1.யாழ்ப்பாண மாவட்ட பண்பாட்டுப் பெருவிழாவினை எதிர்வரும் செப்ரெம்பர் மாதம் முதல் வாரத்தில் நடாத்துவதற்கான ஏற்பாடுகளை மேற்கொள்ளுமாறு சம்பந்தப்பட்டவர்களுக்கு அறிவுறுத்தல்கள் வழங்கப்பட்டன.

2.பண்பாட்டுப் பெருவிழாவில் வெளியிடவுள்ள யாழ்ப்பாண இதழ் - 05 ற்கான தலைப்பு தீர்மானிக்கப்பட்டது. " நாட்டார் வழக்காறுகளும் சமூக அறிவியலும்" தலைப்பே தீர்மானிக்கப்பட்டது குறிப்பிடத்தக்கது. மேலும்,

இதழுக்கான ஆக்கங்களை பொது மக்களிடமிருந்து எதிர்வரும் யூன் மாதம் 30 ஆம் திகதிற்கு முன்னர் பெற்றுக்கொள்ளநடவடிக்கை எடுக்குமாறு அரசாங்க அதிபரால் அறிவுறுத்தப்பட்டது. மேலும் நூலுக்கான ஆலோசனைக் குழு, மதிப்பீட்டுக் குழு மற்றும் மலர்குழு ஆகியவற்றிற்கான உறுப்பினர்களும் தெரிவு செய்யப்பட்டனர்.

3.பண்பாட்டு விழாவில் ஒவ்வொரு பிரதேச செயலக ரீதியான கலை நிகழ்வுகளை நடாத்த ஒழுங்கு செய்யுமாறும் கலாசார உத்தியோகத்தர்களுக்கு அறிவுறுத்தல்கள் வழங்கப்பட்டன.

இக் கலந்துரையாடலில் மேலதிக அரசாங்க அதிபர் திரு. கே. சிவகரன், உதவி மாவட்டச் செயலாளர் செல்வி உ.தா்சினி, மாவட்ட சிரேஷ்ட கலாசார உத்தியோகத்தர் திருமதி சுகுணலினி விஜயரத்தினம், மாவட்ட மற்றும் பிரதேச கலாசார உத்தியோகத்தர்கள் மற்றும் செயற்குழு உறுப்பினர்கள் கலந்து கொண்டனர்.

 

 

இந் நிகழ்வில் வரவேற்பு நடனத்தினைத் தொடர்ந்து, வரவேற்புரை உதவி மாவட்டச் செயலாளர் செல்வி உ.தா் ஷினி அவர்களாலும், தலைமையுரை மேலதிக அரசாங்க அதிபர் திரு. கே. சிவகரன் அவர்களால் ஆற்றப்பட்டது. தொடர்ந்து இந் நிகழ்வில் பிரதம விருந்தினராக கந்துகொண்ட அரசாங்க அதிபர் திரு மருதலிங்கம் பிரதீபன் அவர்கள் தனது உரையில், இவ் மாவட்ட கண்காட்சி நிகழ்வானது நீண்ட காலத்துக்கு பின்னர் அதாவது 10 வருடங்களுக்குப் பிறகு நடைபெறுவது மகிழ்ச்சியான விடயம் எனவும், பெண்கள் சர்வதேச ரீதியாக இன்றைய உலகில் சாதனை படைத்து வருகின்றார்கள் எனவும், அந்தவகையில் கிராமங்களிலுள்ள பெண்கள் பொருளாதார ரீதியாக உயர வேண்டும் எனவும், அதற்கு கிராம அபிவிருத்தி திணைக்களத்தினால் வழங்கப்பட்டுவரும் பயிற்சி நெறிகள் மூலம் அவர்கள் பொருளாதார ரீதியாக முன்னேற்றமடைய வேண்டும் எனவும் தெரிவித்தார். மேலும், கிராமங்கள் அபிவிருத்தி அடைந்தால் மாவட்டம் அபிவிருத்தி அடையும் அதனைத் தொடர்ந்து மாகாணம் அபிவிருத்தி அடைந்து நாடு அபிவிருத்தி அடையும் எனவும், எனவே ஒரு நாட்டின் அபிவிருத்திக்கு கிராம அபிவிருத்தியே அடித்தளமானது எனவும் தெரிவித்தார். மேலும், இன்றைய சமூகத்தில் பெண்கள் பிரதான பங்களிப்பினை ஆற்றி வருகின்றார்கள் எனவும், கல்வித் துறையிலும் சரி அரசு துறையிலும் சரி பெண்களின் பங்களிப்பு காத்திரமாக உள்ளது எனவும், கிராமத்தினையும் பெண்களின் பொருளாதாரத்தினையும் அபிவிருத்தி செய்ய வேண்டும் எனவும், இதன் மூலம் அப் பிரதேசம் அபிவிருத்தி அடையும் எனவும் தெரிவித்தார். மேலும், ஒரு மனித வாழ்க்கையில் ஆடை வடிவமைப்பு, மனப் பொருளியல் மற்றும் அழகுக்கலை முக்கியத்துவம் பெறுகின்றது எனவும், மாறி வரும் உலகில் இதன் வடிவங்களோ வகைகளோ மாறினாலும் இம் மூன்றும் மாறாது எனவும், அந்தவகையில், கிராம அபிவிருத்தி திணைக்களம் ஒரு முதுகெலும்பாக செயற்பட்டு வருகின்றது எனவும் தெரிவித்தார். இன்றைய நிகழ்வினை மிகவும் சிறப்பாக ஒழுங்கு செய்த மாவட்ட கிராம அபிவிருத்தி உத்தியோகத்தர் திருமதி சுனேத்ரா சுதாகரன் அவர்களுக்கும் அவருடைய உத்தியோகத்தர்களுக்கும் தமது நன்றியினைத் தெரிவித்துக் கொண்டதுடன், மேலும் இன்றைய பயிற்சி நெறியினை நிறைவு செய்த மாணவர்கள் மேலும் தமது திறனை வளர்க்க மேலதிகப் பயிற்சிகளையும் பெற்று சுய தொழிலில் ஈடுபட்டு பொருளாதார ரீதியாக வளம் பெற்று சிறக்க தமது வாழ்த்துக்களையும் அரசாங்க அதிபர் தெரிவித்துக் கொண்டார். இந் நிகழ்வில் பிரதம விருந்தினராக கலந்து கொண்ட மாகாண உள்ளூராட்சி அமைச்சின் செயலாளர் திரு. அம்பலவாணர் சோதிநாதன் தனது உரையில், கிராம அபிவிருத்தி திணைக்களம் பல்வேறு கிராமம் சார்ந்த செயற்பாடுகளை நடைமுறைப்படுத்திவருவதாகவும், மகளிருக்கான தொழில்வாண்மைக்காக நீண்ட காலமாக பயிற்சி வழங்கிவருவதாகவும், ஆடை வடிவமைப்பு, அழகு கலை போன்றவற்றுக்கான கேள்வி சமூகத்தில் பெருமளவில் இருக்கின்றது எனவும், அதனால் இவ் வாய்ப்புக்களை பயன்படுத்தி கொள்ள வேண்டும் எனவும் தெரிவித்தார். மேலும், 06 மாத பயிற்சி ஒரு வருடமாக நீடிக்கப்பட்டுள்ளதாகவும், இப் பயிற்சி நெறி மூலம் கிராம ரீதியாக - சமூகத்தில் பொருளாதார ரீதியாக உயரமுடியும் எனவும் குறிப்பிட்டதுடன் ஆசிரியர்கள் மற்றும் மாணவர்களுக்கும் பாராட்டுக்களையும் தெரிவித்து, தமது அமைச்சு சுய தொழிலுக்கும் உதவி வழங்கும் எனவும் தெரிவித்தார்.

பிரதேச செயலக ரீதியாக நடைபெற்ற ஆடை வடிவமைப்பு, கேக் ஐஸ்சிங், அழகுக் கலை, அலங்கார பூக்கள் வடிவமைப்பு, சமையல் கலை உள்ளடங்களாக15 வகையான ஒரு வருட பயிற்சி நெறியினை பூர்த்தி செய்துள்ள 237 மாணவர்களுக்கிடையிலான போட்டியில் வெற்றியீட்டிய மாணவர்களுக்கு சிறப்பு பரிசில்களும், பயிற்சி நெறியினை பூர்த்தி செய்த மாணவர்களுக்கான டிப்ளோமாச் சான்றிதழ்களும் விருந்தினர்களால் வழங்கி வைக்கப்பட்டன. மேலும், உற்பத்தி பொருட்கள் போட்டியில் முதலாம் இடம் கோப்பாய் சரஸ்வதி தயாரிப்பு சங்கமும், இரண்டாவது இடம் காரைநகர் மத்திய மாதர் அபிவிருத்தி சங்கமும், மூன்றாம் இடம் கரவெட்டி இமையாணன் மத்திய கிராம அபிவிருத்தி சங்கமும் பரிசில்களை பெற்றுக்கொண்டதுடன், ஒட்டு மொத்தமாக இன்றைய கண்காட்சியில் யாழ்ப்பாண பிரதேச செயலகம் அதிகளவில் பங்குபற்றியமைக்கான சிறப்புப் பரிசிலைப் பெற்றுக்கொண்டமை குறிப்பிடத்தக்கது. Fairmed Foundation இணைப்பாளர் டாக்டர் நயனி சூரியாராச்சி அவர்களால் 15 பிரதேச செயலர் பிரிவுகளிலும் கேக் ஐசிங் பயிற்சி நெறிக்கான உபகரணங்கள் வழங்கி வைக்கப்பட்டன. மேலும், இந் நிகழ்வில் மகளிர் அபிவிருத்தி நிலைய மாணவர்களின் கோலாட்டம், சிறப்பு நடனங்கள், பாடல் உள்ளிட்ட கலை நிகழ்ச்சிகளும் இடம் பெற்றன. இந் நிகழ்வின் இறுதியில் மாவட்ட கிராம அபிவிருத்தி உத்தியோகத்தர் திருமதி சுனேத்ரா சுதாகர் அவர்களால் நன்றியுரையாற்றப்பட்டது. இந் நிகழ்வில் மாவட்டச் செயலக பதவி நிலை உத்தியோகத்தர்கள், பிரதேச செயலாளர்கள், மாவட்ட செயலகம் மற்றும் பிரதேச செயலக கிராம அபிவிருத்தி உத்தியோகத்தர்கள், அபிவிருத்தி உத்தியோகத்தர்கள், போதனாசிரியர்கள், மாணவர்கள், ஊடகவியாளர்கள் எனப் பலர் கலந்து சிறப்பித்தனர்.

 

 

 

 

இவ் தெளிவூட்டல் கருத்தரங்கில் தொடக்கவுரையாற்றிய அரசாங்க அதிபர் அவர்கள், சேதன விவசாயத்தை ஊக்குவிக்கும் நோக்கில் இக் கருத்தரங்கு ஏற்பாடு செய்யப்பட்டுள்ளதாகவும்,மிக நீண்ட காலமாக இச் சேதன பசளையின் அவசியம் மற்றும் அதன் முக்கியத்துவம் தொடர்பாக அதிகளவில் அனைவராலும் உணரப்பட்டும் உரையாடப்பட்டு வருவதாகவும், வடக்கு மாகாணத்தில் 40 பேர் சேதன விவசாயத்தில் ஈடுபட்டு வருவதாகவும், அதில் 12 பேர் ஆவண ரீதியாக யாழ்ப்பாண மாவட்டத்தில் சேதன பசளை விவசாயத்தில் ஈடுபட்டு வருவதாகவும், சேதன விவசாய கட்டுப்பாட்டு அலகு அவர்களுக்குரிய சான்றிதழ்களை வழங்கி உள்ளதாகவும் தெரிவித்தார். மேலும் ஒரு விவசாய உற்பத்தியை வாங்கினால் அது சேதனமா என்பதை உறுதிப்படுத்துவதில் சந்தேகங்கள் இருப்பதாகவும், ஆனால் ஆரோக்கிய ரீதியாக வாழ்வதற்கு சேதன விவசாயம் அவசியம் எனவும், முழுமையாக சேதனப் பசளையை பாவித்து விவசாயத்தில் ஈடுபடலாமா என்பது கேள்விக் குறியாக இருந்தாலும் இயலுமானவரை சேதனப் பசளையை பயன்படுத்தி கொள்வது அவசியமாகிறது எனவும் அரசாங்க அதிபர் தெரிவித்தார். மேலும், இத் துறை சார்ந்த அறிவை மேன்மேலும் பெற்றுக்கொள்ள அக்கறையுடன் கலந்து கொண்டவர்களுக்கு நன்றிகளைத் தெரிவித்துக் கொண்டதுடன், சேதன விவசாயம் தொடர்பான பெறுமதியான கருத்துக்களை பெற்று பயன்பெறுமாறு கேட்டுக் கொண்டார்.

இக் கருத்தரங்கில் சேதன விவசாயத்தின் முக்கியத்துவம், இலங்கை சேதன தரநிலை தரநிலைப்படுத்தல், சேதனப் பொருட்களை டிஜிட்டல் சந்தைப்படுத்தல், சேதன பசளை விவசாய சான்றிதழ் நடைமுறை, அடுத்த தலைமுறைக்கான சேதன உணவு செயலாக்கம் மற்றும் பாதுகாப்பு போக்குகள், சந்தைப்படுத்தல் சாத்தியப்பாடுகள், (NOCU) ஊக்குவிப்பதில் அதன் பங்களிப்பு, இலங்கை ஏற்றுமதியில் சேதன விவசாயத்தின் பங்களிப்பு என்பன தொடர்பாக விளக்கமளிக்கப்பட்டன. இவ் செயலமர்வில் பதனிடுபவர்கள், சேதன மற்றும் விவசாய உற்பத்தியாளர்கள், ஏற்றுமதியாளர்கள், இறக்குமதியாளர்கள் , சிறு தொழில் முயற்சியாளர்கள் மற்றும் விவசாயத் துறை சார்ந்தவர்கள் என பலரும் கலந்து கொண்டனர்.