- ඔබ මෙතැනය:
-
මුල් පිටුව
- News
தேசிய இளைஞர் படையணி கியூ மெடிக்கா நிறுவனத்துடன் இணைந்து மேற்கொள்ள உள்ள திட்டங்கள் தொடர்பாக யாழ். மாவட்ட அரசாங்க அதிபருடனான கலந்துரையாடல் இன்று (01.12.2022) யாழ் மாவட்ட செயலகத்தில நடைபெற்றது.
இக்கலந்துரையாடலில் இளைஞர்களுக்காக மேற்கொள்ள உள்ள தலைமைத்துவம், மென்திறன்விருத்தி பயிற்சிகள் தொடர்பாக கலந்துரையாடப்பட்டன.இக்கலந்துரையாடலில் மேலதிக அரசாங்க அதிபர் ம. பிரதீபன் , மேலதிக அரசாங்க அதிபர் (காணி) எஸ். முரளிதரன், உதவி மாவட்ட செயலாளர் எஸ்.சி.என் கமலராஜன், கியூமெடிக்கா நிறுவன பிரதிநிதி ரி.ஜி. பிருத்திவிராஜ், தேசிய இளைஞர் படையணியின் மேலதிக பணிப்பாளர் சமன்குலசூர்ய, தேசிய இளைஞர் படையணியின் உத்தியோகத்தர்கள் ஆகியோரும் கலந்து கொண்டனர்
தேசிய சிறுவர் பாதுகாப்பு அதிகார சபையின் ஏற்பாட்டில் அதிபர், ஆசிரியர்கள் மற்றும் மாணவத் தலைவர்களுக்கான விழிப்புணர்வு செயலமர்வு நேற்று (30) யாழ்ப்பாணம் வீரசிங்கம் மண்டபத்தில் நடைபெற்றது.
இந்நிகழ்வில் யாழ்.மாவட்ட அரசாங்க அதிபர் க.மகேசன், யாழ்.மாவட்ட மேலதிக அரசாங்க அதிபர் ம.பிரதீபன், தேசிய சிறுவர் பாதுகாப்பு அதிகார சபையின் பணிப்பாளர் சானிகா மலல்கொட மற்றும் தேசிய சிறுவர் பாதுகாப்பு அதிகாரசபையின் உதவிப் பணிப்பாளர், மேலதிக மாகாண கல்வி பணிப்பாளர், தேசிய சிறுவர் பாதுகாப்பு அதிகார சபையின் அதிகாரிகள், பொலிஸ் உத்தியோகத்தர்கள், யாழ்.மாவட்ட சிறுவர் பாதுகாப்பு உத்தியோகத்தர்கள், அதிபர்கள், ஆசிரியர்கள் மற்றும் மாணவத் தலைவர்கள் என பலர் கலந்து கொண்டனர்
Solidarity Center நிறுவனத்தின் அனுசரனையில் பால் மற்றும் பால்நிலை வன்முறைகளற்ற ஆரோக்கியமான வேலைச்சூழல் தொடர்பான கலந்துரையாடல் யாழ்ப்பாண மாவட்ட மேலதிக அரசாங்க அதிபர் திரு.மருதலிங்கம் பிரதீபன் அவர்களின் தலைமையில் 29.11.2022ம் திகதி செவ்வாய்க்கிழமை காலை 9.30 மணிக்கு மாவட்ட செயலக கேட்போர் கூடத்தில் நடைபெற்றது.
அலுவலக வேலைச்சூழலில் ஆரோக்கியமான சூழலை உருவாக்குவதற்கான வழிமுறைகள் மற்றும் முன்னேற்றங்கள், எதிர்காலத்தில் மேற்கொள்ள வேண்டிய நடவடிக்கைகள் மற்றும் அலுவலர்களுக்கு காணப்படும் பிரச்சினைகள், தொடர்பாக கலந்துரையாடப்பட்டன. அத்துடன் ஆரோக்கியமான சூழலை ஏற்படுத்துவது தொடர்பில் பல்வேறு கோரிக்கைகள் அலுவலர்களால் முன்வைக்கப்பட்டதுடன், அதற்கான சாதகமான தீர்வுகளைப் பெற்றுத்தருவதாக மாவட்ட மேலதிக அரசாங்க அதிபர் கூறினாா்.
தேசிய தொழில் முயற்சி அபிவிருத்தி அதிகாரசபையினால் நடாத்தப்படும் மாவட்ட தொழில் முயற்சி மன்றம் அரசாங்க அதிபர் திரு.க.மகேசன் தலைமையில் இன்று (29.11.2022) மு.ப 9.00 மணிக்கு மாவட்டசெயலக மாநாட்டு மண்டபத்தில் இடம்பெற்றது.
இந்நிகழ்வில் மேலதிக அரசாங்க அதிபர் திரு. ம.பிரதீபன், மாவட்ட திட்டமிடல் பணிப்பாளர் திருமதி செ.நிக்கொலஸ்பிள்ளை, பிரதித் திட்டமிடல் பணிப்பாளர் திரு இ.சுரேந்திரநாதன், தேசிய தொழில் முயற்சி அபிவிருத்தி அதிகாரசபையின் வடமாகாண இணைப்பாளர் திரு க.ரவிக்குமார், மாவட்ட செயலக தேசிய தொழில் முயற்சி அபிவிருத்தி அதிகாரசபையின் மாவட்ட செயலக மற்றும் பிரதேசசெயலகங்களின் அபிவிருத்தி உத்தியோகத்தர்கள், வங்கி முகாமையாளர்கள், கைத்தொழில் சார் நிறுவனங்கள் அமைப்புக்களின் பிரதிநிதிகள், சிறிய மற்றும் நடுத்தர தொழில் முயற்சியாளர்கள் ஆகியோர் கலந்துகொண்டனர்.
சமுர்த்தி சமுதாய மட்ட அமைப்பின் அங்கத்தவர்களுக்கான மீளாய்வு கூட்டமானது (25.11.2022) காலை9.00 மணிக்கு யாழ்.மாவட்ட செயலக கேட்போர் கூடத்தில் சமுர்த்தி பணிப்பாளர் தி.விஸ்வரூபன் தலைமையில் இடம்பெற்றது.
சமுதாய அடிப்படை அமைப்புக்கள் தொடர்பான விடயங்கள், சமுதாய அடிப்படை அமைப்பு பதிவினைப் புதுப்பித்தல், பிரதேச அமைப்புக்களிற்கு சொந்தமான நிதியங்கள், அருணலு கடனை வழங்குவதன் முன்னேற்றங்கள், சமுர்த்திப் பசுமை நிறை தாயக மரநடுகை வேலைத்திட்டங்களும் அவற்றின் செயற்பாடுகள், புதிதாக இணைக்கப்பட்டுள்ள அபிவிருத்தி உத்தியோகத்தர்களுக்கான கடமைப்பட்டியல் தொடர்பாகவும்கலந்துரையாடப்பட்டதுடன் மேலும் சமுதாய அமைப்புக்களின் 2023ஆம் ஆண்டின் செயற்பாட்டுத்திட்டமிடலை 2022.12.15 ஆம் திகதிக்கு முன்னர் பிரதேச அமைப்பிற்கு அல்லது சமுதாய அடிப்படைவங்கிச்சங்கத்திற்கு வழங்கவேண்டும், பிரதேச அமைப்புக்களின் 2023 ஆம் ஆண்டின் செயற்பாட்டுத்திட்டமிடலை 2022.12.20 ஆம் திகதிக்கு முன்னர் வழங்க நடவடிக்கை மேற்கொள்ளவும் அறிவுறுத்தப்பட்டது.
இந் நிகழ்வில் சமுர்த்திக் கணக்காளர் திரு. இ.முருகதாஸ், சிரேஸ்ட முகாமையாளர் திரு. ஆ. ரகுநாதன், பிரதேச செயலக சமுர்த்தி தலைமையக முகாமையாளர்கள், வங்கிச்சங்க முகாமையாளர்கள், சமுதாய மட்ட அபிவிருத்தி உத்தியோகத்தர்கள், பிரதேச மட்ட தலைவர், செயலாளர்கள் கலந்துகொண்டனர்.