2023 ஆம் ஆண்டுக்குரிய திட்டங்கள் தொடர்பான கலந்துரையாடல் யாழ். மாவட்ட மேலதிக அரசாங்க அதிபர் திரு. ம.பிரதீபன் தலைமையில் (20.10.2022) வியாழக்கிழமை மாவட்ட செயலக கேட்போர் கூடத்தில் நடைபெற்றது.
சமூகத்தில் பொருளாதார மட்டத்தில் நலிவடைந்த குடும்பங்கள் மற்றும் அமைப்புகளை வலுப்படுத்தும் வகையில் பல நிகழ்ச்சித்திட்டங்களை Fairmed நிறுவனம் முன்னெடுத்துவரும் நிலையில் அடுத்து வரும் இரண்டு வருட காலத்திற்கு மேற்கொள்ளப்படவேண்டிய செயற்றிட்டங்கள் தொடர்பாக இதன்போது கலந்துரையாடப்பட்டமை குறிப்பிடத்தக்கது.
இக் கலந்துரையாடலில் பிரதேச செயலாளர்கள், Fairmed நிறுவன தேசிய இணைப்பாளர்,மாவட்ட செயலக உத்தியோகத்தர்கள், சமூக சேவைகள் அபிவிருத்தி உத்தியோகத்தர்கள் மற்றும் பெண்கள் அபிவிருத்தி உத்தியோகத்தர்கள் எனப் பலர் கலந்துகொண்டனர்

இந்தியாவிலிருந்து திரும்பி வந்த இலங்கையர்களின் பிரச்சினைகளுக்கு தீர்வு வழங்குவதற்கான நடமாடும் சேவை எதிர்வரும் 31.10.2022 திங்கட்கிழமை காலை 8.30 மாலை 4.30 மணி வரை யாழ்ப்பாண மாவட்ட செயலகத்தில் நடைபெறவுள்ளது.
 
குறித்த நடமாடும் சேவையில் பின்வரும் அமைச்சுக்கள் மற்றும் திணைக்களங்கள் பங்குபற்ற உள்ளன.
 
1நீதி மற்றும் சிறைச்சாலைகள் அலுவல்கள் மற்றும் அரசியலமைப்பு மறுசீரமைப்பு அமைச்சு
2.பாதுகாப்பு அமைச்சு
3.வெளிநாட்டு அலுவல்கள் அமைச்சு
4.பதிவாளர் நாயகம் திணைக்களம்
5.ஆட்பதிவு திணைக்களம்
6.குடிவரவு மற்றும் குடியகழ்வு திணைக்களம்
7.இழப்பீட்டுக்கான அலுவலகம்
8.காணி ஆணையாளர் நாயகம் திணைக்களம்
9.மாகாண காணி ஆணையாளர் நாயகம் திணைக்களம்

வாகன உடைமை மாற்றத்திற்கான ஒருநாள் சேவையானது (22.10.2022) மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் மோட்டார் வாகன போக்குவரத்து திணைக்கள ஆணையாளர் நாயகம் அவர்களால் யாழ்ப்பாண மாவட்ட மோட்டார் போக்குவரத்து திணைக்களத்தில் உத்தியோகபூர்வமாக ஆரம்பித்து வைக்கப்பட்டது.
2022.10.22 ஆந் திகதி முதல் பொதுமக்கள் இச்சேவையினை பெற்றுக்கொள்ள முடியும் என்பதுடன், சாதரண சேவையில் உடைமை மாற்றத்திற்கான சமர்ப்பிக்கப்படும் ஆவணங்களுக்கு மேலதிகமான ஆவணங்களையும் இணைத்து உடைமை மாற்றப்படிவங்களை நேரில் வந்து சமர்ப்பிப்பதன் மூலம் ஒருநாள் சேவையை பொதுமக்கள் பெற்றுக்கொள்ள முடியும்.

UNDP நிறுவனத்துடன் இணைந்து சிறுவர்களுக்கான அபிவிருத்தி நிலையத்தினால் யாழ்ப்பாண மாவட்டத்தில் பால்நிலைசார் வன்முறையினால் பாதிக்கப்பட்ட கர்ப்பிணிப் பெண்களுக்கு வழங்குவதற்கென 40 அவசரப் பொதிகள் மாவட்ட செயலக சிறுவர் பெண்கள் அபிவிருத்தி பிரிவிற்கு மாவட்ட அரசாங்க அதிபர் கணபதிப்பிள்ளை மகேசன் அவர்களிடம் (26.10.2022) மாலை 3.30 மணியளவில் வழங்கி வைக்கப்பட்டது.
இந்நிகழ்வில் யாழ் மாவட்ட மேலதிக அரசாங்க அதிபர், மாவட்ட மேலதிக அரசாங்க அதிபர்(காணி) திட்டமிடல் பணிப்பாளர், உதவி மாவட்ட செயலாளர், UNDP நிறுவன பிரதிநிதிகள், சிறுவர் பெண்கள் அபிவிருத்தி பிரிவு உத்தியோகத்தர்கள் உள்ளிட்ட பலர் கலந்து கொண்டனர்.

யாழ்ப்பாண மாவட்ட பண்பாட்டு பேரவையும், யாழ்ப்பாண மாவட்ட செயலகமும், வடக்கு மாகாண பண்பாட்டலுவல்கள் திணைக்களமும் இணைந்து நடாத்தும் மாவட்ட பண்பாட்டு விழா நிகழ்வானது மாவட்ட அரசாங்க அதிபரும் மாவட்ட பண்பாட்டுப் பேரவை தலைவருமான திரு. கணபதிப்பிள்ளை மகேசன் அவர்களின் தலைமையில் நேற்றைய தினம் (21.10.2022) சரஸ்வதி மண்டபத்தில் (ராஜா கிறீம் ஹவுஸ்) நடைபெற்றது.
இந்நிகழ்வின் பிரதம விருந்தினராக வடக்கு மாகாண பிரதம செயலாளர் திரு.எஸ்.எம். சமன் பந்துலசேன அவர்களும், சிறப்பு விருந்தினராக வடக்கு மாகாண கல்வி, பண்பாட்டலுவல்கள், விளையாட்டுத்துறை மற்றும் இளைஞர் விவகார அமைச்சின் செயலாளர் திரு.இ.வரதீஸ்வரன் அவர்களும், கௌரவ விருந்தினராக சாகித்திய ரத்னா திரு. ஐ. சாந்தன் அவர்களும் கலந்து கொண்டிருந்தார்கள்.
இந் நிகழ்வின் ஆரம்பத்தில் விருந்தினர்கள் தமிழர்களின் மங்கள வாத்தியங்களுடன் யாழ். நாச்சிமார் ஆலயத்திலிருந்து நிகழ்வு மண்டபத்திற்கு அழைத்து வரப்பட்டார்கள்.இதனைத் தொடர்ந்து, மங்கல விளக்கேற்றலுடன், தமிழ்த்தாய்க்கு மாலை அணிவித்து தமிழ் தாய் வணக்கம் இசைக்கப்பட்டது.மேலும், இந் நிகழ்வில் யாழ்ப்பாண மாவட்ட பண்பாட்டு பேரவையால் "யாழ்ப்பாணம்" எனும் நூல் வெளியீடு இடம்பெற்றது.இதனைத் தொடர்ந்து யாழ்ப்பாண மாவட்ட மூத்த கலைஞர்களுக்கு "யாழ் முத்து"விருது வழங்கி கௌரவிக்கப்பட்டது.அத்தோடு, யாழ்ப்பாண மாவட்ட இளங்கலைஞர்களும் விருது வழங்கிக்கௌரவிக்கப்பட்டார்கள்.

  1. உலக உளநல நாள் மற்றும் தேசிய உளவளத்துணை நிகழ்ச்சி
  2. கள் விற்பனை நிலையங்கள் (தவறணை)தொடர்பான கலந்துரையாடல்.
  3. பின்தங்கிய நிலையில் உள்ள சுய தொழில் முயற்சியாளர்களின் வலையமைப்பு மற்றும் கூட்டாண்மையை வலுப்படுத்துவதன் மூலம் பொருளாதார மேம்பாட்டினை அடைதல் தொடர்பான திட்ட அறிமுக ஆலோசனை அமர்வு.
  4. தீபாவளி பண்டிகையை முன்னிட்டு சிறுதொழில் முயற்சியாளர்களின் விற்பனை கண்காட்சி.