- ඔබ මෙතැනය:
-
මුල් පිටුව
- News
தொழில் வழிகாட்டல் நிகழ்ச்சித் திட்டத்தின் பயிற்சி நெறியினை நிறைவு செய்த மாணவர்களுக்கான சான்றிதழ் வழங்கும் நிகழ்வானது யாழ்ப்பாண மாவட்ட பதில் அரசாங்க அதிபர் திரு மருதலிங்கம் பிரதீபன் அவர்களின் தலைமையில் இன்று (07.08.2024) பி. ப 03.00 மணிக்கு மாவட்டச் செயலக கேட்போர் கூடத்தில் நடைபெற்றது.
கல்வி அமைச்சினால் தொழில் கல்வியை மேம்படுத்தும் நோக்கில் க. பொ. த உயர்தரப் பரீட்சையில் தோற்றி பெறுபேற்றினை எதிர்பார்க்கின்ற மாணவர்களுக்கான தொழில் வழிகாட்டல் மூலம் தொழில் கல்வியை மேம்படுத்தும் பயிற்சி நெறியானது 2024.03.05 ஆம் திகதி தொடக்கம் 2024.05.05 ஆம் திகதி வரை யாழ்ப்பாண மாவட்டத்தின் பிரதேச செயலக ரீதியாக தெரிவு செய்யப்பட்ட 15 பாடசாலைகளில் நடாத்தப்பட்டது. இதன் ஒரு அங்கமாக யாழ்ப்பாண பிரதேச செயலக பிரிவுக்குட்பட்ட யாழ் வைத்தீஸ்வராக் கல்லூரியில் நடாத்தப்பட்ட நிகழ்ச்சித் திட்டத்தில் பங்குபற்றிய 44 மாணவர்களுக்கு சான்றிதழ் வழங்கப்பட்டது.
இந் நிகழ்வில் உதவி மாவட்டச் செயலாளர், முறைசாராப்பிரிவு உதவிக் கல்விப் பணிப்பாளர், ஆசிரியர் ஆலோசகர், வளவாளர்கள், மாவட்டச் செயலக உத்தியோகத்தர்கள், மாணவர்கள் கலந்து கொண்டனர்.
இந்தியாவிலிருந்து மீளக்குடியமர்ந்த குடும்பங்களுக்கு கிடைக்க வேண்டிய சேவைகள் தொடர்பான கலந்தாய்வானது யாழ்ப்பாண மாவட்ட பதில் அரசாங்க அதிபர் திரு மருதலிங்கம் பிரதீபன் அவர்களின் தலைமையில் இன்று (07.08.2024) காலை 10.00 மணிக்கு மாவட்டச் செயலக கேட்போர் கூடத்தில் நடைபெற்றது.
இக் கலந்தாய்வில் தலைமையுரையாற்றிய பதில் அரசாங்க அதிபர் அவர்கள் மீளக்குடியமர்ந்தவர்களுக்கான காணி மற்றும் அடிப்படைத் தேவைகளை முழுமையாக தீர்க்க முடியாவிட்டாலும் கட்டம் கட்டமாக தீர்க்கலாம் எனவும் தொடர்புடைய திணைக்களங்களின் ஒத்துழைப்பினை வழங்குமாறும் கேட்டுக்கொண்டதுடன், இக் குடும்பங்கள் தொடர்பான முன்னேற்ற மீளாய்வினை காலக்கிரமத்தில் தொடர்புடைய திணைக்களங்கள் மேற்கொள்ள வேண்டும் எனவும் கேட்டுக்கொண்டார்.
2023 ஆம் ஆண்டிலிருந்து இற்றைவரை இந்தியாவிலிருந்து மீளக்குடியமர்ந்த 83 குடும்பங்களில் - ஆய்வின் மூலம் காணி, வாழ்வாதாரம் உட்பட்ட தேவைப்பாடுகளை எதிர்நோக்கி வரும் இனங்கானப்பட்ட 23 குடும்பங்களுக்கு வழங்க வேண்டிய தேவைகள் மற்றும் சேவைகள் அதனைப் பெற்றுக் கொள்வதற்கான வழிவகைகள் குறித்த கலந்தாய்வானது தொடர்புடைய திணைக்களங்களுடன் நடைபெற்று பயனாளிகளுக்கான தீர்வு மற்றும் வழிகாட்டுதல்கள் வழங்கப்பட்டது. இக் கலந்தாய்விற்கான அனுசரணையினை IOM நிறுவனம் வழங்கியது.
இக் கலந்தாய்வில் மேலதிக அரசாங்க அதிபர் (காணி), மாகாணக் காணி ஆணையாளர், மாவட்ட சமுர்த்தி பணிப்பாளர், உதவி மாவட்டச் செயலாளர், பிரதேச செயலாளர்கள், பிரதி உதவித் திட்டமிடல் பணிப்பாளர்கள் உள்ளிட்ட துறைசார்ந்த பதிவிநிலை உத்தியோகத்தர்கள், மாவட்டச் செயலக உத்தியோகத்தர்கள், IOM மற்றும் OfERR (Ceylon) பிரதிநிதிகள், இந்தியாவிலிருந்து மீளக்குடியமர்ந்த குடும்ப உறுப்பினர்கள் உட்பட பலர் கலந்து கொண்டனர்.
மாவட்டச் செயலகத்தின் ஏற்பாட்டில் ஒழுங்குபடுத்தப்பட்ட உணவுத் திருவிழாவும் விற்பனைக் கண்காட்சியும் இன்று (05.08.2024) பி.ப 03.00 மணிக்கு யாழ்ப்பாணம் முற்றவெளிப் பகுதியில் பிரதம விருந்தினரான யாழ்ப்பாண மாவட்ட பதில் அரசாங்க அதிபர் திரு.மருதலிங்கம் பிரதீபன் அவர்களால் சிறப்பாக ஆரம்பித்து வைக்கப்பட்டது.
இன்றிலிருந்து மூன்று தினங்கள் நடைபெறவுள்ளது. (ஆவணி மாதம் 5 ஆம் திகதி பி.ப 3.00 மணி தொடக்கம் இரவு 9.00 வரையும், 6 மற்றும் 7 ஆம் திகதிகளில் காலை 10.00 மணி தொடக்கம் இரவு 9.00 மணி)
மேலும் இசை நிகழ்வு, நாடகம் நிகழ்வு , வீரதீர விளையாட்டு மற்றும் பொம்மலாட்டம் போன்ற பொழுதுபோக்கு நிகழ்வுகளும் நடைபெறவுள்ளன.
இன்றைய ஆரம்ப நிகழ்வில் மேலதிக அரசாங்க அதிபர் (காணி), பிரதம கணக்காளர், உதவி மாவட்டச் செயலாளர், யாழ்ப்பாணம் மற்றும் நல்லூர் பிரதேச செயலாளர்கள் உள்ளடக்கிய பதவிநிலை உத்தியோகத்தர்கள், வர்த்தக வங்கியின் பிராந்திய முகாமையாளர், வர்த்தக சங்கத்தின் தலைவர் மற்றும் பிரதிநிதிகள், பெண்கள் அமைப்பின் பிரதிநிதிகள், உத்தியோகத்தர்கள், பொது மக்கள் மற்றும் ஊடகவியலாளர்கள் உள்ளிட்ட பலர் கலந்து கொண்டனர்.
தொகைமதிப்பு மற்றும் புள்ளிவிபரவியல் திணைக்களம் நடாத்திய விழிப்புணர்வு நிகழ்ச்சித்திட்டம் இன்றைய தினம் (06.08.2024) காலை 9.00 மணிக்கு ராஜா கீறீம்கவுஸ் மண்டபத்தில் நடைபெற்றது.
இந் நிகழ்வில் கலந்து கொண்ட யாழ்ப்பாண மாவட்ட தொகைமதிப்பு ஆணையாளரும் யாழ் மாவட்ட பதில் அரசாங்க அதிபருமாகிய திரு.மருதலிங்கம் பிரதீபன் அவர்கள் இதுவரை நடைபெற்ற தொகைமதிப்பு செயற்பாடுகளில் ஈடுப்பட்ட பிரதேச செயலாளர்கள் மற்றும் உதவி பிரதேச செயலாளர்களுக்கு தனது பாரட்டுக்களையும் நன்றிகளையும் தெரிவித்ததோடு அவர்களுக்குரிய மெச்சுரைகளையும் வழங்கிவைத்தார்.
இந் நிகழ்வில் பிரதேச செயலாளர்கள், உதவி பிரதேச செயலாளர்கள், கணக்காளர்கள் மற்றும் மாவட்ட செயலக பதவிநிலை உத்தியோகத்தர்கள் உள்ளிட்ட பலர் கலந்து கொண்டனர்.
யாழ்ப்பாணம் மாவட்டத்தில் இவ் வருடம் நடைமுறைப்படுத்தப்பட்டு வரும் பன்முகப்படுத்தப்பட்ட வரவு செலவுத்திட்ட நிதி ஒதுக்கீட்டின் கீழான வேலைத் திட்டங்களின் முன்னேற்ற மீளாய்வு கலந்துரையாடலானது யாழ்ப்பாண மாவட்ட பதில் அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம் (01.08.2024) காலை 9.00 மணிக்கு அரசாங்க அதிபர் மாநாட்டு மண்டபத்தில் நடைபெற்றது.
இக்கலந்துரையாடலின் போது மாவட்டத்திற்கு இவ்வருடம் அமைச்சினால் அங்கீகரிக்கப்பட்ட நிதி ஒதுக்கீட்டின் கீழ் தற்பொழுது நடைமுறைப்படுத்தப்பட்டு வரும் அபிவிருத்தி வேலைத்திட்டங்களின் முன்னேற்றங்கள் விரிவாக ஆராயப்பட்டதுடன் குறித்த திட்டங்களின் கடந்த கால செயற்பாடுகள் தொடர்பாக துறை சார்ந்த திணைக்கள அதிகாரிகளுடன் கலந்துரையாடப்பட்டு தடைப்பட்டுள்ள திட்டங்களை முன்னகர்த்திச் செல்வதற்கான வழிவகைகள் தொடர்பாகவும் கலந்துரையாடப்பட்டது.
இக் கலந்துரையாடலில் பிரதம கணக்காளர், திட்டமிடல் பணிப்பாளர், பிரமத உள்ளக கணக்காய்வாளர், பிரதேச செயலாளர்கள், மாவட்ட செயலக மற்றும் பிரதேச செயலக பிரதி திட்டமிடல் பணிப்பாளர்கள், உதவி திட்டமிடல் பணிப்பாளர்கள், கணக்காளர்கள் மற்றும் மாவட்ட செயலக உத்தியோகத்தர்கள் உள்ளிட்ட பலர் கலந்துகொண்டனர்.
