அரசு சாரா உயர் கல்வி நிறுவனங்களில் மாணவர்கள் கற்பதற்கான வட்டியில்லா கடன் திட்டம் தொடர்பாக மாணவர்கள் மற்றும் பெற்றோா்களுக்கான 

அரசு சாரா உயர் கல்வி நிறுவனங்களில் மாணவர்கள் கற்பதற்கான வட்டியில்லாக் கடன் திட்டம் தொடர்பாக மாணவர்கள் மற்றும் பெற்றோா்களுக்கான விழிப்புணர்வு நிகழ்வு யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம் (18.07.2025) பி.ப 03.30 மணிக்கு மாவட்டச் செயலக கேட்போர் கூடத்தில் நடைபெற்றது.

இதன் போது தலைமையுரையாற்றிய அரசாங்க அரசாங்க அவர்கள், கல்வி அமைச்சின் கீழ் இயங்கம் மாணவர் கடன் பிரிவானது இலங்கையில் கா.பொ.த உயர்தரத்தில் தேர்ச்சி பெற்ற மாணவர்களுக்கு அரசாங்கத்தால் அரசு சாரா அங்கீகரிக்கப்பட்ட நிறுவனங்களில் பட்டப் படிப்பை தொடர வட்டி இல்லா கடன் திட்டத்தை செயற்படுத்துகின்றது எனவும், அதற்கான இவ் விழிப்புணர்வில் தெரிவிக்கப்படும் தெளிவூட்டல்களை நன்கு கிரகித்து கேட்டுக் கொள்ளுமாறும் தெரிவித்தார். மேலும் எமது மாணவர்கள் இத் திட்டத்தில் பயன்பெறும் வகையில் அமைய வேண்டும் என்பதற்காககொழும்பிலிருந்து வருகை தந்த கல்வி அமைச்சின் மேலதிகச் செயலாளர், பல்கலைக் கழக போராசிரியர் கள் ஆகியோருக்கு தமது நன்றியினைத் தெரிவித்தார். மேலும், மாணவர்கள் தமக்குரிய கற்கை நெறியினை தெரிவு செய்து, எதிர்காலத்தில் ஒளிமயமாக வாழ வாழ்த்துவதாகவும் அரசாங்க அதிபர் தெரிவித்தார்.

இவ் விழிப்புணர்வு நிகழ்விற்கு கல்வி மற்றும் உயர் கல்வி அமைச்சின் மேலதிகச் செயலாளர் எச். டி. சந்திம ஜானகி, கொழும்பு பல்கலைக்கழக பேராசிரியர் சி. மகேஷ் எதிர்சிங்ஹ, கொழும்பு பல்கலைக்கழக பேராசிரியர் நிர்மலி பலிவற்ற உள்ளிட்ட அதிகாரிகள் மற்றும் கல்வியாளர்கள் கலந்து கொண்டனர்.

இத் திட்டத்திற்கான விண்ணப்பங்களை www.studentloan.mohe.gov.lk என்ற இணையத்தளம் மூலம் சமர்ப்பிக்க முடியும் என்பதுடன் ஏனைய விபரங்களையும் அறிந்து கொள்ள முடியும் எனவும் கூட்டத்தில் தெரிவிக்கப்பட்டது.

இத் விழிப்புணர்வு தெளிவூட்டலில் உதவி மாவட்டச் செயலாளர், மாவட்ட பிரதேச திறன் அபிவிருத்தி உத்தியோகத்தர்கள், மாணவர்கள் மற்றும் பெற்றோா்கள் கலந்து கொண்டனர்.

 

 

         

மாவட்ட அரசாங்க அதிபர் திரு மருதலிங்கம் பிரதீபன் அவர்களின் தலைமையில் இன்றைய தினம் (18.07.2025) காலை 09.00 மணிக்கு மாவட்ட செயலக மாநாட்டு மண்டபத்தில் இடம்பெற்றது.

இதன்போது தலைமையுரையாற்றிய அரசாங்க அதிபர் அவர்கள், இச் செயலமர்வின் நோக்கமானது பாடசாலைகளில் மாணவர்களுக்கு ஏற்படும் பிரச்சனைகளை விளங்கி அவர்களை எவ்வாறு ஆற்றுப்படுத்துவது என்றும், அவர்களை உள நெருக்கடிகளிலிருந்து எவ்வாறு பாதுகாத்தல் என்றும் குறிப்பிட்டு, மாணவர்களை உள நெருக்கடியிலிருந்து பாதுகாப்பதும் அனைவரினதும் பொறுப்பாகும் எனவும் தெரிவித்தார். மேலும், அதிபர், ஆசிரியர்கள் மாணவர்களை எவ்வாறு கையாள்வதுஎன்பதிலும் சூழலை ஆரோக்கியமாக பேணுவதிலும் கவனம் செலுத்த வேண்டும் என்றும் அரசாங்க அதிபர் கேட்டுக்கொண்டு, இன்றைய செயலமர்விற்கு மிகவும் பொருத்தமான வளவாளர்கள் கருத்துரைகளை வழங்கவுள்ளதாகவும், அந்த வகையில் உளமருத்துவ நிபுணர் வைத்திய கலாநிதி எஸ். சிவதாஸ் அவர்களினால் வழங்கப்படும் வழிகாட்டுதல்களை பாடசாலைகளில் பின்பற்றுமாறும் கேட்டுக் கொண்டார்.

இவ் செயலமர்வில் யாழ்ப்பாணம் போதனா வைத்தியசாலையின் உளமருத்துவ நிபுணர் வைத்திய கலாநிதி எஸ். சிவதாஸ், மனித உரிமைகள் ஆணைக்குழுவின் பிராந்திய ஆணையாளர் திரு. ரி. கனகராஜ் மற்றும் பிரதேச சிறுவர் பாதுகாப்பு உத்தியோகத்தர் திரு. இ. ரவிராஜ் வளவாளர்களாக கலந்து கொண்டு கருத்துரைகள் வழங்கினார்.

இச் செயலமர்வில் பாடசாலை அதிபர்கள், ஆசிரியர்கள், மாவட்ட மற்றும் பிரதேச சிறுவர் பாதுகாப்பு உத்தியோகத்தர்கள் கலந்து கொண்டனர்.

 

 

          

மாவட்டச் செயலக உத்தியோகத்தர்களுக்கான ஆரோக்கியமான வேலைச் சூழல் தொடர்பான விழிப்புணர்வு

மாவட்டச் செயலக உத்தியோகத்தர்களுக்கான ஆரோக்கியமான வேலைச் சூழல் மற்றும் உணர்வு ரீதியான விவேகம் தொடர்பான விழிப்புணர்வு நிகழ்வானது யாழ்ப்பாண

மாவட்ட அரசாங்க அதிபர் திரு மருதலிங்கம் பிரதீபன் அவர்களின் தலைமையில் இன்றைய தினம் (18.07.2025) நண்பகல் 12.00 மணிக்கு மாவட்ட செயலக கேட்போா் கூடத்தில் நடைபெற்றது.

இவ் விழிப்புணர்வு நிகழ்வில் கொழும்பு தேசிய வைத்தியசாலை வைத்தியர் திருமதி வி. சந்திரமோகன் அவர்கள் கருத்துரைகளை நிகழ்த்தினார்.

இவ் விழிப்புணர்வு நிகழ்ச்சியில் மேலதிக அரசாங்க அதிபர் (காணி), உதவி மாவட்டச் செயலாளர் உள்ளிட்ட பதவிநிலை உத்தியோகத்தர்கள் மற்றும் உத்தியோகத்தர்கள் பங்குபற்றினார்கள்.

 

       

 

 தேசிய பயிலுநர் கைத்தொழில் பயிற்சி அதிகார சபையில் (NAITA) பயிற்சி நெறியினைப் பூர்த்தி செய்த மாணவர்களுக்கான தேசிய தொழிற் தகைமை சான்றிதழ் வழங்கும் நிகழ்வு தேசிய பயிலுநர் கைத்தொழில் பயிற்சி அதிகார சபையின் மாவட்ட முகாமையாளர் ஆர். திருமுருகன் தலைமையில் இன்றைய தினம் (17.07.2025) பி. ப 03.00 மணிக்கு மாவட்டச் செயலக கேட்போர் கூடத்தில் நடைபெற்றது.

இந் நிகழ்வில் பிரதம விருந்தினராக வடக்கு மாகாண ஆளுநர் கெளரவ நாகலிங்கம் வேதநாயகன் அவர்களும், சிறப்பு விருந்தினராக யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்களும் கலந்து கொண்டார்கள்.

இந் நிகழ்வில் பிரதம விருந்தினராக கலந்து கொண்ட கெளரவ ஆளுநர் தமதுரையில், தொழில் பயிற்சியானது மிகவும் முக்கியமானது எனவும், தனியார் துறையில் பல வேலைவாய்ப்புக்கள் அதிகமாகவுள்ளதாகவும், எதிர்காலத்தில் தொழிற்சாலைகள் ஆரம்பிக்கப்படும் போது நல்ல தொழில் வாய்ப்பு உள்ளது எனவும், அப்போது இப் பயிற்சி நெறியினை பூர்த்தி செய்தவர்களுக்கு முன்னுரிமையடிப்படையில் தொழில் வாய்ப்பு ஏற்படும் எனவும் தெரிவித்தார். மேலும், பாடசாலைகளில் இடை விலகலில் ஆண்களே அதிகமாகவுள்ளதாகவும், ஆனால் இன்றைய நிகழ்வில் பெண்களின் எண்ணிக்கையே அதிகமாகவுள்ளதாகவும் தெரிவித்து, இப் பயிற்சி நெறியின் முக்கியத்துவத்தினை ஏனையவர்களுக்கும் தெரியப்படுத்த வேண்டும் எனவும் கெளரவ ஆளுநர் தெரிவித்தார். மேலும், கிளிநொச்சியில் இயங்கும் தொழில்நுட்பக் கல்லூரிக்கு தென்பகுதியிலிருந்து கற்க மாணவர்கள் வருகின்றார்கள் எனவும், அவர்களுக்கு அப் பயிற்சி நெறியின் முக்கியத்துவம் விளங்குகிறது எனவும் குறிப்பிட்டதுடன், தேசிய பயிலுநர் கைத்தொழில் பயிற்சி அதிகார சபையின் அங்கீகரிக்கப்பட்ட பயிற்சி நெறியினை பூர்த்தி செய்தவர்கள் தமது சொந்த முயற்சியிலும் முன்னேற வேண்டும் எனவும் கெளரவ ஆளுநர் தெரிவித்து மாணவர்களுக்குதமது வாழ்த்துக்களையும் தெரிவித்தார்.

சிறப்பு விருந்தினராக கலந்து கொண்ட அரசாங்க அதிபர் தமதுரையில், இந் நிகழ்வானது அரிய நிகழ்வு எனவும், மாணவர்களுக்கு அறிவு, திறன் மற்றும் மனப்பாங்கு முக்கியமானது எனவும், தற்போது அறிவு மற்றும் திறனைப் பெற்றுக்கொண்டுள்ளதாகவும், மனப்பாங்கில் மாற்றம் ஏற்பட வேண்டும் எனவும் அரசாங்க அதிபர் தெரிவித்து, எம் பகுதியில் வாடிக்கையாளர்களை திருப்திப்படுத்துவது குறைவாகவுள்ளதாகவும், வாடிக்கையாளர்களின் திருப்தி முக்கியத்துவம் வாய்ந்தது எனவும் இதனா‌ல் தொழிற்துறைகளில் முன்னேற்றங்களை அடையலாம் எனவும் தெரிவித்தார். மேலும், இக் பயிற்சி நெறியினை பூர்த்தி செய்தவர்கள் பெற்றோர்களில் தங்கியிருக்காமல் சுயமாக முன்னேற வேண்டும் எனவும், நிறுவனங்களில் பணியாற்றும் போது வாடிக்கையாளர்களின் திருப்தியினை பூர்த்தி செய்வதால் தாங்கள் சார்ந்த நிறுவனம் வினைத்திறனாக விளங்கும் எனவும் குறிப்பிட்டு மாணவர்களின் எதிர்காலம் ஒளிமயமாக சிறக்க தமது வாழ்த்துக்களை அரசாங்க அதிபர் தெரிவித்தார்.

இன்றைய நிகழ்வில் பயிற்சி நெறியினை பூர்த்தி செய்த 191 மாணவர்களுக்கு கெளரவ ஆளுநர், அரசாங்க அதிபர் மற்றும் விருந்தினர்களால் சான்றிதழ்கள் வழங்கப்பட்டது.

இந் நிகழ்வில் சமுர்த்திப் பணிப்பாளர், உதவி மாவட்டச் செயலாளர், மாணவர்கள், விரிவுரையாளர்கள், மாவட்ட மற்றும் பிரதேச செயலக திறன் அபிவிருத்தி உத்தியோகத்தர்கள் மற்றும் பெற்றோா்கள் பங்குபற்றினார்கள்.