சாதனை படைத்த மாற்றுத்திறன் நபர்களுக்கான கெளரவிப்பும் சாதனைக்கு ஊக்குவித்த உத்தியோகத்தர் களுக்கான மெச்சுரை வழங்கல் நிகழ்வும் உதவி மாவட்டச் செயலாளர் செல்வி உ.தா்சினி அவர்கள் தலைமையில் இன்றைய தினம் (19.05.2025) மு.ப 10.00 மணிக்கு கேட்போர் கூடத்தில் நடைபெற்றது .

இந்தக் கெளரவிப்பு நிகழ்வில் பிரதம விருந்தினராக கலந்துகொண்ட அரசாங்க அதிபர் திரு.மருதலிங்கம் பிரதீபன் அவர்கள் தமது உரையில், தற்போது மாற்றுத் திறனாளிகளின் இயலுமைத் திறன் மேன்மைப்பட்டு, சமூகத்தில் மற்றவர்களுடன் போட்டி போடும் அளவிற்கு இருக்கிறார்கள். உள்ளூர் உற்பத்திளை ஏற்றுமதி செய்யும் அளவிற்கு வளர்ந்துள்ளதுடன், மாற்றுத்திறன் நபர்களே வேலை வாய்ப்புக்களையும் வழங்கிவருவது பாராட்டப்பட வேண்டும் எனவும் தெரிவித்தார். மேலும், மாற்றுத்திறனாளிகளுக்கிடையிலான தேசிய விளையாட்டுப் போட்டியானது

அண்மையில் கொழும்பு ஹோகாஹம விளையாட்டு மைதானத்தில் நடைபெற்றது எனவும், எமது மாவட்டத்திலிருந்து 16 போட்டியாளர்கள் பங்குபற்றி 02 தங்கப் பதக்கங்களையும் 03 வெற்றி சான்றிதழ்களையும் யாழ்ப்பாண மாவட்டம் பெற்று சாதனைபடைத்துள்ளது எனவும், அந்தவகையில் குண்டெறிதல் போட்டியில் தங்கப்பதக்கம் பெற்ற திரு.தர்மலிங்கம் சிறிகாந் அவர்களும் தட்டெறிதலில் தங்கப் பதக்கம் பெற்ற செல்வி பாலசந்திரன் கிருசிகா அவர்களும் தலா 20 ஆயிரம் ரூபா காசோலை வழங்கப்படுவதாகவும், தேசிய போட்டியில் வெற்றிகளை பெற்றுக்கொள்ளும் வகையில் வீரர்களை மாவட்ட மட்டத்திலிருந்து தேசிய போட்டி வரை ஊக்குவித்து வழிப்படுத்திய சமூக சேவைகள் அபிவிருத்தி உத்தியோகத்தர்களுக்கு மெச்சுரை வழங்கப்படவுள்ளதாகவும் தெரிவித்தார். மேலும், சுவாபிமானி மாவட்ட மட்டப் போட்டியில் - சிறந்த பிரதேச சுவசக்தி அமைப்பாக யாழ்ப்பாண பிரதேச செயலக பிரதேச சுய உதவிக்குழுவும், சிறந்த சுவசக்தி அங்கத்தவராக யாழ்ப்பாண பிரதேச செயலக பிரிவினைச் சேர்ந்த திரு. ஆசைப்பிள்ளை மகேந்திரன் அவர்களும், சிறந்த காட்சிப்படுத்தும் படைப்பினை மேற்கொண்ட கோப்பாய் பிரதேச செயலக பிரிவினைச் சேர்ந்த திரு. தம்பிராசா சுரேஷ்குமார் அவர்களும், வீட்டு மட்டத்தில் வெற்றிகரமாக சமூகமயப்படுத்தப்பட்ட மாற்றுத்திறன் நபராக காரைநகர் பிரதேச செயலக பிரிவினைச் சேர்ந்த திரு. தம்பிராசா இராதாகிருஷ்ணன் அவர்களும், சிறந்த பிரதேச மட்ட வழிநடாத்தல் குழுவாக நல்லூர் பிரதேச செயலக பிரிவின் குழுவும் மாற்றுத்திறன் நபர்களை தொழிலில் ஈடுபடுத்துவதற்கு பங்களிப்புச் செய்த ஊழியர் எண்ணிக்கை 50 இற்கு குறைவான சிறந்த சேவை வழங்குனராக மாற்றுத்திறனாளிகள் புனர்வாழ்வுச்சங்கமும், சிறந்த பிரதேச உத்தியோகத்தராக வேலணை பிரதேச செயலகத்தினைச் சேர்ந்த திருமதி றெக்சன் சுவர்ணா டலிமா அவர்களும் தெரிவு செய்யப்பட்டுள்ளமை பாராட்டத்தக்க விடயம் என அரசாங்க அதிபர் குறிப்பிட்டு, தமது வாழ்த்துக்களையும் தெரிவித்தார்.

இந் நிகழ்வில் சாதனையாளர்கள் அரசாங்க அதிபர் அவர்களினால் கெளரவிக்கப்பட்டார்கள்.

இறுதியாக நன்றியுரையினை மாவட்ட சமூக சேவைகள் அபிவிருத்தி உத்தியோகத்தர் திரு. தி. உமாசங்கர் அவர்களால் நிகழ்த்தப்பட்டது.

இந் நிகழ்வில் சாதனை படைத்த மாற்றுத்திறன் நபர்கள், பிரதேச செயலக சமூகசேவை உத்தியோகத்தர்கள் மற்றும் மாவட்டச் செயலக உத்தியோகத்தர்கள் கலந்து கொண்டார்கள்.

 

 

 

       

இரண்டாம் காலாண்டுக்கான கணக்காய்வு முகாமைத்துவக் குழுக்கூட்டமானது யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம் (14.05.2025) மு.ப 9.30 மணிக்கு மாவட்டச் செயலக கேட்போர் கூடத்தில் நடைபெற்றது.

இக் கலந்துரையாடலில் கருத்து தெரிவித்த அரசாங்க அதிபர் கடந்த கூட்டத்தில் கலந்துரையாடப்பட்ட விடயங்களின் முன்னேற்றங்கள் தொடர்பாகவும், அடுத்த காலாண்டிற்கு மேற்கொள்ளப்பட வேண்டிய செயற்பாடுகள் தொடர்பாகவும் ஆராய்வதே இக் கூட்டத்தின் நோக்கமாகும் எனவும் , மாவட்ட நிதி நிர்வாக நடவடிக்கைகளை சரியாக மேற்கொள்வதன் ஊடாக ஐய வினாக்களைத் குறைத்துக் கொள்ளலாம் எனவும் அதற்கான பொறிமுறையொன்றை உருவாக்குவாக்க வேண்டிய தேவை காணப்படுவதாகவும் குறிப்பிட்டதுடன், திணைக்களத் தலைவர்கள் மற்றும் பிரதேச செயலாளர்கள் நடைமுறை ரீதியில் சமூக நலன்கருதி அபிவிருத்தித் திட்டங்களுக்காக சில முடிவுகளை எடுப்பதனால் சில இடர்பாடுகளை எதிர்கொள்வதாகவும் தெரிவித்தார். பிரதேச செயலாளர்கள் வினைத்திறனாக செயற்படுவதாகவும் மேலும் வலுவாக செயற்படுவதன் ஊடாக

நிதி முகாமைத்துவத்தினை சிறப்பாக பேணமுடியும் என்றும் குறிப்பிட்டாா்.

இக் கூட்டத்தில் கணக்காய்வு அத்தியட்சகர் திருமதி.விஜயசிறி பிரேமதாஸ தேசிய கணக்காய்வு முகாமைத்துவ பிரதிப்பணிப்பாளர் திரு.பிரபாகரன் மாவட்ட மேலதிக அரசாங்க அதிபர்(காணி) க.ஸ்ரீ மோகனன், பிரதம கணக்காளர் திரு.எஸ். கிருபாகரன், பிரதம உள்ளகக் கணக்காய்வாளர்,எஸ். ரமேஸ்குமாா், பொது நிர்வாக உள்நாட்டலுவல்கள் மாகாண சபைகள் மற்றும் உள்ளூராட்சி அமைச்சின் உள்நாட்டலுவல்கள் பிரிவின் உள்ளகக் கணக்காய்வாளர் செல்வி என்.பொன்ராணி திட்டமிடல் பணிப்பாளர் இ.சுரேந்திரநாதன் மாவட்ட செயலக பதவி நிலை உத்தியோகத்தர்கள், பிரதேச செயலாளர்கள் மாவட்ட மற்றும் பிரதேச செயலக கணக்காளர்கள், துறைசார் கிளைத்தலைவர்கள் உள்ளிட்டோர் கலந்துகொண்டனர்.

 

     

 

தேசிய மட்டத்தில் சிறந்த விவாதப்போட்டி பாடசாலையை தெரிவு செய்வதற்கான மாகாண மட்ட விவாதப்போட்டி கைத்தொழில் அபிவிருத்தி சபையின் மாகாணப் பணிப்பாளர் திரு. சி. சிவகெங்காதரன் தலைமையில் இன்றைய தினம் (16.05 2025) காலை 9.30 மணிக்கு யாழ் மாவட்ட செயலக திறன் விருத்தி பயிற்சி நிலையத்தில் நடைபெற்றது.

கல்வி அமைச்சு, கைத்தொழில் மற்றும் தொழில் முயற்சியாண்மை அபிவிருத்தி அமைச்சு என்பவற்றின் வழிகாட்டலில் கைத்தொழில் அபிவிருத்தி சபையினால் மாணவர்ளை இணைத்து " தொழில் முயற்சியாண்மை வட்டம்" என்ற குழுவை அமைத்து பாடசாலை மட்டத்தில் தொழில் முயற்சியாண்மை் விருத்தி செய்யும் நடவடிக்கை நாடளாவிய ரீதியில் நடைபெற்று வருகிறது.

அதன் ஒரு கட்டமாக தொழில் முயற்சியா ண்மை் தொடர்பான விவாதப் போட்டி பாடசாலைகளுக்கிடையில்

நடைபெற்று வருகிறது.

கடந்த வருடம் மாவட்ட ரீதியான போட்டிகள் இடம்பெற்று அதில் சிறந்த பாடசாலைகள் இம்மாகாண மட்ட போட்டிக்கு தெரிவு செய்யப்பட்டன.

இம்மாகாண மட்ட போட்டிக்கு யாழ்ப்பாணத்திலிருந்து 5 பாடசாலைகளும், கிளிநொச்சி மாவட்டத்திலிருந்து 2 பாடசாலைகளும், மன்னாா் மாவட்டத்திலிருந்து 3 பாடசாலைகளும், வவுனியா மாவட்டத்திலிருந்து 2 பாடசாலைகளும் ஆக 12 பாடசாலைகள் தெிவு செய்யப்பட்டன.

இதில் கைத்தொழில் அபிவிருத்தி சபையின் மாவட்ட பிரதிப்பணிப்பாளர், வடமாகாண கல்வி வலய உதவிப்பணிப்பாளர், வங்கி உத்தியோகத்தர், சிறந்த தொழில் முயற்சியாளர் , தொழில் முயற்சியாளர்களுக்கு சேவை வழங்கும் உத்தியோகத்தர், ஆசிரியர்கள்,மாணவர்கள் கைத்தொழில் அபிவிருத்தி சபையின் உத்தியோகத்தர்கள் ஆகியோா் கலந்து கொண்டனர்.

 

    

வெசாக் பௌர்ணமி தினத்தினை முன்னிட்டு மாவட்ட செயலகத்தில் சிரமதானம், மர நடுகை மற்றும் கண் பரிசோதனை முகாம் என்பன மாவட்ட அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம் (14.05.2025) காலை 08.45 மணிக்கு நடைபெற்றது.

மாவட்டச் செயலக உத்தியோகத்தர்களினால் மாவட்டச் செயலக வளாகத்தில் சிரமதானப் பணி மேற்கொள்ளப்பட்டதனைத் தொர்ந்து மர நடுகையானது பழைய பூங்விலும் இடம் பெற்றது. அதனைத் தொடர்ந்து யாழ்ப்பாண போதனா வைத்தியசாலையின் அனுசரனையில் உத்தியோகத்தர்களுக்கான கண் பரிசோதனை முகாமானது மாவட்டச் செயலக மாநாட்டு மண்டபத்திலும் நடைபெற்றது.

இந் நிகழ்வில் மேலதிக அரசாங்க அதிபர் (காணி) திரு. க.ஸ்ரீமோகனன், பிரதம கணக்காளர் திரு எஸ். கிருபாகரன், திட்டமிடல் பணிப்பாளர் திரு. இ சுரேந்திரநாதன், உதவி மாவட்டச் செயலாளர் செல்வி உ.தர்சினி உள்ளிட்ட பதவிநிலை உத்தியோகத்தர்கள் மற்றும் உத்தியோகத்தர்கள் கலந்து கொண்டனர்.

ஊடகப் பிரிவு, மாவட்டச் செயலகம், யாழ்ப்பாணம்