- ඔබ මෙතැනය:
-
මුල් පිටුව
- News
யாழ்ப்பாண மாவட்ட செயலகமும் வடக்கு மாகாண சுற்றுலாத்துறை பணியகமும் இணைந்து இலங்கை சுற்றுலா அபிவிருத்தி அதிகார சபையின் அனுசரணையுடன் யாழ் மாவட்டத்தில் சுற்றுலாத்துறையை மேம்படுத்தும் நோக்கில் சுற்றுலாத்துறை சேவையை வழங்கும் நிறுவனங்களை பதிவு செய்தல் தொடர்பான விழிப்புணர்வு கலந்துரையாடல் யாழ் மாவட்ட அரசாங்க அதிபர் அம்பலவாணர் சிவபாலசுந்தரன் அவர்களின் தலைமையில் (28.03.2023) மாவட்ட செயலக கேட்போர்கூடத்தில் நடைபெற்றது.
இக்கலந்துரையாடலில் யாழ் மாவட்டத்தில் சுற்றுலா துறையை மேம்படுத்தும் நோக்கில் சுற்றுலாத்துறைச்சேவை வழங்கும் நிறுவனங்களை பதிவு செய்தல், அதன் முக்கியத்துவம், எவ்வாறு பதிவு செய்வது, online மூலமாக எவ்வாறு பதிவுகளை மேற்கொள்வது, பதிவு செய்யப்பட்ட சுற்றுலா வியாபாரங்களுக்கான அனுகூலங்கள், பதிவு செய்யப்படாத சுற்றுலா வியாபாரங்களுக்கான சவால்கள் தொடர்பாக விழிப்புணர்வு கருத்துக்கள் வழங்கப்பட்டன.
சமூகப் பாதுகாப்பு தொடர்பான மீளாய்வுக்கூட்டம் கடற்றொழில் அமைச்சரும் யாழ் மாவட்ட ஒருங்கிணைப்புக்குழு தலைவரும் மற்றும் யாழ்ப்பாண தேர்தல் தொகுதி பாராளுமன்ற உறுப்பினருமான கௌரவ டக்ளஸ் தேவானந்தா அவர்களின் தலைமையில் (29.03.2023) பிற்பகல் 3.00 மணிக்கு யாழ் மாவட்ட செயலக கேட்போர் கூடத்தில் நடைபெற்றது.
இக்கூட்டத்தில் யாழ் மாவட்ட சகல பிரதேச செயலக பிரிவுகளிலும் உள்ள சமூகப்பாதுகாப்பு, போதைப்பொருள் பாவனை, வன்முறைகள் மற்றும் கால்நடைகள் கடத்தல் தொடர்பாக இதன்போது ஆராயப்பட்டதுடன் 02.03.2023 ஆம் திகதி நடைபெற்ற ஒருங்கிணைப்புக்குழு முன்னாயத்த கூட்டத்தில் ஒவ்வொரு பிரதேச செயலாளர்களாலும் அப் பிரிவுகளில் நடைபெறும் சட்டவிரோத செயற்பாடுகள் தொடர்பாக முன்வைக்கப்பட்ட பிரச்சினைகளுக்கான தீர்வுகள் காணப்பட்டமை தொடர்பாக ஆராயும் முன்னேற்ற கூட்டமாகவும் இது அமைந்துள்ளது.
அத்துடன் இக்கூட்டத்தில் பிரதேச செயலகங்களில் இடம்பெறும் பெரும்பாலான பிரச்சினைகளுக்கான தீர்வுகள் விரைவாக மேற்கொள்ளப்பட்டமை தொடர்பாக பொலிஸாருக்கு பாராட்டுக்களும் தெரிவிக்கப்பட்டன.மேலும் இக்கூட்டத்தில் தடை செய்யப்பட்ட சுருக்கு வலை பயன்பாட்டால் வடமாராட்சி கடற்றொழிலாளர்கள் பாதிக்கப்படுவதாக தெரிவிக்கப்பட்டதையடுத்து இன்றிலிருந்து கடலுக்கு செல்லும் மீனவர்கள் கடற்படை அரண் ஊடாகவே கடலுக்கு செல்ல வேண்டும் எனவும் தீர்மானிக்கப்பட்டது.
முயற்சியாளர்களின் உற்பத்திப் பொருட்களுட்களுக்கான சந்தை வாய்ப்பை பெற்றுக்கொள்ளும் முகமாக யாழ்மாவட்ட செயலகத்தினால் 02.04.2023 ஆம் திகதியிலிருந்து ஒவ்வொரு ஞாயிற்று கிழமைகளிலும் சங்கிலியன் பூங்கா வளாகத்தில் வாராந்த சந்தை நடாத்த திட்டமிடப்பட்டுள்ளது. இங்கே யாழ் மாவட்ட விவசாயத்துறை, கைத்தொழில் துறை சார் உற்பத்திப்பொருட்களை விற்பனை செய்யமுடியும் இதனூடாக உற்பத்தியாளர்களின் இடைத்தரகர்களுக்கான செலவீனம் குறைக்கப்படுவதுடன் எதிர்காலத்தில் நுகர்வோர்களின் தேவைக்கேற்றவாறு உற்பத்தி நடவடிக்கைகளிலும் ஈடுபட்டு அவர்கள் தமது பொருளாதாரத்தில் முன்னேற்றமடைவதுடன் ஏனையவர்களுக்கும் வேலைவாய்ப்பை வழங்க முடியும் என எதிர்பார்க்கப்படுகின்றது. இந்த சந்தர்ப்பத்தை பின்பற்றி பயன்பெற விரும்பும் முயற்சியாளர்கள் தமது பிரதேச செயலகத்துடன் தொடர்பு கொள்ள முடியும் அத்துடன் அலுவலக நேரத்தில் பின்வரும் தொலைபேசி இலக்கத்துடன் தொடர்பு கொண்டு மேலதிக விபரங்களைப் பெற்றுக்கொள்ளவும்.
தொலைபேசி இலக்கம் :- 0212213861, 0778842577
அரசாங்கத்தின் 2022/2023 பெரும்போக நெல் கொள்வனவு மற்றும் நெல் கையிருப்பு அகற்றல் நிகழ்ச்சித்திட்டத்தின் கீழ் வறிய மக்களுக்கான இலவச அரிசிப் பொதி வழங்கும் மாவட்ட மட்ட நிகழ்வு 26.03.2023 ஆம் திகதி யாழ்ப்பாண மாவட்ட அரசாங்க அதிபர் அம்பலவாணர் சிவபாலசுந்தரன் அவர்களினால் நல்லூர் மற்றும் யாழ்ப்பாண பிரதேச செயலகப்பிரிவுகளில் ஆரம்பித்து வைக்கப்பட்டது.
இத் திட்டத்தின் கீழ் யாழ்.மாவட்டத்தில் 123282 குடும்பங்களுக்கு அரிசிப் பொதி பகிர்ந்தளிக்கப்பட்டு வருகின்றது. 28.03.2023ஆம் திகதி வரை 29901 குடும்பங்களுக்கு இவ் அரிசிப் பொதி வழங்கிவைக்கப்பட்டுள்ளமை குறிப்பிடத்தக்கது.
யாழ்ப்பாண மாவட்ட செயலகமும் மாவட்ட மகளிர் சம்மேளனமும் இணைந்து நடாத்திய சர்வதேச மகளிர் தினம் - 2023 மாவட்ட அரசாங்க அதிபர் அம்பலவாணர் சிவபாலசுந்தரன் அவர்களின் தலைமையில் 16.03.2023 அன்று வியாழக்கிழமை காலை 9.00 மணிக்கு மாவட்ட செயலகத்தில் நடைபெற்றது.
இந்நிகழ்வில் மாவட்ட செயலக பெண்கள் அபிவிருத்திப் பிரிவின் ஏற்பாட்டில் யாழ்ப்பாண மாவட்ட பெண் தொழில் முயற்சியாளர்களது உற்பத்திப் பொருட்களின் கண்காட்சியும் விற்பனையும் காலை 9.00 மணி தொடக்கம் மாலை 4.00 மணி வரை நடைபெற்றதுடன், சிறந்த பெண்தொழில் முயற்சியாளர்களுக்கான விருதுகள் 21 பெண்மணிகளுக்கும், சிறந்த பெண் குருதிக்கொடையாளர் விருது ஒரு பெண்மணிக்கும் வழங்கிவைக்கப்பட்டமை குறிப்பிடத்தக்கது.
இந்நிகழ்வில் பிரதம விருந்தினராக யாழ்ப்பாண மருத்துவ பீட உயிர் இரசாயனவியல் சிரேஷ்ட பேராசிரியரும், பல்கலைக்கழக முன்னாள் துணைவேந்தரும், பல்கலைக்கழக மானியங்கள் ஆணைக்குழுவின் உறுப்பினருமான பேராசிரியர் வசந்தி அரசரத்தினம் அவர்கள் கலந்து சிறப்பித்தார்.