20மாவட்ட சமுர்த்திப்பணிப்பாளராக கடமையாற்றி சாவகச்சேரி பிரதேச செயலாளராகஇடமாற்றம் பெற்றுச் சென்ற முன்னாள் மாவட்ட சமுர்த்திப்பணிப்பாள திரு பிரான்சிஸ் சந்திர சத்தியசோதி அவர்களுக்கான சேவைநலன் பாராட்டு விழா யாழ் மாவட்ட அரசாங்க அதிபர் திரு. மருதலிங்கம் பிரதீபன் அவர்கள் தலைமையில் இன்றைய தினம் (12.11.2025) பி. ப.12.15 மணிக்கு மாவட்ட செயலக கேட்போர் கூடத்தில் நடைபெற்றது. இந் நிகழ்வில் தலைமையுரையாற்றிய அரசாங்க அதிபர் அவர்கள், நெடுந்தீவு பிரதேச செயலாளராக கடமையாற்றிய போது தனது செயற்பாடுகளை மிகவும் சிறப்பாக ஆற்றியதாகவும் குறிப்பிட்டதுடன், சமுர்த்தித் திணைக்களம் மிகவும் சவால்கள் நிறைந்த நிர்வாகக் கட்டமைப்பாக காணப்பட்டபோதும் சிறப்பாக தமது சேவையினை திரு.எப்.சி. சத்தியசோதி அவர்கள் ஆற்றினார் எனவும், சிறந்த உத்தியோகத்தராக கடமையாற்றியுள்ளார் எனவும் எனக்குறிப்பிட்டார். சமுர்த்தி உத்தியோகத்தர்களின் சுயவிபரக் கோவைகளை உறுதிப்படுத்த உறுதுணையாக செயற்பட்டார் எனவும், இத் திணைக்களத்தில் தவறுகள் ஏற்படாமல் செயற்பட வேண்டும் என்பதில் முனைப்பாக செயற்பட்டவராகவும் கணக்காய்வு அறிக்கைகளை சிறப்பாக பேணியதாகவும் அரசாங்க அதிபர் குறிப்பிட்டார். மேலும், அனைவருடனும் நட்பு ரீதியாக எல்லோரோடும் ஒருங்கிணைந்து பழகும் குணம் கொண்டவராகவும் தலைமைத்துவ பண்பு கொண்டவராகவும் பிரதேச மட்டங்களிலும் சமுர்த்திக்கான வினைத்திறனான பங்களிப்பை வழங்கியுள்ளார் எனவும் தெரிவித்த அரசாங்க அதிபர் இவரின் பணி மென் மேலும் சிறக்க வாழ்த்துக்களை தெரிவித்துக்கொண்டார். இந்நிகழ்வில் மாவட்ட செயலக மேலதிக அரசாங்க அதிபர் திரு. கே. சிவகரன், மேலதிக அரசாங்க அதிபர் (காணி) திரு.பா.ஜெயகரன், பிரதம கணக்காளர் திரு. எஸ். கிருபாகரன் உள்ளிட்ட பதவிநிலை உத்தியோகத்தர்களால் வாழ்த்துரைகள் நிகழ்த்தப்பட்டது. வாழ்த்துரையினைத் தொடர்ந்து, திரு. பிரான்சிஸ் சந்திர சத்தியசோதி அவர்களுக்கு அரசாங்க அதிபரினால் பொன்னாடை அணிவித்து கௌரவிக்கப்பட்டு வாழ்த்துப்பாமாலை வழங்கப்பட்டது. இறுதியாக திரு திரு பிரான்சிஸ் சந்திர சத்தியசோதி அவர்களினால் ஏற்புரை நிகழ்த்தப்பட்டது. திரு பிரான்சிஸ் சந்திர சத்தியசோதி அவர்கள் 01.11.2023 ஆம் திகதி தொடக்கம் 31.08.2025 வரை மாவட்ட சமுர்திப்பணிப்பாளராக கடமையாற்றினார் என்பது குறிப்பிடத்தக்கது. இந் நிகழ்வில் மாவட்டச் செயலக பதவிநிலை உத்தியோகத்தர்கள், மாவட்ட சமுர்த்தி முகாமையாளர்கள், சமுர்த்தி உத்தியோகத்தர்கள் மற்றும் மாவட்டச் செயலக உத்தியோகத்தர்கள் கலந்துகொண்டனர்.
 
1 2 3 4 5 6 7 8 9 10 11 12 13 14 17 15 18 19 20
யாழ் மாவட்டத்தில் வறுமை ஒழிப்பு செயற்றிட்டங்களின் அமுலாக்கம் மற்றும் அவற்றின் விளைவுகளும், பிராந்திய ரீதியாக அபிவிருத்தி பிரச்சினைகள் தொடர்பான யாழ் பல்கலைக்கழக பொருளியல் துறை மாணவர்களுடனான அறிவு சார்ந்த அனுபவ பகிர்வு நிகழ்வு யாழ்ப்பாண மாவட்ட செயலக திட்டமிடல் பணிப்பளர் திரு.சுரேந்திரநாதன் அவர்கள் தலைமையில் யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்களின் பங்குபற்றுதலுடன் இன்றைய தினம் (12.11.2025) காலை 11.00 மணிக்கு மாவட்ட செயலக கேட்போர் கூடத்தில் நடைபெற்றது. யாழ் பல்கலைக்கழக பொருளியல் பீடத்தின் வேண்டுகோளுக்கிணங்க இலங்கை சுதந்திரமடைந்த (1948) காலப்பகுதிக்கு பின்னர் யாழ் மாவட்டத்தின் வறுமை ஒழிப்பு செயற்றிட்டத்தின் போக்குகள் தொடர்பிலான கலந்துரையாடலாக இக் கலந்துரையாடல் முன்னெடுக்கப்பட்டமை குறிப்பிடத்தக்கது. இக் கலந்துரையாடலில் கருத்து தெரிவித்த அரசாங்க அதிபர் அவர்கள், யாழ்ப்பாண மாவட்ட செயலகத்திற்கு வருகை தந்த விரிவுரையாளர்கள் மற்றும் பல்கலைக்கழக பொருளியல் பீட மாணவர்களை வரவேற்றதுடன், குறைந்த வயதில் பல்கலைக்கழகத்திற்குள் நுழைந்து இந்த பொருளியல் துறைசார்ந்த கல்வியை இளம் வயதில் பெற்றுக்கொள்ளக்கூடிய வாய்ப்பு மாணவர்களுக்கு கிடைத்துள்ளதாகவும் இதனை வினைத்திறனாகப் பயன்படுத்த வேண்டும் என்றும் குறிப்பிட்டதுடன், பொருளாதார ரீதியாக அல்லது பொருளியல் ரீதியாக இந்த கல்வியை கற்கின்ற போது வறுமையானது மிக முக்கியமான இடத்தை வகிப்பதாகவும், வறுமைச் சுட்டிகளை பலவாறு கற்றுக்கொண்டாலும் அதன் நடைமுறைகளை கவனத்தில் எடுக்க வேண்டும் எனவும், குறிப்பாக வறுமை என்பது ஒவ்வொருத்தருடைய சமூக பொருளாதார சூழல் என்ற அடிப்படையில் மாறுபடுவதுடன் நபருக்கு நபர் வேறுபடும் தன்மை கொண்டதாகவும் காணப்படுவதாகவும், யாழ்ப்பாண மாவட்டத்தில் சில பகுதிகளில் உள்ள மக்கள் பொருளாதார ரீதியில் வறுமையானர்களாக இருந்தாலும் சில விடயங்களில் வசதிவாய்ந்தவர்களாக உள்ளமையை அவதானிக்கக்கூடியதாகவுள்ளதாவும் குறிப்பிட்டார். மேலும்,
குறிப்பாக பொருளாதார ரீதியில் பின்தங்கியிருந்த குடும்பங்களே அரசாங்கத்தின் வறுமை ஒழிப்பு செயற்றிட்டத்தின் ஊடாக இன்று முன்னோக்கி வந்துள்ளமையை அவதானிக்கக்கூடியதாகவுள்ளதாகவும், அரசாங்கம் காலத்துக்குக் காலம் பல்வேறு திட்டங்களை முன்னெடுத்து வருகின்றது எனவும், இதற்கு அரச அதிகாரிகள் புள்ளிவிபரங்களை காலத்துக்கு காலம் புதுப்பித்துக்கொள்ள வேண்டும் என்றும், அரசாங்கத்தினால் வறுமையை ஒழிப்பதற்காக அஸ்வெசும திட்டம் முன்னெடுக்கப்பட்டு வருகின்றதாகவும் மக்களுக்கு வழங்கப்பட்ட சமுர்த்தி திட்டமானது நிவாரண திட்டமாக இருந்து தற்போது வலுவூட்டல் திட்டமாக மாற்றப்பட்டுள்ளதாகவும் அரசாங்க அதிபர் குறிப்பிட்டார். மேலும், குறிப்பாக அரசாங்கத்தினால் நடைமுறைப்படுத்தப்படும் வறுமை ஒழிப்பு திட்டங்களை நடைமுறைப்படுத்துவதற்கு அரசாங்க அலுவலர்கள் குறிப்பாக மாவட்ட செயலகம் மற்றும் பிரதேச செயலகங்களில் இந்த பணிகள் கூடுதலாக மேற்கொள்ளப்பட்டுவருவதாகவும் பல்கலைக்கழக மாணவர்கள் மாவட்ட மட்டத்தில் அல்லது பிரதேச மட்டத்தில் அல்லது கிராம மட்டத்தில் சென்று அவதானிப்பதன் ஊடாக உண்மையாக வறுமையின் தாக்கத்தை உணர்ந்துகொள்ளக்கூடியதாக இருக்கும் என்றும் குறிப்பிட்டார்.
மேலும், மாணவர்கள் தனிப்பட்ட பொருளாதார ரீதியான வறுமை நிலையை ஒழிப்பதற்கு அரசாங்க சேவையை மட்டும் நம்பியிருக்காமல் தனிப்பட்ட முயற்சியை மேற்கொண்டு முன்னேற வேண்டும் என்றும் குறிப்பிட்டதுடன், யாழ் மாவட்டத்தில் வறுமையான பிரதேசம் என்று இனங்காணப்பட்டுள்ள இடத்தை சென்று பார்வையிடுவதற்கான வசதிகளை மேற்கொண்டு தருவதாகவும் அரசாங்க அதிபர் மேலும் குறிப்பிட்டார். இக் கலந்துரையாடலில் யாழ்ப்பாண பல்கலைக்கழக பொருளியல்துறை முன்னாள் துறைத்தலைவர் சிரேஷ்ர விரிவுரையாளர் எஸ்.எஸ். உதயகுமார், யாழ்ப்பாண பல்கலைக்கழக பொருளியல்துறை முன்னாள் துறைத்தலைவர் சிரேஷ்ர விரிவுரையாளர் திருமதி கவிதா ரவிசங்கர், யாழ் பல்கலைக்கழக விரிவுரையாள திருமதி சுவிதா பிரதீபன், மாவட்ட செயலக பிரதி திட்டமிடல் பணிப்பார் திரு.எஸ் சிவகுமார் உள்ளிட்ட மாவட்ட செயலக திட்டமிடல் கிளையின் உத்தியோகத்தர்கள் பல்கலைக்கழக பொருளியல் பீட மூன்றாம் வருட மாணவர்கள் இதில் கலந்து கொண்டனர்.
 
 
1 2 3 4 5 6 7 9 11
யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்கள் மாவட்ட செயலக பதவிநிலை உத்தியோகத்தர்கள் சகிதம் இன்றைய தினம் (11.11.2025) வலிகாமம் மேற்கு – சங்கானை பிரதேச செயலகத்திற்கு திடீர் கண்காணிப்பு விஜயம் மேற்கொண்டதுடன், சங்கானை பிரதேச செயலகத்தின் ஒவ்வொரு அலுவகப் பிரிவுகளுக்கும் சென்று ஆய்வும் மேற்கொள்ளப்பட்டது குறிப்பிடத்தக்கது. இதன் போது, அரசாங்க அதிபர் அவர்களால் சில விடயங்கள் சுட்டிக்காட்டப்பட்டு அதனை நிவர்த்தி செய்யுமாறு கேட்டுக்கொண்டதுடன், பன்முகப்படுத்தப்பட்ட வரவு செலவுத் திட்டம் மற்றும் நகர அபிவிருத்தி அமைச்சு ஆகியவற்றின் நிதி மூலம் மேற்கொள்ளப்பட்ட அபிவிருத்தி திட்டங்களை உரிய காலத்தில் நிறைவேற்றியமைக்காக பிரதேச செயலாளரையும் உத்தியோகத்தர்களையும் அரசாங்க அதிபர் பாராட்டினார் என்பதுடன், ஏனைய அபிவிருத்திச் செயற்பாடுகள் தொடர்பாக சங்கானை பிரதேச செயலாளர் திருமதி. கவிதா உதயகுமார் அவர்களுடனும் மற்றும் உத்தியோகத்தர்களுடன் கலந்துரையாடினார் என்பது குறிப்பிடத்தக்கது. அரசாங்க அதிபருடனான கண்காணிப்பு விஜயத்தில் மாவட்ட செயலக மேலதிக அரசாங்க அதிபர், மாவட்ட செயலக மேலதிக அரசாங்க அதிபர் (காணி), மாவட்டச் செயலக பிரதம கணக்காளர், மாவட்டச் செயலக திட்டமிடல் பணிப்பாளர், மாவட்டச் செயலக பிரதம பொறியியலாளர், மாவட்டச் செயலக பிரதம உள்ளக கணக்காய்வாளர், உதவி மாவட்டச் செயலாளர், நிர்வாக உத்தியோகத்தர் ஆகியோர் கலந்து கொண்டனர்.
 
 
1 2 3 4 5 6 7 8 9 10 11 13 14 15
அஸ்வெசும முதல்கட்டத்தரவு மறுசான்றழித்தல் (Re- certification) செயல்முறை தொடர்பான கலந்துரையாடல் யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம் (11.11.2025) பி. ப 02.30 மணிக்கு யாழ் மாவட்ட செயலக கேட்போர் கூடத்தில் நடைபெற்றது. இக் கலந்துரையாடலில் தலைமையுரையாற்றிய அரசாங்க அதிபர் அவர்கள், நலன்புரி நன்மைகள் "அஸ்வெசும" திட்டமானது மாவட்டத்தின் அனைத்து வித செயற்பாடுகளையும் உள்ளடக்கியதான செயற்றிட்டமாக மாறியுள்ளதாகவும் தெரிவித்ததுடன், தேசிய ரீதியாக யாழ்ப்பாண மாவட்டம் சிறப்பாக செயற்படுவதாகதெரிவிக்கப்படுவதாகவும், அதற்கு முன்னின்று செயற்பட்ட உதவி மாவட்டச் செயலாளர், மாவட்ட இணைப்பாளர், பிரதேச செயலாளர்கள் மற்றும் விடய உத்தியோகத்தர்கள் ஆகியோருக்கு நன்றிகளைத் தெரிவித்தார். மேலும், சில பிரதேச செயலகங்களில் விடய உத்தியோகத்தர்கள் அஸ்வெசும திட்ட செயற்பாடுகளில் ஆர்வத்தடன் செயற்பட்டு வருகிறாா்கள் எனவும் அவர்களுக்கு பாராட்டுக்களையும் தெரிவித்ததுடன், இச் செயற்றிட்டத்தை நடைமுறைப்படுத்தலில் பல சவால்களை எதிர்கொண்டதாகவும் பிரதேச செயலாளர்கள் பயனாளிகள் தரவுகளை பதிவேற்றலில் சில மாற்றங்களை மேற்கொள்ள தற்துணிவோடு செயற்பட வேண்டும் எனவும், அஸ்வெசும நலன்புரி நன்மைகள் கொடுப்பனவு திட்டத்தின் முதல் கட்டத்திலான பதிவு செய்யப்பட்டவர்களின் தகவல்களை புதுப்பித்தல் தொடர்பாக அந்த நபர்கள் தங்களது தகவல்களில் மாற்றங்கள் ஏதேனும் உள்ளதா என்பதை அறிவிப்பதற்கென 2025 நவம்பர் 10ஆம் திகதி முதல் 2025 டிசம்பர் 10 ஆம்திகதி வரையான காலப்பகுதியில் மேற்கொள்ளலாம் எனவும், கட்டம் 1இல் தவறவிட்ட விடயங்களை சரியான பொறிமுறையை பின்பற்றி பதிவேற்றம் மேற்கொள்ளுமாறும் அரசாங்க அதிபர் கேட்டுக்கொண்டார். இக்கலந்துரையாடலில் அரசாங்க அதிபர் தலைமையில் இத்திட்டத்தில் எதிர்நோக்கும் பிரச்சினைகள் கேட்டறிந்து அதற்குரிய தீர்வுகள் தொடர்பில் ஆராயப்பட்டது குறிப்பிடத்தக்கது.
இக் கலந்துரையாடலில், அஸ்வெசும முதல்கட்டத்தரவு மறுசான்றழித்தல் விண்ணப்பங்களை கிராம அலுவலகர் பிரிவுகளில் வழங்கி அதனைப் பூரணப்படுத்துவதற்கான நடவடிக்கைகளை மேற்கொள்ளல் எனவும் தீர்மானிக்கப்பட்டதுடன்,
பிரதேச செயலகங்களில் அஸ்வெசும தரவுகளை விரைவாக பதிவேற்றல் நடவடிக்கைளை மேற்கொள்ள 15 பிரதேச செயலகங்களக்கும் மாவட்டச் செயலகத்தின்மடிக்கணனிகளை (Laptop) தற்காலிகமாகவழங்குமாறும் அரசாங்க அதிபரினால் அறிவுறுத்தல்கள் சம்பந்தப்பட்ட வர்களுக்கு வழங்கப்பட்டது. இக் கலந்துரையாடலில் மேலதிக அரசாங்க அதிபர் திரு. கே. சிவகரன், உதவி மாவட்டச் செயலாளர் செல்வி உ.தா்சினி, அஸ்வெசும மாவட்ட இணைப்பாளர், பிரதேச செயலாளர்கள், உதவி பிரதேச செயலாளர்கள்,மாவட்ட உத்தியோகத்தர்கள் பிரதேசங்களில் இத் திட்டத்தினை நடைமுறைப்படுத்தும் விடய உத்தியோகத்தர்கள் ஆகியோர் கலந்து கொண்டனர்.
 
1 2 3 4 5 6 8 9
அஸ்வெசும முதல்கட்டத்தரவு மறுசான்றழித்தல் (Re- certification) செயல்முறை தொடர்பான கலந்துரையாடல் யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம் (11.11.2025) பி. ப 02.30 மணிக்கு யாழ் மாவட்ட செயலக கேட்போர் கூடத்தில் நடைபெற்றது.
இக் கலந்துரையாடலில் தலைமையுரையாற்றிய அரசாங்க அதிபர் அவர்கள், நலன்புரி நன்மைகள் "அஸ்வெசும" திட்டமானது மாவட்டத்தின் அனைத்து வித செயற்பாடுகளையும் உள்ளடக்கியதான செயற்றிட்டமாக மாறியுள்ளதாகவும் தெரிவித்ததுடன், தேசிய ரீதியாக யாழ்ப்பாண மாவட்டம் சிறப்பாக செயற்படுவதாகதெரிவிக்கப்படுவதாகவும், அதற்கு முன்னின்று செயற்பட்ட உதவி மாவட்டச் செயலாளர், மாவட்ட இணைப்பாளர், பிரதேச செயலாளர்கள் மற்றும் விடய உத்தியோகத்தர்கள் ஆகியோருக்கு நன்றிகளைத் தெரிவித்தார். மேலும்,
சில பிரதேச செயலகங்களில் விடய உத்தியோகத்தர்கள் அஸ்வெசும திட்ட செயற்பாடுகளில் ஆர்வத்தடன் செயற்பட்டு வருகிறாா்கள் எனவும் அவர்களுக்கு பாராட்டுக்களையும் தெரிவித்ததுடன், இச் செயற்றிட்டத்தை நடைமுறைப்படுத்தலில் பல சவால்களை எதிர்கொண்டதாகவும் பிரதேச செயலாளர்கள் பயனாளிகள் தரவுகளை பதிவேற்றலில் சில மாற்றங்களை மேற்கொள்ள தற்துணிவோடு செயற்பட வேண்டும் எனவும், அஸ்வெசும நலன்புரி நன்மைகள் கொடுப்பனவு திட்டத்தின் முதல் கட்டத்திலான பதிவு செய்யப்பட்டவர்களின் தகவல்களை புதுப்பித்தல் தொடர்பாக அந்த நபர்கள் தங்களது தகவல்களில் மாற்றங்கள் ஏதேனும் உள்ளதா என்பதை அறிவிப்பதற்கென 2025 நவம்பர் 10ஆம் திகதி முதல் 2025 டிசம்பர் 10 ஆம்திகதி வரையான காலப்பகுதியில் மேற்கொள்ளலாம் எனவும், கட்டம் 1இல் தவறவிட்ட விடயங்களை சரியான பொறிமுறையை பின்பற்றி பதிவேற்றம் மேற்கொள்ளுமாறும் அரசாங்க அதிபர் கேட்டுக்கொண்டார்.
இக்கலந்துரையாடலில் அரசாங்க அதிபர் தலைமையில் இத்திட்டத்தில் எதிர்நோக்கும் பிரச்சினைகள் கேட்டறிந்து அதற்குரிய தீர்வுகள் தொடர்பில் ஆராயப்பட்டது குறிப்பிடத்தக்கது.
இக் கலந்துரையாடலில், அஸ்வெசும முதல்கட்டத்தரவு மறுசான்றழித்தல் விண்ணப்பங்களை கிராம அலுவலகர் பிரிவுகளில் வழங்கி அதனைப் பூரணப்படுத்துவதற்கான நடவடிக்கைகளை மேற்கொள்ளல் எனவும் தீர்மானிக்கப்பட்டதுடன்,
பிரதேச செயலகங்களில் அஸ்வெசும தரவுகளை விரைவாக பதிவேற்றல் நடவடிக்கைளை மேற்கொள்ள 15 பிரதேச செயலகங்களக்கும் மாவட்டச் செயலகத்தின்மடிக்கணனிகளை (Laptop) தற்காலிகமாகவழங்குமாறும் அரசாங்க அதிபரினால் அறிவுறுத்தல்கள் சம்பந்தப்பட்ட வர்களுக்கு வழங்கப்பட்டது.
இக் கலந்துரையாடலில் மேலதிக அரசாங்க அதிபர் திரு. கே. சிவகரன், உதவி மாவட்டச் செயலாளர் செல்வி உ.தா்சினி, அஸ்வெசும மாவட்ட இணைப்பாளர், பிரதேச செயலாளர்கள், உதவி பிரதேச செயலாளர்கள்,மாவட்ட உத்தியோகத்தர்கள் பிரதேசங்களில் இத் திட்டத்தினை நடைமுறைப்படுத்தும் விடய உத்தியோகத்தர்கள் ஆகியோர் கலந்து கொண்டனர்.
 
1 2 3
  1. தீவக கல்வி வலய ஆசிரியர்களுக்கான பிள்ளை நேய கற்பித்தல் வாண்மையினை விருத்தி செய்தல் மற்றும் சிறுவர் உரிமை தொடர்பான செயலமர்வு
  2. யாழ்ப்பாணத்தில் இளைஞர் பரிமாற்ற நல்லிணக்க வேலைத்திட்டத்தின் ஆரம்ப நிகழ்வு
  3. நூற்றாண்டு கண்ட இலங்கை சிரேஷ்ட பிரஜைகள் கெளரவிப்பு
  4. இன்னுமொரு தடவை உயிர் இழப்பு ஏற்படாவண்ணம் பாதுகாத்துக்கொள்வது அனைவரின் பொறுப்பாகும் - சுனாமி அனர்த்த ஒத்திகை நிகழ்வில்  அரசாங்க அதிபர் தெரிவிப்பு