- You are here:
-
Home
- News
சிறுவர் மகளிர் அபிவிருத்தி மற்றும் சமூக வலுவூட்டல்அமைச்சும் தகவல் தொடர்பாடல் தொழில்நுட்ப நிறுவனம் (ICTA) மற்றும் யாழ் மாவட்ட செயலகமும் இணைந்து பெண் தொழில் முயற்சியாளர்களுக்கான சந்தை வாய்ப்பினை ஏற்படுத்திக் கொடுப்பதற்கான தொழில்நுட்ப அறிவினை வழங்கும் நிகழ்ச்சித்திட்டம் மாவட்ட அரசாங்க அதிபர் திரு.கணபதிப்பிள்ளை மகேசன் அவர்களின் தலைமையில் 18.08.2022 அன்று காலை 09.30 மணிக்கு மாவட்டச்செயலக கேட்போா் கூடத்தில் நடைபெற்றது.
இந்நிகழ்ச்சியில் மேலதிக அரசாங்க அதிபர் ம.பிரதீபன், சிரேஷ்ட முகாமையாளர் மனோஜ் கேமரத்னகே (ICTA), சிரேஷ்ட முகாமையாளர் திருமதி.சத்திகா யகம்பத் ( ICTA), உதவி மாவட்டச் செயலாளர் திருமதி.எஸ்.சி.என்.கமலராஜன், Geomatry Global Digital team, பெண் தொழில் முயற்சியாளர்கள் மற்றும் மகளிர் அபிவிருத்தி உத்தியோகத்தர்கள் ஆகியோரும் கலந்துகொண்டிருந்தார்கள்.
யாழ்.மாவட்ட பண்பாட்டு பேரவை செயற்பாட்டு குழு கூட்டம் (16.08.2022) மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் மாவட்ட செயலக மாநாட்டு மண்டபத்தில் இடம்பெற்றது.இக்கலந்துரையாடலில் நடப்பு வருடத்திற்கான செயற்பாட்டு திட்டங்கள் தொடர்பாக கலந்துரையாடப்பட்டது. குறிப்பாக இவ்வருடத்திற்கான மாவட்ட பண்பாட்டு விழா ஏற்பாடுகள், கலைத்திறன் போட்டிக்கான விண்ணப்ப நடைமுறைகள்,நூல் வெளியீட்டு விழா ஏற்பாடுகள்,புதிய யாப்பு திருத்த விடயங்கள்,அங்கத்தவர் சந்தா விடயங்கள் கலந்துரையாடப்பட்டது.
வீட்டுத்தோட்டங்களில் விவசாய உற்பத்தியை அதிகரித்து உள்நாட்டு உற்பத்தியை அதிகரிப்பதற்கு மேலதிகமாக அரசநிறுவனங்கள் மற்றும் திணைக்களங்களிலும் விவசாய உற்பத்தியை ஊக்குவிக்கும் நடவடிக்கை மேற்கொள்ளப்பட்டு வருகின்றது. அந்தவகையில் மாவட்ட செயலக விவசாயத்திணைக்களத்தின் ஏற்பாட்டில் பழமரக்கன்றுகள் நாட்டப்படும் நிகழ்வு (10.08.2022) மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் யாழ்.மாவட்டச் செயலகத்தில் இடம்பெற்றது.
இந் நிகழ்வில் மேலதிக அரசாங்க அதிபர், மேலதிக அரசாங்க அதிபர்(காணி), மாவட்ட திட்டமிடல் பணிப்பாளர், மாவட்டச் செயலக பிரதம கணக்காளர், மாவட்ட விவசாயப் பணிப்பாளர், மாவட்ட சமுர்த்தி பணிப்பாளர், மாவட்ட சமுர்த்தி கணக்காளர் மற்றும் மாவட்டச் செயலக உத்தியோகத்தர்கள் ஆகியோரும் கலந்துகொண்டனர்.
யாழ்.மாவட்ட அத்தியாவசிய சேவைகள் தொடர்பான மீளாய்வு கூட்டம் (16.08.2022 ) யாழ். மாவட்ட பாராளுமன்ற உறுப்பினரும், பாராளுமன்ற குழுக்களின் பிரதித் தவிசாளரும், யாழ். மாவட்ட ஒருங்கிணைப்புக் குழுவின் தலைவருமான கௌரவ அங்கஜன் இராமநாதன், மாவட்ட அரசாங்க அதிபர் கணபதிப்பிள்ளை மகேசன் ஆகியோரின் இணைத்தலைமையில் மாவட்ட செயலக கேட்போர் கூடத்தில் இடம்பெற்றது. இக்கூட்டத்தில், மாவட்ட மேலதிக அரசாங்க அதிபர்,மாவட்ட மேலதிக அரசாங்க அதிபர் (காணி),மாவட்ட செயலக பதவி நிலை உத்தியோகத்தர்கள்,பிரதேச செயலாளர்கள், பெற்றோலிய கூட்டுத்தாபன பிராந்திய முகாமையாளர், இ.போ.ச பிராந்திய முகாமையாளர், திணைக்கள தலைவர்கள், வர்த்தக சங்க பிரதிநிதிகள், உள்ளிட்ட துறைசார் தரப்பினர் கலந்து கொண்டனர்.
யாழ்.மாவட்ட செயலக சிறுதொழில் முயற்சி அபிவிருத்தி பிரிவு நடாத்தும் சிறுதொழில் முயற்சியாளர்களின் உற்பத்திப் பொருட்களுக்கான விற்பனை கண்காட்சி நிகழ்வானது மாவட்ட மேலதிக அரசாங்க அதிபர் மருதலிங்கம் பிரதீபன் அவர்களின் தலைமையில் (10.08.2022) காலை 9.30 மணிக்கு யாழ்.சங்கிலியன் பூங்காவில் நடைபெற்றது.
இந் நிகழ்வில் பிரதம விருந்தினராக மாவட்ட அரசாங்க அதிபர் கணபதிப்பிள்ளை மகேசன் அவர்கள் கலந்து சிறப்பித்ததோடு, சிறப்பு விருந்தினர்களாக பிரதேச செயலாளர் திருமதி அன்ரன் யோகநாயகம் எழிலரசி, மாநகரசபை ஆணையாளர் தனபாலசிங்கம் ஜெயசீலன் மற்றும் கௌரவ விருந்தினராக தொழிற்துறை திணைக்கள மாகாணப் பணிப்பாளர் திருமதி வனஜா செல்வரட்ணம், சிறுதொழில் முயற்சி அபிவிருத்தி உதவிப்பணிப்பாளர் தனஞ்சயன் ஆகியோரும் கலந்து கொண்டிருந்தார்கள். மேலும் இந் நிகழ்வில் சிறுதொழில் முயற்சி அபிவிருத்தி பிரிவின் உத்தியோகத்தர்கள், முயற்சியாளர்கள் ஆகியோரும் கலந்துகொண்டிருந்தார்கள்.