- ඔබ මෙතැනය:
-
මුල් පිටුව
- News
யாழ்ப்பாண மாவட்ட விவசாய அபிவிருத்திக்குழு விசேட கலந்துரையாடல் விவசாய அமைச்சர் கெளரவ மஹிந்த அமரவீர அவர்களின் ஆலோசனைக்கு அமைவாக மாவட்ட அரசாங்க அதிபர் அம்பலவாணர் சிவபாலசுந்தரன் அவர்களின் தலைமையில் நேற்றைய தினம் (15.10.2023) மாவட்ட செயலக கேட்போர் கூடத்தில் இடம்பெற்றது.
இக் கலந்துரையாடலில் கௌரவ வட மாகாண ஆளுநர் பி.எஸ்.எம்.சார்ள்ஸ், கௌரவ பாராளுமன்ற உறுப்பினர் அங்கஜன் இராமநாதன், வட மாகாண பிரதமசெயலாளர் சமன் பந்துலசேன, அரசாங்க அதிபர் அம்பலவாணர் சிவபாலசுந்தரன் மற்றும் மாகாண விவசாய அமைச்சின் செயலாளர், மாகாண விவசாய பணிப்பாளர், மாகாண நீர்பாசன பணிப்பாளர், மேலதிக அரசாங்க அதிபர், மேலதிக அரசாங்க அதிபர்(காணி), பிரதேச செயலாளர்கள், திணைக்கள தலைவர்கள், கௌரவ கடற்தொழில் அமைச்சரின் இணைப்பாளர், சிவில் அமைப்புக்களின் பிரதிநிதிகள், கமக்கார அமைப்புக்கள் ஆகியோர் கலந்துகொண்டிருந்தார்கள்.
இதில், மாவட்ட விவசாய அபிவிருத்தி தொடர்பான விடயங்கள், விவசாய அமைச்சினால் நடைமுறைப்படுத்தப்பட்டு வருகின்ற அபிவிருத்தி திட்டங்கள், கமநல அபிவிருத்தி திணைக்களம் சார்ந்த அபிவிருத்தி திட்டங்கள், மாகாண விவசாயத்திணைக்களத்தினால் நடைமுறைப்படுத்தப்படும் அபிவிருத்தி திட்டங்கள், நீர்ப்பாசனத் திணைக்களத்தின் விவசாயம் சார்ந்த அபிவிருத்தி நடவடிக்கைகள், கால்நடை சுகாதார திணைக்களத்தின் அபிவிருத்தி நடவடிக்கைகள் உள்ளிட்ட விடயங்கள் கலந்துரையாடப்பட்டன.
மேலும் நெல் அழிவுக்கான காப்புறுதிக் கொடுப்பனவு மற்றும் விவசாயிகளுக்கான ஓய்வூதிய கொடுப்பனவு ஆகியனவும் வழங்கிவைக்கப்பட்டன.
சுற்றுலா ஊக்கப்படுத்தலுக்கான உள்ளூர் உற்பத்தி பொருட்கள் மற்றும் பாரம்பரிய உணவு தொடர்பான கலந்துரையாடல் மாவட்ட அரசாங்க அதிபர் அம்பலவாணர் சிவபாலசுந்தரன் அவர்களின் தலைமையில் (17.10.2023) மாவட்ட செயலக அரசாங்க அதிபர் அலுவலகத்தில் இடம்பெற்றது.
இக்கலந்துரையாடலில் யாழ் மாவட்டத்தில் சுற்றுலாத்துறையை மேம்படுத்த மேற்கொள்ள வேண்டிய விடயங்கள் குறிப்பாக சுற்றுலா காலாசார வழிகாட்டி குறிப்பு தயாரித்தல், வலையமைப்பு உருவாக்கம், துறைசார் உள்ளடக்க திணைக்களங்கள் அவற்றின் செயற்பாடுகள், பங்களிப்பு தொடர்பாக கலந்துரையாடப்பட்டன.
இக்கலந்துரையாடலில் மாவட்ட மேலதிக அரசாங்க அதிபர், மேலதிக அரசாங்க அதிபர்(காணி), மாவட்ட திட்டமிடல் பணிப்பாளர் ,உதவி மாவட்ட செயலாளர், பனை அபிவிருத்திச்சபை முகாமையாளர், யாழ் பல்கலைக்கழக சித்த மருத்துவ துறைத்தலைவர், துறைசாா் திணைக்கள பிரதிநிதிகள், துறைசாா் பல்கலைக்கழக மாணவர்கள்
ஆகியோா் கலந்து கொண்டனர்
நிரந்தரமாக இயலாமைக்கு உட்படுத்தப்பட்ட நபர்களுக்கு வாக்கை அடையாளம் இடும் போது பயன்படுத்தக்கூடிய தற்காலிக அடையாள அட்டையை வழங்கும் முன்னோடி நிகழ்ச்சி திட்ட முதற்கட்ட கலந்துரையாடல் உதவித் தேர்தல்கள் ஆணையாளர் கி.அமல்ராஜ் அவர்களின் தலைமையில் (12.10.2023) மாவட்ட செயலக கேட்போர் கூடத்தில் இடம்பெற்றது.
இக்கலந்துரையாடலில் அனைவரையும் உள்ளடக்கிய தேர்தல் செயன்முறையின் முக்கியத்துவம் தொடர்பான சிவில் அமைப்புகளின் பார்வை , தேர்தல் செயன்முறையில் இயலாமைக்கு உட்பட்ட நபர்களை சேர்ப்பதன் முக்கியத்துவம் மற்றும் சவால்கள், இயலாமைக்குட்பட்ட நபர்கள் அடங்கிய தேர்தல் செயன்முறை தொடர்பாக எடுக்கப்பட வேண்டிய நடவடிக்கை மற்றும் அடையாள அட்டை வழங்குவதன் முக்கியத்துவம் மற்றும் நடைமுறை பயன்பாடு,இயலாமைக்குட்பட்டவர்களுக்காக அறிமுகப்படுத்தப்படும் அடையாளஅட்டையை காட்சிப்படுத்தல் , அறிமுகப்படுத்தப்படும் அடையாளஅட்டை தொடர்பாக கருத்துக்கள் மற்றும் ஆலோசனைகளைப் பெற்றுக் கொள்ளல் என்பன தொடர்பாக நடைபெற்றன.
இதில் தேர்தல் ஆணையாளர் திரு.சமன் ஸ்ரீ ரத்நாயக்க , மாவட்ட அரசாங்க அதிபர் அம்பலவாணர் சிவபாலசுந்தரன், இயலாமைக்கு உட்பட்ட நபர்கள் அமைப்பின் ஒருங்கிணைந்த முன்னணி தவிசாளர் திருமதி.ராசாஞ்சலி பதிரகே, பவ்ரல் அமைப்பின் தேசிய இணைப்பாளர் சுஜீவ கயனாத், மேலதிக தேர்தல் ஆணையாளர் திரு.எஸ்.அச்சுதன் மற்றும் மேலதிக அரசாங்க அதிபர், மேலதிக அரசாங்க அதிபர் ( காணி),சமூக சேவைகள் திணைக்கள அதிகாரிகள் சிவில் அமைப்புக்களின் பிரதிநிதி மற்றும் இயலாமைக்குட்பட்டவர்கள் ஆகியோர் கலந்து கொண்டிருந்தார்கள்
"எல்லாவற்றையும் விட பிள்ளைகள் பெறுமதியானவர்கள் " எனும் தொனிப்பொருளில் யாழ்ப்பாண மாவட்ட செயலகம் நடாத்தும் சிறுவர், முதியோா் மற்றும் மாற்றாற்றலுடையோா் தின நிகழ்வு மாவட்ட அரசாங்க அதிபர் அம்பலவாணர் சிவபாலசுந்தரன் அவர்களின் தலைமையில் (13.10.2023) பி.ப 3.00 மணிக்கு பழைய கச்சேரி கட்டடத்தில் இடம்பெற்றது.
இந்நிகழ்வில் சிறுவர்கள் எதிர்நோக்கும் சவால்கள், சிறுவர்கள் மீதான சமூகத்தின் அக்கறை , சிறுவர் உடல் உள நலன், போஷாக்கு , கல்வி தொடர்பாக கவனம் செலுத்த வேண்டிய விடயங்கள் , விழாக்களின் முக்கியத்துவம் என்பன தொடர்பாக மாவட்ட அரசாங்க அதிபர் கருத்துரை வழங்கினாா்.
இந்நிகழ்வில் விருந்தினர்களாக யாழ் போதனா வைத்தியசாலை உள வைத்திய நிபுணர் எஸ்.சிவதாஸ் அவர்களும், கல்வியியற்கல்லூரி் ஓய்வு நிலை விரிவுரையாளர் அவர்களும் கலந்து சிறப்பித்திருந்ததுடன், சிறுவர் நன்னடத்தை ஆணையாளர் திரு.குருபரன் மற்றும் மாவட்ட செயலக பதவி நிலை உத்தியோகத்தர்கள் மற்றும் மாவட்ட மற்றும் பிரதேச செயலக உத்தியோகத்தர்கள், சிறுவர்கள், முதியோா்கள் ஆகியோரும் கலந்து கொண்டனர்.
