யாழ்ப்பாண மாவட்ட செயலகத்தின் ஏற்பாட்டில் ஒழுங்கமைக்கப்பட்ட வெசாக் தின நிகழ்வு வெள்ளிக்கிழமை(05.05.2023) காலை 9.00 மணிக்கு மாவட்ட செயலக வளாகத்தில் சிறப்பாக நடைபெற்றது.
இந்நிகழ்வில் வணக்கத்துக்குரிய பௌத்த மதகுரு மீஹாஹ ஜந்துறே ஸ்ரீவிமல தேரோ விகாராதிபதி ( ஸ்ரீ நாகவிகாரை), மாவட்ட அரசாங்க அதிபர் அம்பலவாணர் சிவபாலசுந்தரன் மற்றும் இராணுவ கட்டளைத்தளபதி,மாவட்ட பொலிஸ் அத்தியட்சகர், மாவட்ட செயலக பதவிநிலை உத்தியோகத்தர்கள், பிரதேச செயலாளர்கள், இராணுவத்தினர் மற்றும் மாவட்டசெயலக உத்தியோகத்தர்களும் கலந்து கொண்டனர்.
யாழ். மாவட்ட ஒருங்கிணைப்பு குழுக் கூட்டம் கடற்தொழில் அமைச்சரும் யாழ்.மாவட்ட ஒருங்கிணைப்பு குழுத் தலைவருமான கௌரவ டக்ளஸ் தேவானந்தா அவர்களின் தலைமையில் (04) யாழ் மாவட்ட செயலக கேட்போர் கூடத்தில் நடைபெற்றது.
இதில் மாவட்ட ஒருங்கிணைப்பு குழுவில் அனுமதி பெற வேண்டிய விடயங்களாக நீர்ப்பாசன திணைக்களத்தின் செயற்பாடுகள், விவசாயத் திணைக்களத்தின் செயற்பாடுகள், மீள் குடியேற்ற செயற்பாடுகள், உள்ளூர் அபிவிருத்தி உற்பத்தித்திட்டத்தின் செயற்பாடுகள்,தேசிய வீடமைப்பு அதிகாரசபையின் வேலைத்திட்டங்கள், கல்வித்திணைக்கள செயற்பாடுகள் தொடர்பான விடயங்கள் கலந்துரையாடப்பட்டன.
அத்துடன் தேசிய ரீதியில் நடைமுறைப்படுத்தப்படும் பிரதான அபிவிருத்தி நிகழ்ச்சித் திட்டங்கள் மற்றும் யாழ். மாவட்டத்தில் அதன் முன்னேற்றம் தொடர்பாக குறிப்பாக சிறிய மற்றும் நடுத்தர முயற்சியாளர்களை ஊக்குவித்தல், கைத்தொழில் மற்றும் ஏற்றுமதி நடவடிக்கைகள், பாடசாலையை விட்டு இடைவிலகிய மாணவர்களை பாடசாலையில் இணைத்தல், போதைப்பொருளுக்கு அடிமையானோரை புனர்வாழ்வுக்கு உட்படுத்தல், போதைப்பொருள் விற்பனையில் ஈடுபடுவோரை புனர்வாழ்வளித்து மீளவும் சமூகத்தில் இணைத்தல், குறைந்த வருமானம் பெறும் கர்ப்பிணித்தாய்மாரின் போஷாக்கினை மேம்படு்த்தல், குறைந்த வருமானம்பெறும் குடும்பங்களிலுள்ள பிள்ளைகளின் போஷாக்கினை மேம்படு்த்தல், நிலைபேறான வீட்டுத்திட்டங்களை உருவாக்குதல்,மர நடுகைத்திட்டங்கள் போன்ற திட்டங்களில் எதிர்பாா்த்த இலக்குகள் தற்போதைய அடைவு மட்டங்கள் தொடர்பாகவும் கலந்துரையாடப்பட்டன.

பால்நிலை சார் வன்முறைக்கு எதிரான செயற்பாட்டு குழு கலந்துரையாடல் யாழ் மாவட்ட அரசாங்க அதிபர் அம்பலவாணர் சிவபாலசுந்தரன் அவர்களின் தலைமையில் மாவட்ட செயலக கேட்போா் கூடத்தில் நடைபெற்றது.
யாழ் மாவட்டத்தில் பெண்கள் உரிமைகள் மற்றும் சமத்துவத்தை மேம்படுத்தும் நோக்கில் பெண்கள் எதிர்நோக்கும் பால்நிலை சார் வன்முறைகளுக்கு எதிராக செயற்படுத்தும் வேலை திட்டங்கள் தொடர்பான விடயங்கள் கலந்துரையாடப்பட்டன
குறிப்பாக பிரதேச செயலகங்களிலிருந்து பெண்கள் அபிவிருத்தி பிரிவினரால் கடந்த நான்கு ஆண்டுகளில் கிடைக்கப்பெற்ற முறைப்பாடுகள், அதிகளவு முறைப்பாடுகள் கிடைக்கப்பெற்ற இடங்கள் , நடைபெற்ற விழிப்புணர்வு நிகழ்வுகள், பெண்கள் அபிவிருத்தி உத்தியோகத்தர்கள் எதிர்நோக்கும் சவால்கள், தமிழ் பேசும் பெண் பொலீஸ் அலுவலர்களது தேவைப்பாடுகள்,SGBV சார் செயற்பாடுகளை மேலும் வினைத்திறனாக்க மேற்கொள்ள வேண்டிய நடவடிக்கைகள், பாதிக்கப்பட்டவர்களை சிகிச்சைக்கு கொண்டு செல்வதில் எதிர்நோக்கும் போக்குவரத்து சிக்கல்கள் மற்றும் பால்நிலை சார் வன்முறைக்கு எதிரான முற்காப்பு நடவடிக்கைககள் தொடர்பான விடயங்கள் விரிவாக கலந்துரையாடப்பட்டன.

கடல்சார் சுற்றுச்சூழல் பாதுகாப்பு அதிகாரசபை (MEPA)யின் ஏற்பாட்டில் OCEAN CONSERVANCY மற்றும் EARTH LANKA YOUTH NETWORK அனுசரணையுடன் பூமி தினத்தை முன்னிட்டு கடற்கரையை சுத்தம் செய்யும் நிகழ்வானது (24) குருநகரில் (வீட்டுத் திட்ட அடுக்குமாடி குடியிருப்பு முன்) நடைபெற்றது.
இந்நிகழ்வில் யாழ் மாவட்ட அரசாங்க அதிபர், பொதுமுகாமையாளர் (MEPA) ,உதவிமுகாமையாளர் (North East mepa), இராணுவ கட்டளைத்தளபதி, பிரதி பொலிஸ் அத்தியட்சகர், பிரதி ஆணையாளர்(Ceo), பிரதிஆணையாளர்(Jmc), பிரதம பொறியியலாளர் (Jmc), உதவி மாவட்ட செயலாளர், பிரதேச செயலாளர்(யாழ்ப்பாணம்), தலைவர்(Clean ocean force), தலைவர் (Earth lanka youth network) கடல்சார் சுற்றுச்சூழல் பாதுகாப்பு அதிகாரசபையின் உத்தியோகத்தர்கள் மற்றும் துறைசார் திணைக்கள உத்தியோகத்தர்களும் கலந்து கொண்டனர்

யாழ் மாவட்ட செயலக வருடாந்த ஒன்றுகூடல் நிகழ்வு மாவட்ட செயலக கணக்காளரும் நலன்புரி கழக தலைவருமான அ.நிர்மல் அவர்களின் தலைமையில் நேற்றைய தினம் (26.04.2023) மாலை 3.00 மணிக்கு மாவட்ட செயலகவளாகத்தில் நடைபெற்றது.
இந்நிகழ்வின் பிரதம விருந்தினராக மாவட்ட அரசாங்க அதிபரும் நலன்புரி கழக போசகருமான அ.சிவபாலசுந்தரன் அவர்கள் கலந்து கொண்டதுடன், சிறப்பு விருந்தினராக யாழ் மாவட்ட மேலதிக அரசாங்க அதிபரும் உப போசகருமான ம.பிரதீபன் அவர்களும் கலந்து சிறப்பித்திருந்தனர்.
மங்கள விளக்கேற்றலுடன் இனிதே ஆரம்பமான நிகழ்வில் வரவேற்பு நடனம் , கவிதை , நடனம் ,நாடகம், இசைநிகழ்ச்சிகள் போன்ற சிறப்பு நிகழ்வுகள் இடம்பெற்றதுடன் ஐந்தாம் தர புலமைப்பரிசில், கா.பொ.த சாதாரணதரம், க.பொ.த உயர்தரம் போன்ற பரீட்சைகளில் சித்திபெற்ற உத்தியோகத்தர்களின் பிள்ளைகளை கௌரவித்தல், ஓய்வு பெற்று சென்றோா், அரச சேவையில் வெள்ளி விழாவை பூர்த்தி செய்தோர், இடமாற்றம் பெற்று சென்றோா், போன்றோரை கௌரவித்தல் ஆகிய நிகழ்வுகளும் இடம்பெற்றமை குறிப்பிடத்தக்கது.

  1. தொழில்நுட்ப மாற்றுப் பயிற்சியில் கலந்துகொண்ட தொழில் முயற்சியாளர்களுக்கான சான்றிதழ் வழங்கும் நிகழ்வு.
  2. விஷேட தேவையுள்ள சிறுவர்களுக்கான அர்த்தமுள்ள குதூகலிப்பும் பிறந்த நாள் கொண்டாட்ட நிகழ்வும்.
  3. தமிழ் சிங்கள புதுவருட தினத்தினை முன்னிட்டு கைவிஷேசம் வழங்கும் நிகழ்வு
  4. யாழ்ப்பாண மாவட்ட செயலகத்தால் நடாத்தப்பட்ட யாழ்.பாரம்பரிய உணவுத் திருவிழா- 2023