ பிரதேச சபை தவிசாளர்கள் ,வடக்கு மாகாண ஆளுநரின் செயலாளர் திரு .எஸ்.சத்தியசீலன் , பிரதேச செயலாளர்கள்,யாழ் மாவட்ட செயலக திட்டமிடல் பணிப்பாளர், வீதி அபிவிருத்தி அதிகார சபையில் பிரதம பொறியியலாளர், வீதி அபிவிருத்தி திணைக்களத்தின் நிறைவேற்றுப் பொறியியலாளர், பெருந்தெருக்கள் துறைமுகம் மற்றும் சிவில் விமான சேவைகள் அமைச்சர் கௌரவ பிமல் நிரோசன் ரட்ணாயக்க அவர்களது பிரத்தியோக இணைப்பாளர் மற்றும் துறை சார்ந்த அதிகாரிகள் உள்ளிட்ட பலர் கலந்து கொண்டனர்.

 

 

 

விசேட தேவையுடையோருக்கான தேசிய விழாவானது இம் முறை யாழ்ப்பாணத்தில் நடைபெறுவதோடு இந் நிகழ்வில் வட மாகாணத்தின் 5 மாவட்டங்களில் இருந்து விசேட தேவையுடையோர் சுமார் 650 பேரின் பங்குபற்றுதலுடன் யாழ்ப்பாணம் கலாச்சார மண்டபத்தில் நடாத்துவதற்கு தீர்மானிக்கப்பட்டுள்ளது.

இக் கலந்துரையாடலில் கிராமிய அபிவிருத்தி சமூக பாதுகாப்பு மற்றும் சமூக வலுவூட்டல் அமைச்சின் மேலதிக செயலாளர் (நிர்வாகம்) ராதா நாணயக்கார, மகளிர் விவகார அமைச்சின் செயலாளர் திரு.மு.நந்தகோபாலன் ,அங்கவீனமுற்ற நபர்களுக்கான தேசிய செயலக பணிப்பாளர் ஜெயமாலி விக்கிரமராட்சி ,மேலதிக அரசாங்க அதிபர் திரு கே. சிவகரன், மேலதிக அரசாங்க அதிபர் (காணி) திரு. பா.ஜெயகரன், பிரதம கணக்காளர் திரு.எஸ் கிருபாகரன், திட்டமிடல் பணிப்பாளர் திரு. சுரேந்திரநாதன், உதவி மாவட்ட செயலாளர் செல்வி உ. தர்ஷினி, சமூக சேவைகள் திணைக்களப் பணிப்பாளர் திருமதி.தனுஜா லுக்ஷாந்தன் ,கிராமிய அபிவிருத்தி சமூக பாதுகாப்பு மற்றும் சமூக வலுவூட்டல் அமைச்சின் உதவி ஆணையாளர், கிறிஸ்தவ மதகுரு, மாவட்ட சமூக சேவைகள் அபிவிருத்தி உத்தியோகத்தர் திரு .தி.உமாசங்கர், அங்கவீனமுற்ற நபர்களுக்கான தேசிய செயலக உறுப்பினர்கள் உள்ளிட்ட பலர் கலந்து கொண்டனர்.