- You are here:
-
Home
- News
யாழ்ப்பாண மாவட்ட காங்கேசன்துறை புகையிரத நிலையத்திலிருந்து கிளிநொச்சி முறிகண்டி புகையிரத நிலையம் வரையிலான "யாழ். ராணி" புகையிரத சேவை இன்றையதினம் காலை (2022.07.11) உத்தியோகபூர்வமாக ஆரம்பித்துவைக்கப்பட்டது.
யாழ்ப்பாண மாவட்ட புகையிரத நிலையத்தில் நடைபெற்ற இவ் உத்தியோகபூர்வ ஆரம்பநிகழ்வில் மாவட்ட அரசாங்க அதிபர் க.மகேசன், அனுராதபுர பிரதேச போக்குவரத்து பொறுப்பதிகாரி பி.என்.என்.விசுந்த, யாழ்.புகையிரத நிலைய அதிபர் ரி.பிரதீபன், கடற்தொழில் அமைச்சர் கௌரவ கே.என்.டக்ளஸ் தேவானந்தா அவர்களின் பிரதிநிதி ருசாங்கன் மற்றும் யாழ்.நகர இராணுவ கட்டளைத்தளபதி, புகையிரத நிலைய அதிபர்கள், புகையிரத நிலைய உத்தியோகத்தர்கள் ஆகியோர் கலந்து கொண்டிருந்தார்கள்.
"யாழ்.ராணி" புகையிரத சேவையானது காங்கேசன்துறை புகையிரத நிலையத்திலிருந்து காலை 6.00 மணிக்கு ஆரம்பமாகி காலை 8.30 மணிக்கு கிளிநொச்சி முறிகண்டி புகையிரத நிலையத்திற்கு சென்றடையுமென மாவட்ட அரசாங்க அதிபர் தெரிவித்தார். மேலும், இப் புகையிரத சேவையானது உரிய நேர அட்டவணையின்படி தொடர்ச்சியாக நடைபெறவுள்ளதோடு, நாளாந்த கடமையில் ஈடுபடும் அரச உத்தியோகத்தர்கள், தனியார் உத்தியோகத்தர்கள் மற்றும் பொதுமக்களுக்கும் தற்போதுள்ள அசாதாரணசூழலில் நன்மைபெறக்கூடியதாகயிருக்கும் எனவும் தெரிவித்துள்ளார்.
கிராமமட்டங்களில் சிகரட்,மதுசாரம் உட்பட ஏனைய போதைவஸ்துக்கு செலவாகும் தொகையை குறைத்து தற்பேதைய பொருளாதார நெருக்கடியை எதிர்கொள்வதற்கு மக்களை வலுப்படுத்துதல் தொடர்பான செயலமர்வு மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் 23.06.2022 காலை மாவட்ட செயலகத்தில் நடைபெற்றது.
கிராம மட்டத்திலான போதைப்பொருள் தடுப்பு செயற்திட்டத்தின் முக்கியத்துவம், நிலைபேறான செயற்திட்டத்தின் முக்கியத்துவம், கிராம மட்டங்களில் ஆரம்ப மதிப்பீடுகள் மேற்கொள்வதற்கான நுட்பங்கள், வழிமுறைகள், கிராம அபிவிருத்தியில் போதைப்பொருள் பாவனையின் ஆதிக்கம், கிராமிய தகவல்களை திரட்டிக்கொள்ளல், ஆரம்ப கட்ட செயற்பாட்டினை திட்டமிடல் என்பன தொடர்பாக குறித்த செயலமர்வு இடம்பெற்றது.
மேலும், இச்செயலமர்வில் மாவட்ட அரசாங்க அதிபர் அவர்கள் கருத்துத் தெரிவிக்கும்போது எமது சமூகத்தின் மிக முக்கியமான பிரச்சனையாக போதைப்பொருள் பாவனை காணப்படுவதோடு பல சவால்களுக்கு மத்தியில் போதைப்பொருள் பாவனை தொடர்பான தடுப்புமுயற்சிகளில் ஈடுபடவேண்டியுள்ளது. அத்தோடு சமூகமட்டத்தில் இதன் தாக்கம் அதனை எவ்வாறு வெற்றி கொள்வது போதைப்பொருள் பாவனைக்குள்ளானவர்களை அதிலிருந்து பாதுகாத்து அவர்களுக்கு உளமாற்றத்தை ஏற்படுத்தல், அவர்களை சமூகமட்டத்தில் குடும்பம் மற்றும் சமூகத்தோடு இணைத்தல் தொடர்பாக எடுத்துக்கூறினார். மேலும் தனி மனித முயற்சியினால் போதைப்பொருள் பாவனையினை கட்டுப்படுத்த முடியாது என சுட்டிக்காட்டியதுடன் அனைவரும் இணைந்தே போதைவஸ்து பாவனையை கட்டுப்படுத்த முடியுமென தெரிவித்தார்.
யாழ்ப்பாண மாவட்டச் செயலகம் மற்றும் தேசிய அபாயகர ஔடதங்கள் கட்டுப்பாட்டு சபையினரால் "சுகாதார மற்றும் மனிதாபிமான நெருக்கடிகளை எதிர்கொண்டு போதைப்பொருள் சவாலை கட்டுப்படுத்தல்" எனும் கருப்பொருளில் போதைப் பொருட்பாவனையால் பாதிக்கப்பட்டவர்களுக்கான உளவளத்துணை சிகிச்சை மற்றும் புனர்வாழ்வு வழங்குவதற்காக உருவாக்கப்பட்ட உடனடி இலவச அழைப்பினை அறிமுகப்படுத்துதல் மற்றும் பேருந்துகளில் ஸ்டிக்கர்ஸ் காட்சிப்படுத்துதல் நிகழ்வு மாவட்ட அரசாங்க அதிபர் திரு.கணபதிப்பிள்ளை மகேசன் அவர்களின் தலைமையில் 27.06.2022 காலை 9.30 மணிக்கு யாழ்.பஸ்தரிப்பு நிலையத்தில் நடைபெற்றது.
இந் நிகழ்வில் மேலதிக அரசாங்க அதிபர் திரு.ம.பிரதீபன், மேலதிக அரசாங்க அதிபர்(காணி) திரு.எஸ் முரளிதரன், உதவி மாவட்டச் செயலாளர் திருமதி.எஸ்.சி.என்.கமலராஜன் மற்றும் யாழ்.மாவட்ட உதவிப் பொலிஸ் அத்தியட்சகர், தேசிய அபாயகர ஔடதங்கள் கட்டுப்பாட்டுச்சபை மாவட்ட இணைப்பாளர், அருட்சகோதரர்கள், அருட்சகோதரிகள், அரச சார்பற்ற நிறுவன பிரதி நிதிகள், மாவட்ட/ பிரதேச செயலக உத்தியோகத்தர்கள் ஆகியோரும் கலந்துகொண்டிருந்தார்கள்.
இந் நிகழ்விற்குஅரச சார்பற்ற நிறுவனங்களான வேல்ட்விசன் மற்றும் சாந்தீகம் ஆகியன அனுசரணை வழங்கியமையும் குறிப்பிடத்தக்கது.
யாழ்ப்பாண மாவட்டத்தில் எதிர்வரும் வாரத்திலிருந்து பங்கீட்டு அடிப்படையில் எரிபொருளை விநியோகிப்பதற்காக அமுல்படுத்தப்படவுள்ள பொதுமக்களுக்கான எரிபொருள் பங்கீட்டு அட்டை பிரதேச செயலாளர்கள் மற்றும் கிராம உத்தியோகத்தர்கள் ஊடாக வழங்கப்பட்டு வருகின்றது.
அரச திணைக்களில் கடமையாற்றும் உத்தியோகத்தர்களுக்கான எரிபொருள் பங்கீட்டு அட்டை அவ்அவ் திணைக்களத் தலைவர்கள் ஊடாக வழங்கப்பட்டு வருகின்றது.இதுவரை இவ் எரிபொருளுக்கான பங்கீட்டு விநியோக அட்டையை பெற்றுக்கொள்ளாத அரச திணைக்களங்கள் யாழ்ப்பாண மாவட்டச்செயலகத்தில் பெற்றுக் கொள்ளுமாறு மாவட்டச் செயலாளர் கணபதிப்பிள்ளை மகேசன் அவர்கள் அறிவுறுத்தியுள்ளார்
யாழ்ப்பாண மாவட்டச் செயலகத்தில் வெளிநாட்டு வேலைவாய்ப்பு பணியகத்தின் உத்தியோகத்தர்களுடனான கலந்துரையாடல் பாராளுமன்ற உறுப்பினர் கௌரவ அங்கஜன் இராமநாதன் அவர்களின் தலைமையில் (21.06.2022) காலை பத்துமணிக்கு மாவட்டச் செயலக மாநாட்டு மண்டபத்தில் நடைபெற்றது.
இக் கலந்துரையாடலில் மாவட்ட அரசாங்க அதிபர் க. மகேசன், மேலதிக அரசாங்க அதிபர் ம.பிரதீபன், மேலதிக அரசாங்க அதிபர் (காணி) எஸ்.முரளிதரன், வெளிநாட்டு வேலை வாய்ப்பு பணியகத்தின் வட மாகாண சிரேஷ்ட முகாமையாளர் சந்தியா மானகே, பாராளுமன்ற உறுப்பினர் கௌரவ அங்கஜன் இராமநாதன் அவர்களின் பிரத்தியேக செயலாளர் சிவராம் மற்றும் மாவட்டச் செயலக திட்டமிடல் பணிப்பாளர், உதவி மாவட்டச் செயலாளர், வெளிநாட்டு வேலைவாய்ப்பு திணைக்களத்தின் இணைப்பாளர், மனித வள வேலைவாய்ப்பு திணைக்களத்தின் இணைப்பாளர், வெளிநாட்டு வேலைவாய்ப்பு திணைக்களத்தின் பிரதேச மட்ட உத்தியோகத்தர்கள் ஆகியோர் கலந்துகொண்டிருந்தார்கள்.