- ඔබ මෙතැනය:
-
මුල් පිටුව
- News
யாழ்.மாவட்ட செயலக சிறுதொழில் முயற்சி அபிவிருத்தி பிரிவு நடாத்தும் சிறுதொழில் முயற்சியாளர்களின் உற்பத்திப் பொருட்களுக்கான விற்பனை கண்காட்சி நிகழ்வானது மாவட்ட மேலதிக அரசாங்க அதிபர் மருதலிங்கம் பிரதீபன் அவர்களின் தலைமையில் (10.08.2022) காலை 9.30 மணிக்கு யாழ்.சங்கிலியன் பூங்காவில் நடைபெற்றது.
இந் நிகழ்வில் பிரதம விருந்தினராக மாவட்ட அரசாங்க அதிபர் கணபதிப்பிள்ளை மகேசன் அவர்கள் கலந்து சிறப்பித்ததோடு, சிறப்பு விருந்தினர்களாக பிரதேச செயலாளர் திருமதி அன்ரன் யோகநாயகம் எழிலரசி, மாநகரசபை ஆணையாளர் தனபாலசிங்கம் ஜெயசீலன் மற்றும் கௌரவ விருந்தினராக தொழிற்துறை திணைக்கள மாகாணப் பணிப்பாளர் திருமதி வனஜா செல்வரட்ணம், சிறுதொழில் முயற்சி அபிவிருத்தி உதவிப்பணிப்பாளர் தனஞ்சயன் ஆகியோரும் கலந்து கொண்டிருந்தார்கள். மேலும் இந் நிகழ்வில் சிறுதொழில் முயற்சி அபிவிருத்தி பிரிவின் உத்தியோகத்தர்கள், முயற்சியாளர்கள் ஆகியோரும் கலந்துகொண்டிருந்தார்கள்.
வீட்டுத்தோட்டங்களில் விவசாய உற்பத்தியை அதிகரித்து உள்நாட்டு உற்பத்தியை அதிகரிப்பதற்கு மேலதிகமாக அரசநிறுவனங்கள் மற்றும் திணைக்களங்களிலும் விவசாய உற்பத்தியை ஊக்குவிக்கும் நடவடிக்கை மேற்கொள்ளப்பட்டு வருகின்றது. அந்தவகையில் மாவட்ட செயலக விவசாயத்திணைக்களத்தின் ஏற்பாட்டில் கத்தரி, மிளகாய் மற்றும் தக்காளி ஆகிய மரக்கறி நாற்றுகள் நாட்டப்பட்டு அதன் அறுவடை நிகழ்வு (09.08.2022) மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் இடம்பெற்றது. இந்நிகழ்வி்ல் கலந்து கொண்ட அரசாங்க அதிபர் அவர்கள் குறித்த மரக்கறி உற்பத்தி நடவடிக்கைளை விரிவுபடுத்தும் ஆலோசனைகளை வழங்கியமை குறிப்பிடத்தக்கது.
தேசிய சாரணர் தலைமைக் காரியலயத்தின் பணிப்பின் கீழ் யாழ்.மாவட்ட சாரணர் சங்கமானது தேசிய சாரணர் சேவை மாதத்தை முன்னிட்டு 03.08.2022 அன்று மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் சாரணர் சேவை மாத அட்டைகளை குருளை சாரணர்கள், கனிஷ்ட சாரணர்கள், சிரேஷ்ட சாரணர்கள், பெண் சாரணர்கள் ஆகியோரிற்கு மாவட்டச் செயலக கேட்போர் கூடத்தில் வழங்கிவைக்கப்பட்டது.
மேலும், இந் நிகழ்வில் மேலதிக அரசாங்க அதிபர் ம.பிரதீபன், யாழ்.மாவட்ட சாரணிய ஆணையாளர் இ.தவகோபால் மற்றும் சிரேஷ்ட சாரணர்கள், கனிஷ்ட சாரணர்கள், பெண் சாரணர்கள்,குருளை சாரணர்கள் ஆகியோரும் கலந்து கொண்டிருந்தார்கள்.
யாழ்ப்பாண மாவட்ட விவசாயக் குழுக்கூட்டம் மாவட்ட அரசாங்க அதிபர் திரு.கணபதிப்பிள்ளை மகேசன் அவர்களின் தலைமையில் 04.08.2022 காலை 09.30 மணிக்கு மாவட்டச்செயலக கேட்போர் கூடத்தில் நடைபெற்றது.
இக்கலந்துரையாடலில் புகையிரதத்திணைக்களத்தின் பாவனைக்கு உட்படுத்தாத நிலத்தை பயிர்ச்செய்கைக்கு உட்படுத்துதல், பாடசாலைகள் , கோயில்கள், தேவாலயங்கள் , வீடுகளில் பயிர்ச்செய்கையை ஊக்குவிப்பதற்கான நடவடிக்கைளை மேற்கொள்ளுதல், உணவுப்பாதுகாப்பு நிகழ்ச்சித்திட்டத்தில் பால் , முட்டை என்பவற்றுக்கான தேவையை பூர்த்தி செய்வதற்கான நடவடிக்கைகள், சிறு போக மற்றும் பெரும்போக விவசாயத்திற்கான விதைகள், பசளைகள், கிருமிநாசினி ஆகியவற்றை பெற்றுக்கொள்ள தேவையான நடவடிக்கைகள், வங்கிகள் விவசாயிகளுக்கு கடனுதவிகளை வழங்குதல், பயிர்செய்கைகளுக்கான எரிபொருள் உடனடித்தேவையை உறுதிப்படுத்தல், விதை நெல் தேவைப்பாடு மற்றும் விதை நெல் விலையை தீர்மானித்தல் ,தென்னை மரத்தை தாக்கும் பீடை கொல்லி மருந்தின் தட்டுப்பாடு , தென்னந்தொழிற்சாலை உற்பத்திகளை ஊக்குவித்தல் , மீனவர்களுக்கான மண்ணெண்ணெய் விநியோகம் ஆகியன தொடர்பாக விரிவாக கலந்துரையாடப்பட்டது.
உணவுப் பாதுகாப்பு தொடர்பான தற்போதைய நிலைமையினை ஆராயும் நோக்குடனான ஐ.நா உணவு மற்றும் விவசாய நிறுவனத்தின் பிரதிநிதிகளுடனான கலந்துரையாடல் யாழ் மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் 07.07.2022 காலை 9.00மணிக்கு மாவட்ட செயலகத்தில் நடைபெற்றது.
உணவுப் பாதுகாப்பு தொடர்பான தற்போதைய நிலைமையினை ஆராயும் நோக்குடன் நாடளாவிய ரீதியில் மாவட்ட அடிப்படையில் நேரடி கள ஆய்வினை மேற்கொள்ள ஐ.நா. உயரதிகாரிகள் யாழ் மாவட்டச் செயலகத்திற்கு விஐயம் செய்திருந்தனர்.இதன் போது யாழ் மாவட்டத்தின் உணவுப் பாதுகாப்பு தொடர்பாக ஆராயப்பட்டதுடன், விவசாயம், கால்நடை,மீன்பிடி மற்றும் போசாக்கு சம்மந்தமான தற்போதைய நடைமுறைப் பிரச்சனைகளான இரசாயன உரப்பற்றாக்குறை, எரிபொருள், விதைத் தட்டுப்பாடு மற்றும் விலை உயர்வு, சந்தைப்படுத்தல் மேற்கொள்ளமுடியாமை மற்றும் கால்நடைகளின் உணவின் விலை அதிகரித்தமை மற்றும் போசாக்கு மட்டம் குறைவடைந்தமையும், மீன்பிடிக்கான எரிபொருள் பற்றாக்குறை உள்ளிட்ட விடயங்கள் தொடர்பாக விரிவாக கலந்துரையாடப்பட்டது. மேலும், அண்ணளவாக 20 வீதமான பாடசாலை மாணவர்களின் போசாக்குமட்டம் குறைவடைந்துள்ளதாகவும், சமுர்த்திப் பயனாளிகளின் விபரம் மற்றும் நிகழ்ச்சித்திட்டங்கள் மற்றும் தற்போதைய உணவுப்பாதுகாப்பு தொடர்பாக எடுக்க வேண்டிய நடவடிக்கைகள் தொடர்பாகவும் ஆராயப்பட்டமை குறிப்பிடத்தக்கது.