- You are here:
-
Home
- News
சிறுவர் வியாபாரம் மற்றும் யாசகத்திற்கு பயன்படுத்தலை கட்டுப்படுத்துவதற்கான துறைசார் கலந்துரையாடல் மாவட்ட அரசாங்க அதிபர் கணபதிப்பிள்ளை மகேசன் தலைமையில் (16.09.2022) பிற்பகல் 2.30 மணிக்கு மாவட்டச் செயலக கேட்போர் கூடத்தில் நடைபெற்றது.
மேலும், பொது இடங்களில் நிகழும் சமூகச்சீர்கேடுகளை தடுத்தல் மற்றும் கண்காணித்தல், போதைப் பொருள் பாவனை மற்றும் போதைப் பொருள் பாவனையை கட்டுப்படுத்துவதற்கான தடுப்பு மையங்களை உருவாக்குதல், மாவட்ட மற்றும் சிறுவர் உத்தியோகத்தர்கள் ஊடாக மாணவர்களின் ஒழுக்கநெறிகளை மேம்படுத்தல் ஆகிய விடயங்கள் தொடர்பாகவும் கலந்துரையாடப்பட்டது.
யாழ்ப்பாண மாவட்ட விலை நிர்ணய குழுக் கூட்டம் அரசாங்க அதிபர் கணபதிப்பிள்ளை மகேசன் தலைமையில் (16.09.2022) பி.ப 1.30 மணிக்கு மாவட்ட செயலக கேட்போர் கூடத்தில் நடைபெற்றது.
இக் கூட்டத்தில் கட்டட நிர்மாணப் பொருட்கள், போக்குவரத்து, ஏற்றுமதி மற்றும் இறக்குமதி மற்றும் ஏனைய பொருட்கள், சேவைகளின் விலை தொடர்பாகவும் ஆராயப்பட்டது.
யாழ்.மாவட்ட செயலக அரச அதிபர் வெற்றிக்கிண்ண சுற்றுப் போட்டி தொடர்பான கலந்துரையாடல் மாவட்ட அரசாங்க அதிபர் கணபதிப்பிள்ளை மகேசன் தலைமையில் 16.09.2022 மாவட்ட செயலக கேட்போர் கூடத்தில் நடைபெற்றது.
இவ் அரச அதிபர் வெற்றிக்கிண்ண சுற்றுப் போட்டியில் மாவட்ட செயலக மற்றும் பிரதேச செயலக உத்தியோகத்தர்கள் பங்குபெற முடியும். இவ் விளையாட்டு போட்டி மூலம் உத்தியோகத்தர்களின் திறமைகளை இனங்காணல், உடல் உள ஆரோக்கியத்தை மேம்படுத்தல் மற்றும் உத்தியோகத்தர்களிடையே பரஸ்பர தொடர்புகளை உருவாக்குதல் எதிர்பார்க்கப்படுகிறது.
மேலும், அரச அதிபர் வெற்றிக்கிண்ண சுற்றுப் போட்டி எதிர்வரும் வாரத்தில் முன்னெடுக்கப்படவுள்ளதும் குறிப்பிடத்தக்கது.இக் கலந்துரையாடலில் மேலதிக அரசாங்க அதிபர் ம.பிரதீபன் , மேலதிக அரசாங்க அதிபர் (காணி)எஸ்.முரளிதரன் , மாவட்ட செயலக கணக்காளரும் நலன் புரி சங்க தலைவருமான அ. நிர்மல் மற்றும் மாவட்ட செயலக திட்டமிடல் பணிப்பாளர், பிரதம கணக்காளர், உள்ளகக் கணக்காய்வாளர், பிரதேச செயலாளர்கள், மாவட்ட செயலக நிர்வாக உத்தியோகத்தர், மாவட்ட விளையாட்டு உத்தியோகத்தர், மாவட்ட செயலக கிளைத்தலைவர்கள், விளையாட்டு உத்தியோகத்தர்கள், உத்தியோகத்தர்கள் ஆகியோரும் கலந்துகொண்டிருந்தார்கள்.
மாவட்ட காணிப் பயன்பாட்டுத் திட்டமிடல் தொடர்பான குழுக் கூட்டம் அரசாங்க அதிபர் கணபதிப்பிள்ளை மகேசன் தலைமையில் (16.09.2022) மாவட்ட செயலக கேட்போர் கூடத்தில் நடைபெற்றது.
இக் கலந்துரையாடலில் மேலதிக அரசாங்க அதிபர், மேலதிக அரசாங்க அதிபர் (காணி), காணிப் பயன்பாட்டு திட்டமிடல் அலுவலக உதவிப் பணிப்பாளர், மாவட்டசெயலக திட்டமிடல் பணிப்பாளர், பிரதேச செயலாளர்கள், உதவி பிரதேச செயலாளர்கள், மற்றும் திணைக்களங்களின் துறைசார் அலுவலர்கள் ஆகியோர் கலந்துகொண்டிருந்தார்கள்.
2002 ஆம் ஆண்டு 24ம் இலக்க நலன்புரி அனுகூலங்கள் சட்டம் தொடர்பான இணையவழி கலந்துரையாடல் மாவட்ட அரசாங்க அதிபர் கணபதிப்பிள்ளை மகேசன் தலைமையில் 14.09.2022 யாழ்.மாவட்ட செயலகத்தில் நடைபெற்றது.
இக் கலந்துரையாடலில் நிதி, பொருளாதார உறுதிப்பாடுகள் மற்றும் தேசிய கொள்கைகள் அமைச்சின் அறிவித்தலுக்கு அமைவாக நலன்புரி அனுகூலங்கள் பெறும் பொதுமக்ககளை அடையாளம் காண்பதற்கு விண்ணப்பங்களை QR CODE மூலம் பதிவு செய்வதற்கான நடைமுறைகள் மற்றும் எதிர்கொள்ளும் சவால்கள் தொடர்பாக இணைய வழி ஊடாக கலந்துரையாடப்பட்டன.
இக் கலந்துரையாடலில் நலன்புரி நன்மைகள் சபை ஆணையாளர் பீ.விஜயரத்ன இணையவழி மூலம் கலந்துகொண்டார். மேலும், மேலதிக அரசாங்க அதிபர், மாவட்ட செயலக திட்டமிடல் பணிப்பாளர், மாவட்ட செயலக பிரதம கணக்காளர், மாவட்ட சமுர்த்தி பணிப்பாளர், உதவி மாவட்ட செயலாளர், துறை சார் உத்தியோகத்தர்கள் ஆகியோரும் கலந்து கொண்டனர்.