- ඔබ මෙතැනය:
-
මුල් පිටුව
- News
World Vision நிதி அனுசரைணயில் யாழ் மாவட்ட அனர்த்த முகாமைத்துவ ஒருங்கிணைத்தல் பிரிவின் ஏற்பாட்டில் ஊடகவியலாளர்களுக்கான அனர்த்த முன்னாயத்த கலந்துரையாடல் மாவட்ட அனர்த்த முகாமைத்துவ உதவிப்பணிப்பாளர் திரு.ரி.என்.சூரியராஜ் அவர்களின் தலைமையில் (23.08.2022) காலை 9.00 மணிக்கு Tilko hotel இல் நடைபெற்றது.
இக்கலந்துரையாடலில் மாவட்ட அரசாங்க அதிபர் , திரு.கணபதிப்பிள்ளை மகேசன் அவர்கள் பிரதம விருந்தினராக கலந்து சிறப்பித்தார்.இந்நிகழ்வில் அனர்த்த முகாமைத்துவ பொறிமுறையின் வினைத்திறனை அதிகரிப்பதற்கு ஊடகவியலாளர்களுக்கான செயலமர்வில் இலங்கையில் அனர்த்த அபாய குறைப்பு முறையின் சட்ட ஏற்றபாடுகள், யாழ் மாவட்டத்தின் அனர்த்த முகாமைத்துவ பிரதான இடர்களும் முன்னேற்பாடுகளும், காலநிலை மாற்றத்துடன் கூடிய அனர்த்தங்கள், அனர்த்த முகாமைத்துவ நிலையத்துடன் இணைந்த நிலத்தடி நீர் தேக்கமும் வெள்ளக்கட்டுப்பாடும், ஊடகவியலாளர்களின் வகிபாகமும் பொறுப்புக்களும் போன்ற விடயங்கள் தொடர்பாக விழிப்புணர்வு செயலமர்வு நடைபெற்றது.
வாழ்வாதாரத்தை வலுப்படுத்தல் மற்றும் ReSoco திட்ட மீளாய்வுக்கூட்டம் தொடர்பான கலந்துரையாடல் மாவட்ட அரசாங்க அதிபர் திரு.கணபதிப்பிள்ளை மகேசன் அவர்களின் தலைமையில் (22.08.2022) காலை 11.00 மணிக்கு மாவட்ட செயலகத்தில் நடைபெற்றது.
world vision நிறுவனத்தினால் சங்கானை , சாவகச்சேரி பிரதேச செயலக பிரிவுகளில் பொருளாதார நெருக்கடியால் பாதிக்கப்பட்ட 1000 குடும்பங்களுக்கான பணக்கொடுப்பனவுகள் , உணவுப்பாதுகாப்பு, சேமிப்பு ஆகிய ஒன்று சேர் திட்டங்களுக்கு அனுமதி வழங்குதல் மற்றும் ReSoco திட்ட மீளாய்வுக் கூட்டம் போன்ற விடயங்கள் தொடர்பாக கலந்துரையாடப்பட்டன.
யாழ்ப்பாண மாவட்டச் செயலகத்திற்கு ஐக்கிய நாடுகள் சபையின் ஆசிய பசுபிக் பிராந்திய அபிவிருத்தி ஒருங்கிணைப்புக்கான பணிப்பாளர் டேவிட் மெக்லாக்லன் - ஹார் அவர்கள் (19.08.2022) விஜயம் செய்து மாவட்ட அரசாங்க அதிபர் கணபதிப்பிள்ளை மகேசன் அவர்களுடன் யாழ்.மாவட்ட தற்போதைய நிலமைகள் தொடர்பாக கலந்துரையாடலை மேற்கொண்டுள்ளார்.
Humedica நிறுவனத்தினால் சிறுவர் இல்ல அனுமதி கோரி காத்திருப்போர் பட்டியலில் உள்ள சிறுவர்களை சார்ந்த 100 குடும்பங்களுக்கு ரூபா 5000 பெறுமதியான உலர் உணவு பொருட்கள் (22.08.2022) காலை 10.00 மணிக்கு மாவட்ட அரசாங்க அதிபர் திரு.கணபதிப்பிள்ளை மகேசன் அவர்களின் தலைமையில் வழங்கி வைக்கப்பட்டது.
இந்நிகழ்ச்சியில் மேலதிக அரசாங்க அதிபர் , மேலதிக அரசாங்க அதிபர் (காணி) ,அரச சார்பற்ற நிறுவன இணைப்பாளர்,CRPO இணைப்பாளர் ஆகியோரும் கலந்துகொண்டிருந்தார்கள்.
யாழ்ப்பாண மாவட்டச் செயலகமும் மனித வலு வேலைவாய்ப்புத் திணைக்களமும் இணைந்து நடாத்தும் தொழிற் சந்தை நிகழ்வு மாவட்ட மேலதிக அரசாங்க அதிபர் மருதலிங்கம் பிரதீபன் அவர்களின் தலைமையில் (19.08.2022) காலை 9.30 மணிக்கு மாவட்டச் செயலக மாநாட்டு மண்டபத்தில் நடைபெற்றது.
இந் நிகழ்வில் பிரதம விருந்தினராக மாவட்ட அரசாங்க அதிபர் கணபதிப்பிள்ளை மகேசன் அவர்கள் கலந்து கொண்டிருந்தார்.தொழில் நிலையத்தில் பதிவு செய்யப்பட்ட வேலை தேடுவோருக்கான தொழில் வாய்ப்பினை பெற்றுக் கொடுக்கும் முகமாக பத்து தொழில் வழங்குநர்கள் நூற்றிஐம்பது தொழில் வெற்றிடங்களுக்கு ஆட்சேர்ப்பு செய்யும் வகையில் இன்றையதினம் தொழிற்சந்தை நிகழ்வு நடைபெற்றது.