மேலும், ஊர்காவற்றுறை பிரதேசத்தில் 3 நடமாடும் சேவையினை நடத்துவதற்கான தேவையுள்ளதாகவும், இலங்கையில் அதிக தீவுகளைக்கொண்ட மாவட்டமான யாழ்ப்பாண மாவட்டத்தில் மிக குறைந்த மக்கள் தொகையை கொண்ட தீவாக எழுவைதீவு பிரதேசம் காணப்படுவதாகவும், மக்களின் தேவை கருதி மக்களை தேடிச்சென்று அவர்களுக்கு சேவைவழங்குவதை நோக்காக கொண்டு இவ் நடமாடும் சேவைக்கான அனுமதி வழங்கப்பட்டதாகவும், இரு மாத்திற்கு ஒரு தடைவை எழுவை தீவு மற்றும் அனலை தீவு பிரதேசங்களக்கு மாவட்ட மட்ட உத்தியோகத்தரை அழைத்து வந்து மக்களுக்கான சேவைகளை மேற்கொள்வதற்கான நடவடிக்கைகளை மேற்கொள்ளுமாறும் தெரிவித்தார். மேலும், மக்களின் அடிப்படைத் தேவைகளை பூர்த்தி செய்யவேண்டிய பொறுப்பு மாவட்ட செயலாளருக்கு உள்ளதாகவும், சிவில் விமான சேவைகள் மற்றும் போக்குவரத்து அமைச்சர் கௌரவ பிமல் ரட்நாயக்க அவர்களின் ஏற்பாட்டில் தீவு பகுதிகளுக்கான போக்குவரத்து அபிவிருத்திககென 250 மில்லியன் ரூபா நிதி ஒதுக்கீடு செய்யப்பட்டடுள்ளதாகவும், இதில் ஊர்காவற்றுறை பிரதேச அபிவிருத்திக்காக 60 மில்லியன் ரூபா ஒதுக்கப்பட்டது எனவும், எழுவை தீவிற்காக 3 வீதிகள் புனரமைப்பிற்காக 22 மில்லியன் ரூபா ஒதுக்கப்பட்டு புனரமைப்பு நடவடிக்கை மேற்கொள்ளபட்டுவருவதாகவும், இவ் வீதிகளை புனரமைப்பதற்கான முலப்பொருட்களை எழுவைதீவிற்கு எடுத்துவருவதில் சவாலக்ளை எதிர்நோக்கி வருவதாகவும், இதற்கு பிரதேச சபையின் கெளரவ தவிசாளர் மற்றும் உத்தியோகத்தர்களின் ஒத்துழைப்பு தேவைப்படுவதகாவும் தெரிவித்தார்.

மேலும், சுற்றுலாப் பயணிகளின் வருகை அதிகமாக காணப்படுவதனால் எழுவைதீவை சுற்றாலாத் தலமாக மாற்றுவதற்கு திட்ட முன்மொழிவு கள் சமர்ப்பிக்கப்பட்டுள்ளதாகவும், இங்கு குறைந்தளவான வீடுகள் உள்ளன எனவும், நேரடியாக சென்று அங்குள்ள மக்களின் பிரச்சினைகளை கேட்டறிந்து தீர்வுகளை வழங்க முடியும் எனவும் தெரிவித்தார். மேலும், எதிர்காலத்தில் தொடர்ச்சியான முன்னேற்றங்களை அடைவதற்கு முழுமையாக ஒத்துழைப்பை வழங்குமாறும் பிரதேச செயலளர் மற்றும் உத்தியோகத்தர்கள்கேட்டுக் கொண்டதுடன், மக்களுக்கு அர்ப்பணிப்பான சேவையாற்றியமைக்கு நன்றிகளையும் பாராட்டுக்களையும் தெரிவித்தார். மேலும் வறிய மக்களுக்கு அல்லது தனிமைப்படுத்தப்பட்ட மக்களுக்கு சேவையாற்றுவது என்பது கடவுளுக்கு செய்யப்படும் சேவைக்கு சமனானதாகும் எனவும் அரசாங்க அதிபர் தெரிவித்தார். இந் நடமாடும் சேவையில் ஆட்களைப் பதிவுசெய்யும் திணைக்களத்தினால் வழங்கப்படும் சேவைகள் (தேசிய அடையாள அட்டை), ஓய்வூதியம் தொடர்பான சேவைகள், பிறப்பு, இறப்பு மற்றும் உத்தேச வயது சான்றிதழ்கள் தொடர்பான சேவைகள்,மோட்டார் வாகன பதிவு மற்றும் வாகன வருமான அனுமதிப்பத்திரம் தொடர்பானசேவைகள், பிரதேச சபைகளால் வழங்கப்படும் சேவைகள், பொலிஸ் திணைக்களத்தினால் வழங்கப்படும் சேவைகள், மனிதவள அபிவிருத்தி தொடர்பான சேவைகள் மற்றும் தொழில் வழிகாட்டல்கள்,திறன் அபிவிருத்தி தொடர்பான சேவைகள் மற்றும் தொழிற்கல்வி வழிகாட்டல்கள், சமூக சேவைகள் திணைக்களத்தினால் வழங்கப்படும் சேவைகள், முதியோர் தேசிய செயலகத்தினால் வழங்கப்படும் சேவைகள், காணி தொடர்பான சேவைகள், மருத்துவ முகாம் போன்ற சேவைகள் வழங்கப்பட்டன. மேலும் பொதுமக்களுக்கு கண்புரை பரிசோதனை இடம்பெற்று இலவச மூக்குக்கண்ணாடிகள் வழங்குதற்கான நடவடிக்கைகள் எடுக்கப்பட்டன. மேலும், துணி பை, முதியவர்களுக்கான அத்தியாவசியப் பொதிகள், மரக்கன்றுகள் என்பன வழங்கப்பட்டதுடன்,அரசாங்க அதிபரினால் மரக்கன்றும் நாட்டப்பட்டது. இந் நிகழ்வில், மாவட்ட மேலதிக அரசாங்க அதிபர், யாழ்ப்பாண மாவட்ட ஊர்காவற்றுறை பிரதேச சபை கெளரவ தவிசாளர், ஒருங்கிணைப்புக்குழுவின் பிரதேச இணைப்பாளர், உதவி மாவட்ட செயலாளர், கிராம அலுவலர்கள், மற்றும் பிரதேச செயலகத்தினுடைய பதவிநிலை உத்தியோகத்தர்கள், மாவட்ட செயலக மற்றும் பிரதேச செயலக உத்தியோகத்தர்கள் மற்றும் சேவைகளைப் பெற்றுக் கொள்ள வந்த பொதுமக்கள் எனப் பலரும் கலந்து கொண்டனர்.

 

 

இதன் போது கருத்து தெரிவித்த யாழ்ப்பாண மாவட்ட செயலக மேலதிக அரசாங்க அதிபர் அவர்கள், யாழ் மாவட்டத்தினுடைய சுற்றுலாத்துறை பல்வேறுபட்ட சவால்களுக்கு மத்தியிலே அதனுடைய செயற்பாடுகளை மேற்கொண்டுவருவதாகவும், அதன் அடிப்படையில், வட மாகாணத்திற்கான சுற்றுலா தொடர்பான அபிவிருத்தி திட்டம் ஒன்றினை தயாரிப்பதற்கு யாழ்ப்பாண மாவட்டம் மிக முக்கியமான சுற்றுலா மையமாக இருப்பதாகவும் தெரிவித்தார். மேலும், யாழ் மாவட்டத்தினுடைய சுற்றுலாவினை மேம்படுத்தும் வகையில் சிறந்த திட்டங்களை உருவாக்கி ஒழுங்குபடுத்தி, அதன் ஊடாக மாவட்டத்தினுடைய சுற்றுலாவினை மேம்படுத்துவதன் ஊடாக மக்களுடைய வாழ்க்கை தரத்தினையும், வாழ்வாதாரத்தினையும் அதிகரிப்பதற்கான ஒரு வாய்ப்பாக அமைந்திருக்கும் எனவும் தெரிவித்தார். ஏனைய இடங்களில் இருந்து வருகின்றவர்களுக்கான ஒரு சிறப்பான ஒரு சுற்றுலா மையமாக யாழ் மாவட்டத்தினை மாற்றுவதற்கான ஒரு தந்திரோபாய திட்டத்தினை வகுக்கும் பயிற்சி பட்டறையாக இதனை பயன்படுத்த வேண்டும் எனவும், வட மாகாணத்திற்கான ஒரு சுற்றுலா அபிவிருத்தி திட்டத்தினை சிறந்த முறையில் உருவாக்க வேண்டும் எனவும் தெரிவித்தார்.

பயிற்சி பட்டறையின் இறுதி நிகழ்வில் கலந்து கொண்ட யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்கள், சுற்றுலாத்துறைக்கான 05 ஆண்டுத் திட்டங்கள் தயாரிக்கும் போது சமூகத்தின் பலதரப்பட்ட பங்குதாரர்கள் உள்ளடக்கி அவர்களின் ஆலோசனைகளைப் பெற்று தயாரிக்க வேண்டும் எனவும், இதன் மூலமே திட்டங்கள் வினைத்திறனாக அமையும் எனவும் தெரிவித்தார். மேலும் இன்றைய கலந்துரையாடலில் ஆராயப்பட்ட திட்டங்களை மாதிரித் திட்டங்களாக தயாரித்து, மீண்டும் பொருத்தமான பங்குதாரர்களுடன் சேர்ந்து ஆராய்ந்து இறுதி செய்வதே பொருத்தமாக அமையும் எனவும் அரசாங்க அதிபர் தெரிவித்தார். இந் நிகழ்வில் யாழ்ப்பாண மாநகர கெளரவ முதல்வர், வடக்கு மாகாண சுற்றுலா பணியத்தின் தலைவர் திரு.அ. பத்திநாதன், வவுனியா பல்கலைக்கழக விரிவுரையாளரா பேராசிரியர் திரு. நந்தகோபாலன் மற்றும் சிரேஷ்ட விரிவுரையாளர் கலாநிதி சம்மிக்க லியனகே, உள்ளூராட்சி சபைகளின் கெளரவ தவிசாளர்கள், பிரதேச செயலாளர்கள், உதவி பிரதேச செயலாளர்கள், யாழ் மாவட்ட திட்டமிடல் பணிப்பாளர். மாவட்ட செயலக மற்றும் பிரதேச செயலக உதவி மற்றும் பிரதி திட்டமிடல் பணிப்பாளர்கள், வடமாகாண சுற்றுலா பணியத்தினுடைய பணிப்பாளர், ஏனைய திணைக்கள அதிகாரிகள், பிரதேச சபையினுடைய செயலாளர்கள், யாழ் மாவட்ட செயலக பதவி நிலை உத்தியோகத்தர்கள் மற்றும் ஏனைய திணைக்களங்களுடைய பிரதிநிதிகள் உள்ளிட்ட பலர் கலந்துகொண்டனர்.