வட மாகாண முதலீட்டாளர் மாநாட்டை தொடர்புடைய அரச திணைக்களங்களின் ஆதரவுடன் அடுத்த ஆண்டு ஜனவரியில் நடத்துவதற்கான வட மாகாண மாவட்ட ரீதியான முன்னாயத்த கலந்துரையாடல் யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்கள் தலைமையில், இலங்கை மனேஜ்மன்ட் க்ளப் (The Management Club of Sri Lanka) தலைவர் திரு. ஐ. யூ. ராஜபசஷ மற்றும் தேசிய தொழிற் முயற்சி அபிவிருத்தி அதிகார சபையின் (NEDA) தலைவர் திரு. லக்ஷ்மன் அபயசேகர ஆகியோரின் பங்குபற்றுதலுடன் அரசாங்க அதிபர் அலுவலகத்தில் இன்றைய தினம் (17.11.2025)காலை 10.00 மணிக்கு நடைபெற்றது. இதன் போது தலைமையுரையாற்றிய அரசாங்க அதிபர் அவர்கள், அடுத்த ஆண்டு யாழ்ப்பாணம் திருவள்ளுவர் கலாசார மண்டபத்தில் ஜனவரி மாதம் 21 மற்றும் 22 ஆம் திகதிகளில் இலங்கை முதலீட்டு சபை, ஏற்றுமதி அபிவிருத்திச் சபை, தேசிய ஏற்றுமதியாளர்கள் சபை, இலங்கை சுற்றுலா ஊக்குவிப்பு பணியகம் உள்ளிட்ட திணைக்களங்களின் ஆதரவுடன் இலங்கை மனேஜ்மன்ட் க்ளப் - (The Management Club of Sri Lanka) நடத்துவதற்கான முன்னாயத்த கலந்துரையாடாக இது அமைந்துள்ளதாகவும், இக் கலந்துரையாடலுக்கு வருகை தந்துள்ள இலங்கை மனேஜ்மன்ட் க்ளப் (The Management Club of Sri Lanka) தலைவர் திரு. ஐ. யூ. ராஜபசஷ மற்றும் தேசிய தொழிற் முயற்சி அபிவிருத்தி அதிகார சபையின் (NEDA) தலைவர் திரு. லக்ஷ்மன் அபயசேகர உள்ளிட்ட குழுவினரை வரவேற்பதாகவும் தெரிவித்தார். மேலும், வடக்கு மாகாண 05 மாவட்டங்களின் உள்ளடக்கி உள்நாட்டு சர்வதேச முதலீட்டாளர்களை ஈர்த்து, முதலீட்டு வாய்ப்புகளை உருவாக்குவதற்கான சந்தர்ப்பமாக இது அமையவுள்ளதாகவும் தெரிவித்தார். இக் கலந்துரையாடலில் அச்சுவேலி கைத்தொழிற் பேட்டையில் உள்ள முதலீட்டு வாய்ப்புகள், சுற்றுலாத்துறை, பனைவளத் துறை போன்றவை தொடர்பாகவுள்ள வாய்ப்புக்களை அரசாங்க அதிபர் வருகை தந்தவர்களுடன் விரிவாக ஆராய்தார். இக் கலந்துரையாடலில் மேலதிக அரசாங்க அதிபர் திரு கே சிவகரன், மேலதிக அரசாங்க அதிபர் (காணி) திரு பா. ஜெயகரன், உதவி மாவட்டச் செயலாளர் செல்வி உ.தா்சினி, இலங்கை மனேஜ்மன்ட் க்ளபின் தலைவர் திரு. டிபால் அபயசேகரா, உதவித் தலைவர் திருமதி சாந்தி பகீரதன், மாவட்ட இணைப்பாளர் திரு. எஸ். அனுராகவன், பிரதி திட்டமிடல் பணிப்பாளர் திரு. எஸ். சிவகுமாரன் உள்ளிட்ட மாவட்டச் செயலக பதவி நிலை உத்தியோகத்தர்கள், சம்பந்தப்பட்ட திணைக்களத் தலைவர்கள் கலந்து கொண்டனர்.
 
1 2 3 4 56 7 8 10 11 12 13
 
விவசாய தொகைமதிப்பில் ஈடுபடவுள்ள பலகை கணிப்பொறியினை கையாளவுள்ள தொழில்நுட்ப உத்தியோகத்தர்களுக்கான (Tablet Technical Officers) ஒரு நாள் பயிற்சி நெறியானது யாழ்ப்பாண மாவட்ட அரசாங்க அதிபரும் தொகைமதிப்பு ஆணையாளருமான திரு மருதலிங்கம் பிரதீபன் அவர்களின் தலைமையில் இன்றைய தினம் (17.11.2025) காலை 09.00 மணிக்கு மாவட்டச் செயலக மாநாட்டு மண்டபத்தில் நடைபெற்றது.இவ் பயிற்சி நெறியினை ஆரம்ப நிகழ்வில் தலைமையுரையாற்றிய அரசாங்க அதிபர் அவர்கள், குடிசன தொகைமதிப்பு செயற்பட்டில் குறிப்பிடப்பட்ட காலத்தில் தேசிய ரீதியாக யாழ்ப்பாண மாவட்டமும் புள்ளிவிபர தரவுகளை இற்றைப்படுத்தியதில் முதன்மை வகித்தமைக்காக மகிழ்ச்சி அடைந்ததாகவும், அந்த வகையில் இப் பணியில் ஈடுபட்ட யாழ்ப்பாண மாவட்ட புள்ளிவிபர பிரதிப் பணிப்பாளர், பிரதேச செயலாளர்கள், புள்ளிவிபர மாவட்ட பிரதேச செயலக உத்தியோகத்தர்கள் உள்ளிட்ட அனைவருக்கும் பாராட்டுக்களையும், நன்றிகளையும் தெரிவித்தார். மேலும், தொகைமதிப்பு நடவடிக்கைகளின் தொடர்ச்சியாக விவசாயம் சார்ந்த மற்றும் விவசாயம் சாராத தரவுகள் என வகைப்படுத்தி இவ் வருடத்தை விவசாயம் சார்ந்த தொகைமதிப்பு ஆண்டாக பிரகடனப்படுத்தியுள்ளதாகவும் அந்தவகையில் டிசெம்பர் மாதம் தொடக்கம் அடுத்த வருடம் பெப்ரவரி மாதம் வரையும் விவசாயம் சார்ந்த புள்ளிவிபரத்தினை மேற்கொள்ளவுள்ளதாகவும், சரியான தீர்மானங்களை எடுத்து தரவுகளையும் தகவல்களையும் இற்றைப்படுத்த வேண்டும் எனவும், இவ் விவசாயம் சார்ந்த புள்ளிவிபரம் 10 ஆண்டுக்கு ஒருமுறை நடைபெறுவதால் - இத் தரவுகள் தேசிய ரீதியாக மிக முக்கியமான தீர்மானங்களை மேற்கொள்வதில் பங்களிப்பு செய்வதால் வகை மற்றும் தொகை ரீதியான இவ் விபரங்கள் உரிய காலத்தில் அல்லது அதற்கு முன்னர் சரியான முறையில் சமர்ப்பிக்கப்பட்ட வேண்டுமென வும் அரசாங்க அதிபர் தெரிவித்து, இச் செயற்பாட்டை வினைத்திறனாக மேற்கொள்ள அனைவரது ஒத்துழைப்புக்களை வழங்குமாறும் கேட்டுக் கொண்டார். இவ் பயிற்சி நெறியின் ஆரம்ப நிகழ்வில் மாவட்ட பிரதிப் பணிப்பாளர் எம். வித்தியானந்தநேசன் அவர்கள், தொகைமதிப்பு புள்ளி விவர திணைக்கள மாவட்ட, பிரதேச செயலக உத்தியோகத்தர்கள், தகவல் தொடர்பாடல் தொழில்நுட்ப உத்தியோகத்தர்கள் கலந்து கொண்டனர்.
 
1 2 3 4 5 6 7 8 9 10
யாழ்ப்பாண மாவட்ட செயலகமும் நல்லூர் பிரதேச செயலகமும் இணைந்து நடாத்திய நடமாடும் சேவையானது நல்லூர் பிரதேச செயலகத்தில் இன்றைய தினம் (14.11.2025) காலை 8.30 மணிக்கு யாழ் மாவட்ட அரசாங்க அதிபர் திரு. மருதலிங்கம் பிரதீபன் அவர்களின் பங்குபற்றுதலுடன் ஆரம்பமாகியது. இவ் நடமாடும் சேவையில் நல்லூர் பிரதேச சபையின் உதவித் தவிசாளர் கெளரவ இ. ஜெயகரன், யாழ்ப்பாண மாவட்ட ஒருங்கிணைப்புக் குழுவின் தலைவர் சார்பான ஒருங்கிணைப்புக் குழுவின் இணைப்பாளரும், மாநகர சபையின் உறுப்பினருமானதிரு. எஸ். கபிலன் ஆகியோரும் கலந்து கொண்டனர். இவ் நடமாடும் சேவையில் கலந்து கொண்டு கருத்து தெரிவித்த அரசாங்க அதிபர் அவர்கள், ஜனாதிபதி செயலகத்தின் நிதி அனுசரைணையுடன் தேசிய ரீதியில் முன்னெடுக்கப்பட்டு வரும் நடமாடும் சேவையானது இன்று நல்லூர் பிரதேச செயலகத்தில் முன்னெடுக்கப்பட்டு வருவதாகவும், தொடர்ச்சியாக பிரதேச செயலக ரீதியாக இத் திட்டம் முன்னெடுக்கப்பட்டுவருவதாகவும், மக்களை ஒரே இடத்தில் சங்கமிக்க செய்து அவர்களது பல்வேறு தேவைகளை ஒரே இடத்தில் பெற்றுக்கொள்ளக்கூடியதாக சேவை வழங்குதலை நோக்காக கொண்டு இவ் நடமாடும் சேவை முன்னெடுக்கப்பட்டு வருவதாகவும் குறிப்பிட்டார். மேலும், நல்லூர் பிரதேச செயலகமானது இம் முறை சுற்றாடல் சார்ந்த சிறந்த செயற்பாடுகளை மேற்கொண்டமைக்கும் மற்றும் சிறந்த சமூக வலைத்தளம் என்ற விருதுகளை பெற்றுக்கொண்டமைக்கு பாராட்டுக்களை அரசாங்க அதிபர் தெரிவித்ததுடன் அதற்கமைவாக இந்த நடமாடும் சேவையையும் சூழல் பாதுகாப்பை கருத்தில் கொண்டு முன்னெடுத்துள்ளமையை அவதானிக்க முடிந்ததாகவும் குறிப்பிட்டார். மேலும், சேவை நாடிகளின் விவரங்களை பதிவு செய்யும் செயலி அறிமுகப்படுத்தப்பட்டு நடைமுறைப்படுத்தியமை தொடர்பில் கடந்த முறை நடைபெற்ற அரசாங்க அதிபர்களுடனான கலந்துரையாடலில் கவனத்தில் கொண்டு வந்தமைக்கு அமைவாக இலங்கையின் ஏனைய மாவட்டங்களுக்கும் இச் செயலி பகிரப்பட்டுள்ளதாகவும், இதற்கு தகவல் தொடர்பாடல் தொழில்நுட்ப உத்தியோகத்தர்களுக்கு நன்றிகளையும் அரசாங்க அதிபர் தெரிவித்துடன்,
இத்தகைய செயல்பாடுகளை மேற்கொள்ளும் போது அனைத்து சேவை நாடிகளில் தேவைகளை அவதானிக்க கூடியதாக இருக்கும் என்றும் சேவை நாடிகளின் விவரங்கள் தொடர்பான முழுமையான பரிசீலனையை மேற்கொள்ள கூடியதாக இருக்கும் என்றும், இந்த நடமாடும் சேவையினை பெற்றுக் கொள்வதற்காக அதிக பொதுமக்கள் வருகை தந்துள்ளமை மகிழ்ச்சிக்குரிய விடயமாக இருந்தாலும், இவ்வளவு சேவைகளை பெறும் தேவையுடையவர்கள் இருந்துள்ளார் என்று எண்ணும் போது கவலையளிப்பதாகவும் குறிப்பிட்டார். மேலும், 2026 ஆம் ஆண்டு முதலாவது நாளில் சேவை நாடிகளை நடிச்சென்று சேவை வழங்குதல் என்று தீர்மானிக்கப்பட்டுள்ளது என்றும் அரசாங்க உத்தியோகத்தர்கள் தமது சேவையை சரியாக ஆற்றும் போது பொதுமக்களுக்கான சேவைகள் வினைத்திறனாக பூர்த்தி செய்யக் கூடியதாக அமையும் என்றும் இவ்றான நடமாடும் சேவையின் ஊடாக பயன்பெறுபவர்களில் 50 வீதமானவர்களின் தேவைகள் முற்றாக பூர்த்தி செய்யப்படுமேயானால் அது ஒரு வினைத்திறனான நடமாடும் சேவையாக அமையும் என்றும் அரசாங்க அதிபர் தெரிவித்து, இவ் நடமாடும் சேவையை தாயர்ப்படுத்திய பிரதேச செயலாளர் மற்றும் பிரதேச செயலக பதவிநிலை மற்றும் ஏனைய உத்தியோகத்தர்களுக்கு தமது நன்றிகளையும் பாராட்டுக்களையும் தெரிவித்தார். இந் நடமாடும் சேவையில் ஆட்களைப் பதிவுசெய்யும் திணைக்களத்தினால் வழங்கப்படும் சேவைகள் (தேசிய அடையாள அட்டை), ஓய்வூதியம் தொடர்பான சேவைகள், பிறப்பு, இறப்பு மற்றும் உத்தேச வயது சான்றிதழ்கள் தொடர்பான சேவைகள், மோட்டார் வாகன பதிவு மற்றும் வாகன வருமான அனுமதிப்பத்திரம் தொடர்பான சேவைகள், பிரதேச சபைகளால் வழங்கப்படும் சேவைகள், பொலிஸ் திணைக்களத்தினால் வழங்கப்படும் சேவைகள், மனிதவள அபிவிருத்தி தொடர்பான சேவைகள் மற்றும் தொழில் வழிகாட்டல்கள், திறன் அபிவிருத்தி தொடர்பான சேவைகள் மற்றும் தொழிற்கல்வி வழிகாட்டல்கள் (NVQ), சமூக சேவைகள் திணைக்களத்தினால் வழங்கப்படும் சேவைகள், முதியோர் தேசிய செயலகத்தினால் வழங்கப்படும் சேவைகள், காணி தொடர்பான சேவைகள், மருத்துவ முகாம் போன்ற சேவைகள் வழங்கப்பட்டன. மேலும் பொதுமக்களுக்கு கண்புரை பரிசோதனை இடம்பெற்ற இலவச மூக்குக்கண்ணாடிகள் வழங்குதற்கான நடவடிக்கைகள் எடுக்கப்பட்டன. மேலும், இந் நிகழ்வில் சக்கரநாற்காலி, செவிப்புலனற்றவர்களுக்கான கருவிகள், மூக்கு கண்ணாடி, மரக்கன்றுகள், மாணவர்களுக்கான புத்தகப் பை, தையல் இயந்திரம், விளையாட்டு கழகத்திற்கான விளையாட்டு உபகரணங்கள், நீண்ட கால படுக்கையில் உள்ளவர்களுக்கான கட்டில், என்பன தெரிவு செய்யப்பட்ட தகுதியான பொதுமக்களுக்கு இலவசமாக வழங்கப்பட்டதுடன், பொலித்தீன் பாவனையினை நிறுத்துவதற்கு முன்னேற்பாடாக துணி பை, இலைக் கஞ்சி என்பன பொதுமக்களுக்கு வழங்கப்பட்டன. மேலும், இதுவரை திருமணப் பதிவு செய்யாதிருந்த 05 தம்பதிகளுக்கு திருமண பதிவும் செய்துவைக்கப்பட்டது குறிப்பிடத்தக்கது. இந் நிகழ்வில் மாவட்ட மேலதிக அரசாங்க அதிபர் திரு கே. சிவகரன், நல்லூர் பிரதேச செயலாளர் திருமதி. யசோதா உதயகுமார், உதவிப் பிரதேச செயலாளர் திரு. இ. சிவகரன், மாவட்ட செயலக பிரதம கணக்காளர் திரு.எஸ் கிருபாகரன், உதவி மாவட்டச் செயலாளர் செல்வி உ.தா்சினி, பதவிநிலை உத்தியோகத்தர்கள், மாவட்டச் செயலக மற்றும் பிரதேச செயலக உத்தியோகத்தர்கள் மற்றும் சேவைகளைப் பெற்றுக் கொள்ள வந்த பொதுமக்கள் எனப் பலரும் கலந்து கொண்டனர்.
 
1 2 7 5 8 10 12 14   16
"நாம் ஒன்றாக கட்டியெழுப்புவோம்" எனும் தொனிப்பொருளில் 2025 ஆம் ஆண்டுக்கான உலகளாவிய தொழில் முனைவோர் வாரம் ICTA மற்றும் டிஜிற்றல் பொருளாதார அமைச்சின் கூட்டு ஏற்பாட்டில் இலங்கை ஜனநாயக சோசலிச க் குடியரசின் பிரதமரும் கல்வி, உயர்கல்வி, மற்றும் தொழிற்கல்வி அமைச்சருமான கெளரவ கலாநிதி ஹரிணி அமரசூரிய அவர்களின் தலைமையில் இன்றைய தினம் (14.11.2025) காலை 09.00 மணிக்கு அலரிமாளிகையில் ஆரம்பித்து வைக்கப்பட்டது. குறித்த நிகழ்வு நிகழ்நிலை மூலம் மாவட்டச் செயலக கேட்போர் கூடத்தில் காண்பிக்கப்பட்டதுடன், யாழ்ப்பாண மாவட்ட நிகழ்வானது மேலதிக அரசாங்க அதிபர் திரு.கே.சிவகரன் அவர்களின் தலைமையில் நடைபெற்றது. இந் நிகழ்வில் யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்கள் பிரதம அதிதியாக கலந்து கொண்டதுடன், நிகழ்வின் தொடர்ச்சியாக உள்ளூர் உற்பத்தியாளர்களின் உற்பத்திப் பொருட்களின் கண்காட்சியும் விற்பனையும் ஆரம்பித்துவைத்தார். குறித்த இந் நிகழ்வானது யாழ்ப்பாணம், மட்டக்களப்பு, அநுராதபுரம், கண்டி,பதுளை, இரத்தினபுரி, காலி, கம்பஹா மற்றும் குருநாகல் ஆகிய ஒன்பது மாவட்டங்களில் இன்றைய தினம் சமநேரத்தில் ஆரம்பித்து வைக்கப்பட்டமை குறிப்பிடத்தக்கது. இந் நிகழ்வில் மாவட்ட மேலதிக அரசாங்க அதிபர் (காணி), மாவட்ட செயலக பிரதம கணக்காளர்,பிரதம பொறியியலாளர், உதவி மாவட்டச் செயலாளர் மற்றும் மாவட்டச் செயலக பதவிநிலை உத்தியோகத்தர்கள், மாவட்ட செயலக உத்தியோகத்தர்கள், தொழில் முனைவோர் ஆகியோர் கலந்து கொண்டனர்.
 
01 1 2 3 4 5 6 1112 13 14 15 16
யாழ்ப்பாண மாவட்ட செயலகமும் நல்லூர் பிரதேச செயலகமும் இணைந்து நடாத்திய நடமாடும் சேவையானது நல்லூர் பிரதேச செயலகத்தில் இன்றைய தினம் (14.11.2025) காலை 8.30 மணிக்கு யாழ் மாவட்ட அரசாங்க அதிபர் திரு. மருதலிங்கம் பிரதீபன் அவர்களின் பங்குபற்றுதலுடன் ஆரம்பமாகியது. இவ் நடமாடும் சேவையில் நல்லூர் பிரதேச சபையின் உதவித் தவிசாளர் கெளரவ இ. ஜெயகரன், யாழ்ப்பாண மாவட்ட ஒருங்கிணைப்புக் குழுவின் தலைவர் சார்பான ஒருங்கிணைப்புக் குழுவின் இணைப்பாளரும், மாநகர சபையின் உறுப்பினருமானதிரு. எஸ். கபிலன் ஆகியோரும் கலந்து கொண்டனர். இவ் நடமாடும் சேவையில் கலந்து கொண்டு கருத்து தெரிவித்த அரசாங்க அதிபர் அவர்கள், ஜனாதிபதி செயலகத்தின் நிதி அனுசரைணையுடன் தேசிய ரீதியில் முன்னெடுக்கப்பட்டு வரும் நடமாடும் சேவையானது இன்று நல்லூர் பிரதேச செயலகத்தில் முன்னெடுக்கப்பட்டு வருவதாகவும், தொடர்ச்சியாக பிரதேச செயலக ரீதியாக இத் திட்டம் முன்னெடுக்கப்பட்டுவருவதாகவும், மக்களை ஒரே இடத்தில் சங்கமிக்க செய்து அவர்களது பல்வேறு தேவைகளை ஒரே இடத்தில் பெற்றுக்கொள்ளக்கூடியதாக சேவை வழங்குதலை நோக்காக கொண்டு இவ் நடமாடும் சேவை முன்னெடுக்கப்பட்டு வருவதாகவும் குறிப்பிட்டார். மேலும், நல்லூர் பிரதேச செயலகமானது இம் முறை சுற்றாடல் சார்ந்த சிறந்த செயற்பாடுகளை மேற்கொண்டமைக்கும் மற்றும் சிறந்த சமூக வலைத்தளம் என்ற விருதுகளை பெற்றுக்கொண்டமைக்கு பாராட்டுக்களை அரசாங்க அதிபர் தெரிவித்ததுடன் அதற்கமைவாக இந்த நடமாடும் சேவையையும் சூழல் பாதுகாப்பை கருத்தில் கொண்டு முன்னெடுத்துள்ளமையை அவதானிக்க முடிந்ததாகவும் குறிப்பிட்டார். மேலும், சேவை நாடிகளின் விவரங்களை பதிவு செய்யும் செயலி அறிமுகப்படுத்தப்பட்டு நடைமுறைப்படுத்தியமை தொடர்பில் கடந்த முறை நடைபெற்ற அரசாங்க அதிபர்களுடனான கலந்துரையாடலில் கவனத்தில் கொண்டு வந்தமைக்கு அமைவாக இலங்கையின் ஏனைய மாவட்டங்களுக்கும் இச் செயலி பகிரப்பட்டுள்ளதாகவும், இதற்கு தகவல் தொடர்பாடல் தொழில்நுட்ப உத்தியோகத்தர்களுக்கு நன்றிகளையும் அரசாங்க அதிபர் தெரிவித்துடன்,
இத்தகைய செயல்பாடுகளை மேற்கொள்ளும் போது அனைத்து சேவை நாடிகளில் தேவைகளை அவதானிக்க கூடியதாக இருக்கும் என்றும் சேவை நாடிகளின் விவரங்கள் தொடர்பான முழுமையான பரிசீலனையை மேற்கொள்ள கூடியதாக இருக்கும் என்றும், இந்த நடமாடும் சேவையினை பெற்றுக் கொள்வதற்காக அதிக பொதுமக்கள் வருகை தந்துள்ளமை மகிழ்ச்சிக்குரிய விடயமாக இருந்தாலும், இவ்வளவு சேவைகளை பெறும் தேவையுடையவர்கள் இருந்துள்ளார் என்று எண்ணும் போது கவலையளிப்பதாகவும் குறிப்பிட்டார். மேலும், 2026 ஆம் ஆண்டு முதலாவது நாளில் சேவை நாடிகளை நடிச்சென்று சேவை வழங்குதல் என்று தீர்மானிக்கப்பட்டுள்ளது என்றும் அரசாங்க உத்தியோகத்தர்கள் தமது சேவையை சரியாக ஆற்றும் போது பொதுமக்களுக்கான சேவைகள் வினைத்திறனாக பூர்த்தி செய்யக் கூடியதாக அமையும் என்றும் இவ்றான நடமாடும் சேவையின் ஊடாக பயன்பெறுபவர்களில் 50 வீதமானவர்களின் தேவைகள் முற்றாக பூர்த்தி செய்யப்படுமேயானால் அது ஒரு வினைத்திறனான நடமாடும் சேவையாக அமையும் என்றும் அரசாங்க அதிபர் தெரிவித்து, இவ் நடமாடும் சேவையை தாயர்ப்படுத்திய பிரதேச செயலாளர் மற்றும் பிரதேச செயலக பதவிநிலை மற்றும் ஏனைய உத்தியோகத்தர்களுக்கு தமது நன்றிகளையும் பாராட்டுக்களையும் தெரிவித்தார். இந் நடமாடும் சேவையில் ஆட்களைப் பதிவுசெய்யும் திணைக்களத்தினால் வழங்கப்படும் சேவைகள் (தேசிய அடையாள அட்டை), ஓய்வூதியம் தொடர்பான சேவைகள், பிறப்பு, இறப்பு மற்றும் உத்தேச வயது சான்றிதழ்கள் தொடர்பான சேவைகள், மோட்டார் வாகன பதிவு மற்றும் வாகன வருமான அனுமதிப்பத்திரம் தொடர்பான சேவைகள், பிரதேச சபைகளால் வழங்கப்படும் சேவைகள், பொலிஸ் திணைக்களத்தினால் வழங்கப்படும் சேவைகள், மனிதவள அபிவிருத்தி தொடர்பான சேவைகள் மற்றும் தொழில் வழிகாட்டல்கள், திறன் அபிவிருத்தி தொடர்பான சேவைகள் மற்றும் தொழிற்கல்வி வழிகாட்டல்கள் (NVQ), சமூக சேவைகள் திணைக்களத்தினால் வழங்கப்படும் சேவைகள், முதியோர் தேசிய செயலகத்தினால் வழங்கப்படும் சேவைகள், காணி தொடர்பான சேவைகள், மருத்துவ முகாம் போன்ற சேவைகள் வழங்கப்பட்டன. மேலும் பொதுமக்களுக்கு கண்புரை பரிசோதனை இடம்பெற்ற இலவச மூக்குக்கண்ணாடிகள் வழங்குதற்கான நடவடிக்கைகள் எடுக்கப்பட்டன. மேலும், இந் நிகழ்வில் சக்கரநாற்காலி, செவிப்புலனற்றவர்களுக்கான கருவிகள், மூக்கு கண்ணாடி, மரக்கன்றுகள், மாணவர்களுக்கான புத்தகப் பை, தையல் இயந்திரம், விளையாட்டு கழகத்திற்கான விளையாட்டு உபகரணங்கள், நீண்ட கால படுக்கையில் உள்ளவர்களுக்கான கட்டில், என்பன தெரிவு செய்யப்பட்ட தகுதியான பொதுமக்களுக்கு இலவசமாக வழங்கப்பட்டதுடன், பொலித்தீன் பாவனையினை நிறுத்துவதற்கு முன்னேற்பாடாக துணி பை, இலைக் கஞ்சி என்பன பொதுமக்களுக்கு வழங்கப்பட்டன. மேலும், இதுவரை திருமணப் பதிவு செய்யாதிருந்த 05 தம்பதிகளுக்கு திருமண பதிவும் செய்துவைக்கப்பட்டது குறிப்பிடத்தக்கது. இந் நிகழ்வில் மாவட்ட மேலதிக அரசாங்க அதிபர் திரு கே. சிவகரன், நல்லூர் பிரதேச செயலாளர் திருமதி. யசோதா உதயகுமார், உதவிப் பிரதேச செயலாளர் திரு. இ. சிவகரன், மாவட்ட செயலக பிரதம கணக்காளர் திரு.எஸ் கிருபாகரன், உதவி மாவட்டச் செயலாளர் செல்வி உ.தா்சினி, பதவிநிலை உத்தியோகத்தர்கள், மாவட்டச் செயலக மற்றும் பிரதேச செயலக உத்தியோகத்தர்கள் மற்றும் சேவைகளைப் பெற்றுக் கொள்ள வந்த பொதுமக்கள் எனப் பலரும் கலந்து கொண்டனர்.
 
1 2 7 5 8 10 12 14   16
  1. உலக நீரிழிவு தினத்தினை முன்னிட்டு விழிப்புணர்வு நடைபயணம்
  2. யாழ்ப்பாண மாவட்ட அபிவிருத்தித்திட்டங்களின் முன்னேற்ற மீளாய்வு கூட்டம்
  3. பால்நிலைசார் வன்முறைக்கெதிரான செயற்பாட்டு குழுவின் மூன்றாம் காலாண்டுக்கான கலந்துரையாடல்
  4. மாவட்ட உணவுப் பாதுகாப்பு குழுக் கூட்டம்